amino 2222

[talal8668]

يا شباب ممكن احد يفدنا في اخذ الجرعات انا خشيت موقع البودي بلدنج لقيت ان جرعات amino2222 tabs حبه في الصبح وحبه في الظهر وحبه في المساء بس الجرعات الموجوده في كل العالم العربي ثلاثه حبات الصبح وثلاثه الظهر وثلاثه المساء وبعد التمرين ثلاثه ولم كلمت الكبتن عن الجرعات الي في البودي قالي هذي جرعات تمرين السويدي لاكن الحديد جرعات ثلاثه اضعاف وقالي في ناس تستخدم عشرين حبه وخمس عشر ياشباب انا خايف من الجرعات الي اداني الكبتن هل هي طبعيه تسعه حبات في اليوم

[عزه النفس]

هلا فيك يالغالي

شوف
الطبيعي تاكل حبات من 6 الي 8 حبات


يعني تقدر تقسمهم
مثل حبتين بعد الغداء

حبتين قبل التمرين ب 45 دقيقه

حبتين بعد التمرين

حبتين قبل النوم


هو طريقه الاستخدام له طريقات كثيره

واذا تبي تاكل 6 حبات قسمهم حق يوم كامل



اي سؤال حاضرين للطيبين

[talal8668]

طيب الطبيعي مكتوب في البودي بلنج مو كذا اقل ثلاثه حبات

[mashkaljey]

اخوي الاستعمال المذكور بالعلبة قبل الوجبات

وبما انك لاعب كمال اجسام يعني من 5 ال ى6 وجبات باليوم

بالاضافة الى قبل وبعد التمرين

يعني المجموع

6 + 2 = 8

او اذا كنت تتناول 3 وجبات رئيسية فقط اذن

3+2= 5

لمزيد من المعلومات عن المنتج

http://www.affordablesupplements.com..._2222_tabs.asp

بالتوفيق

[talal8668]

والله من فهم المعادله هذي وخشيت على الرابط بيقول حبه ثلثه مرات في اليوم بالمختصر من فين جبت المعادله هل في الربط مكتوب الي يخذها بين الوجبات كذا والي يلعب حديد ياخذ كذا

[mashkaljey]

اخوي شنو من وين جبت المعادلة ؟؟ من مخي يعني اقولك ادخل الرابط وشوف


وهذا المكتوب

Suggested Use: As a dietary supplement, consume 1 tablet before each meal and again before and after training, or use as directed bya pheysician or licensed nutritionist.

تعرف انجليزي ولا اترجم لك بعد ؟

تراني ما احب اللي يخاف من لعب الحديد خل قلبك قوي تراك داش على شيل حديد منت داخل على دلع تبي تلعب حديد قوي قلبك وتوكل على الله اخذ بروتين وكرياتين وجلوتامين وفيتامينات وزيد وجباتك 6 وجبات باليوم تقدر على هالامور توكل على الله العب لعب الحديد لانه يبيله خشونه ما يبي اخاف ومشاكل ومن هالكلام

تبي تتاكد من اي منتج روح لاقرب تحليل وحلل الحبه وبتعرف مفيده ولا مضره هذا الافضل

سلام

[SK.OOO.D]

مرحبا اخواني ... هدوا الوضع الرجال يسأل وش فيكم اكلتوه وبصراحة اخوي مشكلجي اول مره اشوفك معصب

على العموم مثل ما قالك اخوي مشكلجي المعادلة الي قالها مكتوبة بالانجليزي بس ترجمها لك

الترجمة يا طويل العمر يقول لك إكل حبة قبل كل وجبة وقبل التمرين وبعده
فإذا كنت تاكل 3 وجبات هذولي 3 حبات وتتمرن اكيد 1 حبة قبل التمرين و1 حبة بعد التمرين صارو 5 حبات باليوم
اذا كانت وجباتك 6 وتتمرن اكيد صاروا 8 حبات باليوم بس ما يحتاج لها كل هالتخوف واصلا هذي فيتامينات شي عادي انت ما سالت عن الي اكبر منها
هذي كل العالم مجمعين على فائدتها للانسان

بالتوفيق واسف على الاطالة

[mashkaljey]

بصراحه يا اخوي سكود ما يحتاج يعني انا شرحت والاخ عزه النفس ما قصر قال بالمختصر وانا جاوبت بالتفصيل يعني ما احب ناس تخاف من الحديد لانه بالاساس ماهي رياضه دلع !! اللي يبي الدلع لا يلعب حديد ابد ولا يقرب صوبه

والله المستعان ما احب احد يعيد الكلام كل شوي ويدقق لان احنا ما نقصر نجاوب ونحضر اثبات وفوق هذا الواحد رغم انه ما يعرف انجليزي يناقشنا وهذي حاصله كثير بهالقسم وانا راح اقفل هالمواضيع واريح نفسي واريح الاعضاء من نقاشات بعيده عن الاستفادة

وهالموضوع مغلق بعد ما تمت الاجابه بالتفصيل 3 مرات متتاليه

موفقين والي عنده شي يا ليت يراسلني