محتار يا كباتن

[بوفهد6]

1- اناا ابقى اشتري بورتين ومحتار اي واحد ينا سب حق جسمي ويكون نوعيه ممتازه

2- اي نوع اشتري كرياتين

بما انه طولي 177 وزني 57

العمر 29

[Sufian Ahmed]

مرحبا أخوي
إنشاء الله الإخوان الخبراء يجاوبون عليك لكن لتسهيل

- كم عمرك؟
وأكيد أنتي محتاج بروتين لزيادة الوزن والعضل!

[عشــق البطــوله]

ياهلابك اخوي ..

واضح ان عندك نحافه بشكل كبير وتحتاج لبروتين فيه نسبه جيده من الفات

وايضاً تحتاج الى تغذيه صحيه وسليمه وحاول تقسم وجباتك الى 6 وجبات يومياً .. عموما هذي التفاصيل تكلمنا فيها بشكل مفصل في مواضيع كثير لو اطلعت عليها

بالنسبه لنوع البروتين المناسب لك انا ارشح لك

Optimum Pro Complex Gainer وهذي بعض المعلومات عنه :

هو المنتج المعروف بزيادته للوزن العضلي دون إكساب دهون ففي حين أن منتجات زيادة الوزن الأخرى تمد مستخدميها بسعرات حرارية مصدرها السكر أو الدهون يمد هذا المنتج مستخدميه بسعرات حرارية مصدرها البروتين, مزود أيضا بكربوهيدرات مركبة, وألياف غذائية, والسلسلة المتوسطة الثلاثية للغليسيرول (المكون الرئيسي للزيوت النباتية والدهون الحيوانية), وإنزيمات الهضم, وفيتامينات, ومعادن أساسية. صمم لكي يمد مستخدميه بالجودة وليس الكمية متفهما حاجتهم للضخامة وليس السمنة.

وبالنسبه للكرياتين المناسب ارشح لك CellMass

[mashkaljey]

ما قصر اخوي عشق البطولة ( جديد بقراطيسي سابقا )

بالنسبة للبروكمبلكس في نوعين القينر اللي وضحه لك اخوي عشق وفي العادي انت يناسبك الغينر لان غني بالكربوهيدرات وانت اساسا يلزمك منتج كربوهيدرات لزيادة وزنك فمثل ما قالك اخوي عشق البروكمبلكس الغينر ممتاز واذا ما حصلته عندكم ابحث عن منتج به كمية البروتين عاليه وكمية الكربوهيدرات عاليه ايظا مثل الدب الروسي

صحيح الفات بيكون شوي عالي لكن افضل لحالتك لان جسمك نحيف جدا بالمقارنه طولك يعني بتحتاج على الاقل 20 كيلو عشان توصل لجسم مناسب لطولك

على العموم اذا حاسس ان تغذيتك ليست سليمة يعني ما تقدر تكثر بالاكل عليك بفاتح شهية لانه بيساعدك تاكل على الاقل ال 6 وجبات باليوم وبالاضافه الى البروتين الغينر ( اي نوع مو مشكلة بالنوع لان جسمك محتاجه ) راح توصل الى وزن معقول خلال فتره لن تزيد عن ال 6 اشهر باذن الله

يعني يلزمك بروتين غينر + فاتح شهية لتنظيم وجباتك وفتح شهيتك اكثر + كرياتين سواء السل ماس او الكرياتين الصافي

وبالتوفيق

[بوفهد6]

mashkaljey
عشــق البطــوله

جديد بقراطيسي


الله يعطيكم العافيه

[عزه النفس]

كلام الاخوان صحيح ولا احب اطيل علييهم اسمحولي ياشباب



عندك الميجا ماس ترا يزيد الوزن بسرعه او البيغ ماكس تراه يزيد الوزن