::.الســــلام عليكم ورحمة الله وبركاته.::
مرحبــــــــــــــــااآآانـــ ألــــــف بأعضــــــــاء المنتدى..
ولهـــــــــت عليــــــكم وااايــــــــد..
المهــــم ،،
جيــــــت اقصلكم قصــــــه ::يوم في حياتي:: وهي حادثة حدثت لي في المدرسة
راح تضحكون ، راح تستفيدون ، راح تبقّون عيونكم ..
>> انزين متى يجي ؟؟ XD!!
بســـــم الله وعــــلى بركة اللـــــه .. سأروي القصة ..
-------------------------------------------------------------
صباح يوم الاثنين الماضي ،،استيقضت مبكرا لأأدي صلاة الفجر في وقتها
وادعو الله و "اقول" اذكار الصباح ..فالغاية من الخلق هي عبادة الله قال تعالى : (وماخلقت الجن والانس الا ليعبدون)
>>وين ابله الدين عني ،،
فعندما يستيقظ الانسان ينبغي عليه ان يسأل نفسه ويجعل له هدفا ساميا
من استيقاظه صباحا ،،فالله بث فيه الروح واعطاه الصحه والعافية ليكون قادرا على العمل وطلب العلم ومساعده الاخرين وتوصيل اهله الى مشاويرهم
>> انتي بتكتبين مقال ولا قصة ??!!..والله بلشة XD
تفطرت فطور صحي وشهي وركبت السيارة ورحت للمدرسه ..
وانا امشي بالساحه للفصل سلمت على بنت بصفي
وتعرفون نشكي لبعض هموم الدراسه والضغط
أنا : آآآه..لو بس يومين يعطونا اجازه غير الويكيند
×.×
هي : اي والله كرفنا كرف مو طبيعي ×.X
دخلنا الفصل وبدينا يومنا الدراسي ،، من حصص رياضيات وفيزيا
وسوالف وزيارات فصول ،،الى نقاشات اختبارات وتختيم منهج ×.×
وكان يوم طويييييييييييييييييييييييييييييييل
أثناء حصة النحو وهي الحصة السابعه ..وقت ماخلصنا الدرس
ما إن بدأنا نحل التمارين ،،سمعنا شي مريب ..
سمعنا شي مهيب ..
إنـــه جرس الانذاااااااار
نظرت الطالبات بريب الى المعلمه
الطالبات : معلمة ،، هل نخرج ؟؟
المعلمة : لا اقعدوا دايما يسوونها ابي نحل التمارين ونخلص
احنا : استاذه جرس انذار !! @.@ " ع الاقل بس طلي ع الممرات ..
ما إن سارعت الى الباب حتى رأت من النافذة طالبات اول ثانوي
يركضن مسرعات نحو مخرج الطوارئ >> المقصف XD !!
فبدأت الطالبات بالاصطفاف للتوجه بشكل منظم وآمن الى درج الطوارئ
>> عاقلين نمشي بهدوء مو مثل اول ثانوي X_X
اجتمعت الطالبات والمعلمات من جميع المراحل التعليميه
(التمهيدي الى الثانوي) في ساحة المدرسة الخضراء
كان الجو يسوده لحظات الذعر والشك والقلق من حدوث حريق حقيقي
ام كونه مجرد تدريب .
تأكدت المعلمات من سلامة المخارج وسلامة الجميع
فجـــــــــــــأة !!!!
تسربت رائحة اسلاك معدنية محروقة من نوافذ الفصول الى الساحه
>>> اي والله وانا كنت هونيك شاهده على ماحدث
كنت مجتمعه مع صديقاتي وواقفين مع بعض ،،
نسولف ونسأل عن سبب الحريق ،،
وحده من صديقاتي قالت : ياااا ويلي ماصليت الظهر بفسحة الصلاة
كله من هالواجبات والتكميل XD
الثانية : اييييي هذا عشان اللي مايصلي ..يصلي XD
شوي ولا تجينا تعليمات من المدرسات اننا نطلع من الساحه ونمشي
لمسرح المرحله الابتدائية..توجهنا هناك وكل من يردد نفســــــــــي نفســـــــــي
.. ووصلنا لباب الخروج من المدرسه واحنا ويهونا (وجوهنا) جذي
بنت 1 : ياااا ويييلــــي شلون بطلع بدون عبااااة !!
بنت2 : ماجبنا لا عبينا ولا شناطنا
بنت 1 : قولي بطلع قبال الخلق والعالمين جذي @.@"
بنت 3 : بنااااااااااات انا معاي جاكيت بنزعه وبحطه ع راااااسي
بنت 1 : خووش انا وياج نغطي روسنا بجاكيت واحد XD
بنت 2 : وي وي ،، وانا شسوي مامعااااي شي #.#"
المعلمة : عااادي انا ناسية اغراضي بالمكتب فوق ،، عباتي وشنطتي
حالي من حالك بطلع كذا
بنت 2 :<< مصدومة من الوضع
شوي ولا تجي بنت من ثاني يجزيييييييييييييييييهااااا كل خيــــــــــــــــر
جااابت لنااا كرتون مااااي متروووس قماش تزييين فصول وطاولات XD
>> عاد كل قماش لون ،،
احمر \\ برتقالي\\أخضر\\اأبيض
عاد انتي وحظج شاللون اللي يطلع معاج
والله هذا كان اكثر مشهد يضحك بالسالفة كلها XD
ماتشوفون الا الساحه وفيها روس ملونه
انا طلع لي قماش بنفسجي شفاااااااف تقولون قشره بصله XD
تقولي صديقتي شلون بتلبسينه ؟؟
اقولها الفه لفتين فوق راسي ،، احسن من لا شي ،،
فجـــــــــــــــــــأة !!!
شبّت (ولعت) فوق راسي لمبه
قلت ليش ماادق ع البيت ياخذوني ؟
عطتني ابلة الانجليزي جوالها الله يعطيها الجنه
ودقيت ع امي : اقولها في التماس بالوايرات
وممنوع ندخل الفصول ناخذ اغراضنا
قولي لابوي يجي ياخذني ومعاه عباتي
>> امي بالمطبخ ومافيه شبكه وماتقدر تسمعني زين
،، كل اللي سمعته حريقة واخلاء وعباة ..XD
تقولي متخرعه -الله يحفظها-ويييين عبااااتج ؟؟ XD
مااسمع انتوو ويييين ؟؟ براااا المدرسة ؟؟
عبااااة ؟؟
شوي بفهمها اكثر ،، ولا تسد بويهي الخط
قلت اكيد فهمت المضمون XD
المهم انقل لكم الصورة ...
كنا متجمعين عند باب الخروج ،، بنات دقوا ع اخوانهم واهلهم
وبنات يصيحون من الخرعه ،، واطفال تمهيدي خاااايفيييين
مضيعين ابلاتهم ،،واللي خواتهم معانا يصيرون بالثانوي
قاعدين يدورون عليهم خايفين مثل اخت صديقتي جتني تركض
تقولي وييين اختي ؟؟؟
خليتها معاي لين ماجت اختها ومساكين المدرسات متخرعات
محد يدري شبيصير ومتى نطلع ..
وانا قاعده اسولف مع صديقاتي انكت معاهم XD
واهدي بخواتهم الصغار واواسيهم
>> حسيت فوق راسي تاج الشهامة ماشاااءلله
شوي ولا يقولون لنا ان عمال الصيانه جو وشافوا الاوضاع
ومافي شي بس اصعدوا فوق جيبيو اغراضكم بسرعه ،،
مشيت مع صديقاتي نجيب اغراضنا من الفصول ،،وصراحه
ماراح انسى مشهد البنات وهم خايفات وممرات المدرسه
المقطوعه من الكهربا >> عشان الطوارئ طبعا
على ماصعدت لفصلي وبسررررعه مع صديقتي
دخلت كتاب النحو
والمقلمة وعلبة الستيكي نوت حقتي وضبيت اغراضي
طليت بالفصل الثاني اللي جنبنا وفيه صديقاتي ..
فجــــــــــــــــــــــأة !!!!!
تنزل علينا ريحة ذاك الغــــــــــــــــــــــــااااز ~____~"
شميتها بالغلــــــــط ،، وكنت خايفة يكون غاز سام ولا شي
لأنه جاي من الطابق الثاني مكان معامل الكيميا والاحياء
مارجعت ع الدرب اللي جيت منه مع صديقاتي رحت للدرج اللي جنب فصلنا
وقت مارن الجرس ببداية السالفة ونزلنا منه ×.×
وطبعا مافي احد كان معاي فكان آآمان اني اركض لان ماراح يصير تدافع
واصابات ..
وبسرعه رجعت عند نقطه التجمع مسرح ابتدائي اللي عند باب المدرسه
وحطيت شنطتي واغراضي ونطرت ابوي يجي ،، شوي ولا تشوف
صديقتي تقول في بنات جو ورانا عشان ياخذون اغراضهم
بس ماقدروا من شمــــــــــــــوا ذااااك الغـــــــــــــــاز
تركوا اغراضهم بالفصل ونزلـــــــــــوا
نادى الحارس وطلعت لابوي ومسكين كان متخرع يقولي الحارس
ينادي ولا عشر مرات وين كنتي ؟؟
والله كان داخل زحمه وخبصه مااقدر اسمع شي من مكبرات الصوت
حق الحارس #.#"
رجعت البيت ،، والظاهر اني عانيت من اثار جانبية للغاز اللي شميته
صداع مو طبيعي براسي وينزل على اعصاب عيني ..مااقدر افتح عيني
ابببببد وفوق هذا تدمع #.#" ..
بس الحمد الله نمت من التعب والمرض وراح كل شي ...
كابـــــــوس وانتــــــهى ،،
نهــــــــــــــايــــــــــــــــة ً ..
أحب احمد الله على السلامـــــه لكل من الاداريات والمعلمات والموظفات
والطالبات ،،
والحمد لله على سلامــــــه كتبنا وملفاتنا ،، الرياضيات ولا 200 ورقة
خايفين تروح علينا XD !!
وعسى ربي يحفظ الجميع ويحميه ويبعد عنه الشرور والفتن
ويعافي الجميع ويشافيه ،،
اللهم آميـــــــــــــــــــن ،،
----------------------------------------------------------
خلــــــــــــف الكواليـــــــــــــس
وهـ الحمد لله خلصت هالموضوع ساعتين اكتب فيه X_X
حبيت اضيف نصائح اثرائية للموضوع عشان تفيدكم
بحالة طوارئ ،، ماتدرون متى تصير لا قدر الله ..
بالبيت بالمدرسة بالشغل ؟؟
أتمنى انكم تقرونها بحرص وتركيز عشان تستفيدون ..
How to Survive a Fire accident
- عند سماع جرس الانذار ، بحذر وبطء توجه الى مخارج الطوارئ
سيطر على خوفك ولا تجري لأن ذلك سيؤدي الى حدوث صدامات واصابات
شديدة .
- قم بفتح شبابيك للتهوية واحرص على اغلاق اي مصدر للغاز
او الكهرباء كالمصابيح .
- تذكر ، حافظ على هدوئك وتنفس بشكل طبيعي ففي لحظات الذعر
يفرز الجسم هرمون الادرينالين اللذي يسرع نبضات القلب وقد يؤدي
الي الخوف والاغماء ،،انت بغنى عن هذا ،، تنفس ببطئ وفكر بطريقة ايجابية
فلن يحدث اي شي باذن الله ،،وان حدث سيتدارك الموقف بسرعه .
- ان لاحظت وجود اشخاص خائفين حولك حاول تهدئتهم
وتطمينهم .
- اتبع ارشادات المسؤول المتواجد اثناء الحادث .
- اذا كان الحريق صعب الاطفاء اتصل على المطافئ واحرص
على اعطائهم العنوان بدقة .
هذي بعض النصايح اللي قدرت اكتبها ،، لازم تتصفحون النت
وتقرون اكثر عن طرق الامان وكيفية التعامل في حادثة حريق
او التماس كهربي .. لسلامتك ، وسلامة من حولك .
كانـــــــــت معـــكم :
.::Al Bhed Girl::.
أستودعكم الله والسلام عليكم ورحمة الله وبركاته
--------------------------------------------
PS :-
بما ان كان معاي قصة ارويها عليكم قلت ليش مااشترك بالمسابقة مرة وحده ..
عاد دشيت ع الموضوع مال المسابقة وكاتبين تم تمديد الفترة بدون تاريخ محدد ..
فماادري اذا انتهت او لا ..
اذا انتهت مو مشكله اذا بعدهي ماخلصت عدوني من المتسابقين
