واحد معصب فتح منتدى وشوف ماذا وضع من شروط

[reza_novin]

هلا فيكم أخواني/ أخواتي
جبت اليوم لكم موضوع توووووحفة
هذا الله يسلمكم واحد فاتح له منتدى وشوفو شو حط الشروط خخخخخخخخخخ
<
< السلام عليكم ورحمة الله وبركاته

لقد تغيرت شروط التسجيل في المنتدى ....

وتم تغيير مسمى المنتدى لتواكب مرحلة ما بعد الحرب الباردة
اعرفوا الشروط زين....وافهموها....

واللي ما يبي هالشروط جعل اصابعه اللي طقت على الكيبورد
الكسر...

ولو ما عليه كلافه يطق راسه باقرب جدار....حنا ما نلعب....واللي يبينا حياه الله بيننا....فهمتوا.

بما ان هذا الموقع موقعي بروحي لابارك الله فيكم وفي الساعة اللي فتحت لكم هالموقع....

فاللي يبي يسجل معنا يوافق على الشروط من ورى خشمه ....
والشروط هي...
1- اللي يسب اي واحد من الاعضاء بنجيه وبنربط حواجبه في صدامات الهايلكوس
وبنروح ونطعس فيه باقرب طعس...
قايلكم حنا ما نلعب

2-اللي بيخربط بالدين ولا بالسياسه....هذا عذابه عذاب. بخليه يتخيل انه قرد ولا عمره ذاق موز....
وابحجز له على اقرب رحله على طياره ترش الجراد وابرقي فيه على ارتفاع 50000 الف قدم
وبرضخ به على خوص نخله...علشان ما يعود لها.....
قايلكم حنا ما نلعب

3- انتم اعضاء لكم تكتبون بس....ولااحد فيكم يسوي لي فيه مراقب مانبي مراقبين.....
فهمتوا ولا افهمكم...

4- مسموح الذب...والذب هي كلمه اتيه من الذباب وهي فعل مضارع جمع تكسير مضارع
بسيط...فهمتوا...صح ولا ماهو صح...قولوا صح لابارك الله بالساعه اللي جمعت هالخشش
فيها...واللي بيزعل من الذب بنخربط وجهه ونخليه يطالع في المرايه ويطلع الاخطاء التسعه
عشر....ايه تسعطعش...ساحتنا وحنا حرين فيها
5- اللي بيسجل باسماء قبايل وعوايل...والا مخله بالادب....هذا بنوديه لا اقرب شيخ وبنكويه..وبعدين بناخذه لأقرب جليب...وبنغطسه وبنطلعه...ونغطسه ونطلعه الين مايقول.... اشهد ان الددسن سياره...
قايلكم ما نلعب...

6- قريتوا الشروط........هاه عجبتكم....فهمتوها...طيب ما عندنا تسجيل هالايام....واللي يبي يسجل
معنا يرسل لي ايميل على التلفون حقي اللي ماني ذاكره لكم...لان الدعوه عناد...واللي براسه حب ما
انطحن....تراي ابطحنه له....واذا فيه خير يقابلني وين ما يبي....
ملاحظه......

اللي بنكتشف انه رجال مشورب ويكتب باسماء بنات...ولا بنات تكتب باسماء رجاليه هذولي بنخلي
خششهم كلمات متقاطعه يصعب حلها.....والله ما يضرب بعصا يا سرع طيحتهم

موافق.................

غير موافق...............

واللي فيه خير يكتب غير موافق.......

[أنــفــاسـ]

خخخخخخخ حشى محد مسجل عنده ... كل العالم بتفقع
وهذا وهو خشته يبي يضارب ولا يبي يسوي موقع خخخخخخ


طبعا كتبت في الاخير غير موافق <<<< نصاب خاف وحط موافق


شوكرن على الموزوع ^^


تحياااااااااتي

[ماسنيسا]

هههههه
هذا داخل فيها تهديد و وعيد
بس عنده عصابة ولا جيش راح يقوموا بالاوامر
0.o

[zannoun]

ها ها ها

والله هذا إنسان ما أحب أتعامل معه

لهذي الدرجة متوحش

عسى ما يتعقد زيادة إذا ما حصّل حد اشترك بمنتداه لمدة عشر سنوات

شكراً عالموضوع

[The Shadow]

لا تخلون الدايركتر يغير الشروط ويخليها كذا XD ....

[reza_novin]

برایکم الدايركتر یعملها ؟؟؟؟

[محمد السيوطيM.S]

السلام عليكم

هههههههههه
ويش هذا منتدى "سفك الدماء"
<< منتديات سفك الدماء لا ترحب فيكم>>
و تلاقي مكتوب بدل السلام عليكم يا "اسم العضو" في أعلى الصفحة << لا سلام الله عليك يا من لا نريد ذكر اسمه>>

قريتوا الشروط........هاه عجبتكم....فهمتوها...طيب ما عندنا تسجيل هالايام....واللي يبي يسجل
معنا يرسل لي ايميل على التلفون حقي اللي ماني ذاكره لكم

هذاه هي أحلى فقرة

مشكور أخوي reza_novin على الموضوع
في رعاية الله

[dante-55]

خخخخ هذا شكله توه واحد مهزئه ..

[The Stream]

حلوه السشروط شكلي اذا فتحت منتدى انقلهن لمنتداي

[Evil Fish]

شكرا على النقل

[KaKa LoVeR]

يا حبيله صاحب المنتدى
عارف شلووون يتعامل مع الناس ^_^
بس ما قلت لنا شنو اسم هالمنتدى ابي اسجل فيه ^_^
مشكوور اخوي على الموضوع

[GT4 SKYLINE]

وين المنتدى هذا يجمع بين الشرر والتهدييييييييييد وسفك الدماء
انا اول واحد بيدسجل فية خخخخخخخخخخ
شكرا لك