مبتدا يسأل..

[a.561]

السلا عليكم..أخواني انا سؤالي بسيط وهو:
هل يجوز ان احافظ على تقاسيم البطن عند الضخامه يعني ضخامه بدون كرش لانه في ناس يقولون لازم دايت ومدته شهرين تقريبا بس بعدين تخوز التقاسيم هذا إلي سمعته وحبيت اسالكم..وشكرا.

[عشــق البطــوله]

وعليكم السلام ورحمة الله

اخوي حقيقه مافهمت سؤالك بالضبط ولكن مافيه شي اسمه ضخامه ودايت بنفس الوقت .. حبيبي في الضخامه لازم يكون اكلك فيه كاربوهيدرات تقريباً بنسبة 50% وبروتين 40% ودهون 20% .. يعني شي طبيعي في التضخيم راح يزيد الوزن ونسبة الدهون بالجسم ..

لكن تقدر تمارس الكارديو بعد التمرين لمدة نصف ساعه عشان تتجنب الكرش او الدهون الزائده

بالتوفيق

[a.561]

يعني مثلا صورة الشخص إلي عندال اسم العضو مالك هل يجوز ان يكون ضخامه ويحافظ على بطنه مقسم ..وما هو الكرديو؟..وشكرا.

[alafreet283]

يمكن احافظ بس مب مثل ما هي الحين

الكارديو هو الجري والعجلة او غيره

[عشــق البطــوله]

يعني مثلا صورة الشخص إلي عندال اسم العضو مالك هل يجوز ان يكون ضخامه ويحافظ على بطنه مقسم ..وما هو الكرديو؟..وشكرا.

لاطبعا في فترة التضخيم صعب يكون الجسم مفصل لأني مثل ماذكرت لك من قبل يكون اكلك فيه نسبة كربوهيدرات عاليه بالأضافه للدهون والبروتين وهذا الشيء لابد انه يزيد من وزن الجسم ويبني طبقة دهون على العضله في فترة التضخيم بالأضافه الى كبر حجم العضل ..

ولكن بعد ماتنتهي من فترة التضخيم تبدأ في التنشيف والتقسيم وتقدر اتفصل جسمك في هذي المرحله ..

وبالنسبه للكارديو هي تشمل المشي على السير والسيكل وغيرها من الأجهزه اللي تساعد في حرق الدهون .. وطبعا اذا تبي تحافظ على جسمك بدون دهون اضافيه وكرش تتمرن كارديو كل يوم بعد ماتخلص تمارين حديد من 30 الى 40 دقيقه ..

واتمنى وضحت الصوره

بالتوفيق يابطل

[a.561]

مشكورين اخواني وما قصرتو