محتار في أي جهاز آخذهـ

[ولد ابوظبي]

السـلام عليكمـ ورحمة الله وبركاتهـ ..

هذهـ أول موضوع لي فهالمنتدى .. لكن انا متردد عليه كثير واستفدت من مواضيعكم وخصوصا للشباب المعروفين وأهل الخبره فهالمجـال ..

خلوني أخبركمـ عني.. انا طولي 169 ووزني 58
دخلت مجال الحديد قبل فتره لمدة شهرين واستعملت سوبر قينر وامينو 2000
وفعـلا النتائج كانت واضحهـ وو بس كنت ظغط على نفسي وايد وكنت اتمرن يومين ويوم راحهـ..وتقريبا كنت آخذ ساعتين .. ووزني زاد لـ 64 وبعدها قطعت

الحينهـ رجعت واشترت كرسي


واخذت الجدول 3day-beginners-workout

وحتى حطيت صور من عندي

تقريبا اتمرنت لمدة 3 شهور
استعملت بروتين ساينثاSyntha 6 وبعدها باسبوعين اشترت امينو 2222

بصراحهـ ماحسيت بأي نتيجة>>> وانا احس من البروتين لانه مافيه خصائص عاليه


امس رحت لمحل جي ان سي .. وبحكم المعلومات الي قريتها من منتداكم العزيز وبتجربة الأعضاء..
انا سألت عن سيريس ماس وبروكمبلكس والجلوتامين والخ
فنصحني المحل على weight gainer 2200 وقالي نفس خصائص السيريس ماس بس اكثر سعرات حرايه

انا أفكر أخذ ويت قينر او بروكمبلكس.. وجلوتامين .. وامينو 2222 .. شو الراي؟
ابي ازيد وزني .. وأعدل من جسمي


طولت عليكمـ طويلين العمر^^ .. الحينه أنا أبي اشتري جهاز بحكم انه الصـاله بعيده عليه ومااقدر اتواصل بشكل مستمر وعشان اكون متأكد من اني اتمرن صح بهالجهاز بدل الكرسي اللي عندي

بأي جهـاز تنصحوني من الصورتين..؟
الأول قالي انه ألماني.. بس ماسألت صناعته وين وكيف الجوده؟2000 درهم
والثاني ألماني بس صناعة صينيه.. وعلى كلامه الجوده ممتازه2300 درهم

والحلو عشر تمارين اقدر اسويها فيهم..





فأنتمـ أهل الخبرهـ .. شو تنصحوني عن الجهاز؟ وعن البروتين؟

آخذهم أو لا.. اتم على الكرسي اللي عندي .. الخ

بانتظار ردودكم.. السموحه على الاطالة

اخوكم Weld AD

[mashkaljey]

بخصوص قبل لمن كنت تلعب شنو كنت تاخذ ما خبرتنا ؟ الزياده الى 64 كانت من ماذا بالضبط ؟

بالنسبة للبروتينات يمكنك الدخول الى موضوعنا المثبت عن التجارب والاستفادة من الانواع

بالنسبة للتمرين المنزلي الله يعينك لانه لازم تتقبل البطء في النتائج

بالنسبة للجهاز لا تاخذ الثاني لانه اذا حطيت الوزن ودخلت تلعب باي بيرتفع الجهاز من الامام ويسقط للخلف ( عندي هالجهاز بالمنزل ما انصح فيه ) اما الاول يكون الباي على اليمين ما اعتقد يرفع الجهاز وجرب الاجهزه بالمحل قبل الشراء لان الصدر عندي ايظا ما ينفع بهالجهاز جدا تعبان ولا كاني ادفع شي او احس بمقاومته هذي تجربه للجهاز ولا تنسا اوزانه قليله ليست عاليه وهي بالباوند وليست بالكيلويعني لو تحط 100 باوند بيعطيك 50 كيلو يمكن او اقل

وموفق

[ولد ابوظبي]

مشكور اخويهـ مشكلجي .. وفيك الخير الغـالي..

زيادة الوزن .. كنت استعمل سيريس قينر وو امينو 2000 .. ومن الأكل

وفعـلا .. انا حاس ببطئ شديد .. اقدر اقول ولا شي مجرد اني شديت العضـلات .. وانا مفتقد لتمرين الظهر.. لأني معلق حبلين وخشبهـ .. واتعلق عليها..

غير هذهـ .. لما كنت اتمرن فالصـاله لمدة شهرين .. النتائج كانت حلوهـ بس.. على كلام صديقي يقولي انه جسمي بطيء جدا في نموهـ عكسهـ تماما لما كان يتمرن..

ومشكووووووووووور مره ثانيه على هالرد الطيب..

وبانتظار ردودكم

[mashkaljey]

شوف يا غالي المكملات بتعوضك النقص بالتغذيه وصحيح في انواع بها الكربوهيدرات عاليه بتزيدك وزن لكن شالفايدة للاعب كمال اجسام يزيد كرش فقط ؟ لازم زياده كامله دهون وعضل

كروسك كان يبيله زياده انواع معينة

1- بروتين وانت كنت تستخدمه
2- امينو وانت كنت تستخدمه لكن ممكن فيه ماده تنشيف بالتالي كان يتعارض مع المنتج الاول
3- كرياتين وانت ما استخدمته وكان عليك تستخدمه
4- ملتي فيتامين مهم جدا للاعب كمال الاجسام
5- جلوتامين مهم جدا لما بعد التمرين لمنع انهيار العضل ( الاستشفاء العضلي )


وغير هذا لازم 6 وجبات باليوم 3 رئيسية و 3 مابين الوجبات تكون امور بها كربوهيدرات او فيتامينات ولاتنسا المكملات تتناولها بدقه والراحه والجدول المنسق

ومالك شغل بصديقك انت لازم تاخذ قياسات لك تقيس الباي والاكتاف والصدر كل شهر وتشوف بعينك في زياده ام لا اما الشكل الظاهري فناس اجسامهم مقسمهم وحلوة وفتنس لكن مايبين الا اذا فصخ ملابسه فعادي هالامر

وانا قلت لك ملاحظات على الاجهزة ونصحتك بواحد منهم والظهر تقدر تلعب بالبار والدامبلز وصح تحتاج جهاز سحب وانت حر بالاختيار

موفق

[ولد ابوظبي]

مشكووووور مرهـ ثانيهـ.. والله ودي أعطيك بوسه على راسك.. لانك عطيتني من وقتك

راح اشتري هاللي قلته اليوم .. وان شاء الله راح أخبرك بأي شي ممكن اذا ماقدرت أفهمه

ربي يحفظك

[mashkaljey]

جربه اول شي قبل لا تشتريه شوف الوضعيات كلها مرتاح فيها ولا لا لاني ندمت اني ماجربته عدل جربته عالسريع

[ولد ابوظبي]

ان شاء الله راح أجربهـ .. وشاكرلك تفاعلك يالطيب