[ موضوع للنقاش ] هل ستشتري جهاز نيتيندو المحمول القادم ؟

[XORO]

بسم الله الرحمن الرحيم

السلام عليكم ورحمة الله وبركاته



باقي تقريبا اقل من اسبوع وينزل جهاز الـ DSi وطبعا الهنود الله يطول بعمارهم ما بيقصرون معنا بالسعر

لكن انا سألت عنه في احد المحلات واتضح ان سعره بيكون ما بين 700 الى 800 ريال
بس ينزل الجهاز ونشوف

هالجهاز يعتبر الدفعة الثالثة من اجهزة الـ DS بعد صدور كل من الـ DS والـ DS lite

طبعا كلنا نعرف ميزات الجهاز الجديد فلا يوجد داعي لذكرها مجددا

قطع تشغيل الالعاب :

حسب علمي قطع التشغيل الحالية لا تدعم الجهاز الجديد كالـ R4-M3-N5-TT وغيرها

لكن هناك قطع خاصة بالجهاز القادم لم تنتشر في اسواقنا العربية من مثل :

acekard 2 و TT DSi




وغيرها من القطع قد تصدر بعد صدور الجهاز

انتظر ردودكم للنقاش حول الجهاز وعن اذا كان يستحق الاقتناء ام لا

ودمتم بخير

[NINITENDO]

فيه قطع واجد سوو لهم ابديت وخلوها تشتغل على DSi

لو كان حق DSi أشرطة خاصه لها وتشغل أشرطة DS العاديه أحسن

عشان كذا انا مالي نفس اخسر 800 ريال واشتريها لانه ماعندي الا R4 يعني مابتشتغل اضل على الDS الي عندي اصرف وأحسن لي ..

ومشكور عل الموضوع

[عمــomaniــاني]

السلام عليكم

انا عن رأيي الشخصي اقول انه بدون فايدة تشتري dsi

احسن تشتري psp 3000 سعرها تقريبا 90 ريال عماني =900 ريال سعودي, ومعها شريطان

و الـdsi قريبا بـ100 ريال عماني= 1000 ريال سعودي

الـpsp 3000 تقدر تخزن فيها برامج

اما الـdsi تقدر لكن ليس مثل برامج الـpsp 3000

psp 3000 برامجها اكثر واحسن

و ايضا يوجد شيء آخر تقدر تشتريه

انك تشتري ds lite المشكلة انها صارت قديمة >>>> انا عندي ds lite

انا لا امدح الـpsp 3000

لكن اقول انها احسن عن الـdsi

هذه نصيحتي لكم

شكرا على الموضوع

والسلام ختام

[ahmadkb]

السلام عليكم ورحمة الله وبركاته

DSi مازلت أفكر إذا سأشتريها أم لا.

يجب أن أراها على الواقع مدى الفرق بينها وبين اللايت.

ولعبة واريو الجديده شكلها بتكون رائعه قد أخذ الجهاز فقط لهذه اللعبه.

وأيضاً أريد قطعه تشغيل ألعاب جديده حيث أن الـM3 الذي أملكه تعطل. -_-

[zeezo oh]

بنتظر اسبع من نزول الجهاز بعدين أطلبها من amazon ب600 ريال
P:

[كيفي مواطن]

السلام عليكم

شحالكم شباب
اليوم سرت ستي سنتر عجمان ولقيت نسخة وحدة

يوم سالت عن السعر قال لي 940ب مع لعبة ومن دون لعبة ب 800

فان شاء الله تستفيدون من هذي المعلومة

ملاحضة : الdsi راعي المحل شاريها من الانترنت

[XORO]

NINITENDO : مشكور اخوي على مساهمتك وردك في الموضوع

عمــomaniــاني : مشكور على النصيحة اخوي وبارك الله فيك

ahmadkb : انا جربت النسخة اليابانية وطلعت ممتازة واحلى شي خاصية اللعب بالصور
واكيد في العاب قادمة غير واريو بتكون فقط على الـ DSi

zeezo oh : والله احسن لك اخوي انك تشتري من النت بلا نصب هنود بلا خرابيط

كيفي مواطن : هلا بك اخوي في اي محل في السيتي لقيت الجهاز في كارفور ؟
المشكلة ان كارفور يبالغ في اسعار الالعاب والاجهزة اللعبة الجديدة مثل لعبة ستريت فايتر 4
للبلاي ستيشن 3 تلقاها عندهم بـ 280 درهم غير انها في بعض المحلات مثل مركز الروضة
بـ 200 درهم تقدر تاخذها اخر بـ 180 درهم حتى

بس حلاتهم يوم يبيعون الالعاب القديمة تكون تحت الـ 100 درهم

على كل حال انا اليوم ان شاء الله بمر للسيتي وبشوف الجهاز ( بكحل عيوني )

[HasaWii]

انا ما صار لي اسبوع اخذت الـ ds الخفيف

اخذته مستعمل بـ 200 ريال ومعاه قطعة R4

وما اعتقد اني باخذ الـ DSi

لان عندي PSP SLIM بعد

[bri39ey]

والله يا جماعة أنا ودي بالجهاز بس لازم يكون مختلف عن اللايت عشان أفكر آخذه ولازم يحدث تغيير مو بس لعبة أو 2 لأن الشباب خذوا اللايت وأنا خذيت العادية وما لاحظت إن أحد يستعمل الإنارة عالية لأنها تاخذ شحن كثير !!
وعلى فكرة جهازي + R4 = خاصية تقوية الإضاءة وهذا الشيء خلا الشباب يحقدون XD بس أنا بعد لاحظت إنه بعد 3 إلى 4 ساعات تنتهي البطارية ولازم شحن
عموما اللي بوصله إن ما في لعبة انزلت للايت فقط فما الفائدة منها وإذا ما في ألعاب بس للـ DSI فاسمحلولي هذي نقطة فاشلة من ننتندو

[XORO]

صحين بن ملاس : مبروك اخوي اهم شي تستمتع بالالعاب

bri39ey : الـ DS لايت يختلف عن الـ DS العادي بي :

النور في الايت اقوى
الشاشة اوضح
خفة وزنه
طول عمر البطارية
قصر عمر فترة شحن البطارية

اما الـ DSi فبيختلف عن الـ DS لايت بي :

وجود كاميرتين في الجهاز وحدة في الامام ووحدة في الخلف
تقدر تصور وتلعب بالصور
تقدر تسجل وتلعب بالصوت
خاصية الشراء من النيتيندو شوب
الـ Wi-Fi صار احسن واقوى من قبل
مدخل لكرت الذاكرة الـ SD ( واعتقد انها سوف تكون مصدر للتهكير القادم مثل الـ PSP )

اما الالعاب فأنا واثق ان نيتيندو سوف تصدر العاب قادمة حصرية فقط للـ DSi

[كيفي مواطن]

NINITENDO : مشكور اخوي على مساهمتك وردك في
كيفي مواطن : هلا بك اخوي في اي محل في السيتي لقيت الجهاز في كارفور ؟
المشكلة ان كارفور يبالغ في اسعار الالعاب والاجهزة اللعبة الجديدة مثل لعبة ستريت فايتر 4
للبلاي ستيشن 3 تلقاها عندهم بـ 280 درهم غير انها في بعض المحلات مثل مركز الروضة
بـ 200 درهم تقدر تاخذها اخر بـ 180 درهم حتى

بس حلاتهم يوم يبيعون الالعاب القديمة تكون تحت الـ 100 درهم

على كل حال انا اليوم ان شاء الله بمر للسيتي وبشوف الجهاز ( بكحل عيوني )

صوب ماجيك بلانيت

مشكور اخوي ما قصرت في فتح الموضوع

[Aero]

أفكر !!! اشتريها !؟؟ اذا كانت تستاهل !! لان الدي اس لايت مريحتني كثير وعقبال ماتتطور الدي اس وتصير احسن من PSP ( مع انها أحلام خالده في النوم ) =_= !

[rare games]

حاليا ما اعتقد اني ممكن اخذها

واريو وير حبيت جزء الوي وما حبيت جزء الدي اس الاول ابد وما اعتقد ان الجزء الجديد سبب كافي لاخذه الاي
انا من عمري المحمول ما العب عليه الا بوكيمون بس لكن الدي اس لعبت عليه مع بوكيمون ماريو اند لويجي وكانت تجربه رائعه جدا وكذلك ماريو كارت

شخصياً مادام ماريو اند لويجي الجديده واذا زيلدا الجديدة ما تستخدم الكاميرا و ماكو فرق لو العب اللعبه على اللايت والاي فما اعتقد اني ممكن اخذه

[MALER]

انا اشتريت الجهاز امس يوم الأصدار ( عايش في امريكا )
الجهاز مررره روعه ومره يستاهل ال 160 دولار
انا عندي اللايت وكانو عاملين عرض تبدل اللايت ويشيلو 70 دولار من قيمة ال dsi بس انا ما بدلتو
مع انو الشاشه اكبر شويه بس تحسها اكبر بكثير مدري ليش
اذا احد عندو سؤال عن الجهاز لا يتردد

[MALER]

انا اشتريت الجهاز امس يوم الأصدار ( عايش في امريكا )
الجهاز مررره روعه ومره يستاهل ال 160 دولار
انا عندي اللايت وكانو عاملين عرض تبدل اللايت ويشيلو 70 دولار من قيمة ال dsi بس انا ما بدلتو
مع انو الشاشه اكبر شويه بس تحسها اكبر بكثير مدري ليش
اذا احد عندو سؤال عن الجهاز لا يتردد