السلام عليكم ورحمة الله وبركاتة,
كيف حالكم ياشباب إن شاء الله بأتم صحة وعافية.
أحب اشكركم على جهودكم المبذولة في هذا القسم والي يستفيد منها أعضاء المنتدى وجعلها الله في موازين حساناتكم إن شاء الله.
يا إخوان انا ابلغ من العمر 29 سنه طولي 182 وزني من النوع الي ينزل ويطلع وانا انسان رياضي العب كرة القدم بشكل مستمر وحالياً بعد رجيم لمدة شهرين تقريبا وزني 89 كيلو واكلي صحي مافي سكريات ولا دهون الا دهون صحية كزيت الزيتون والمكسرات والتقليل منها يعني اكلي صحي الحمد لله هذا من جهة الاكل, من جهة التمارين يوميا اروح النادي لمدة ساعة ونص موزعه بين ركض وسيكل والجهاز الخاص بالبطن والافخاذ وايضا مشترك بحصص خاصة بتمارين البطن كل اثنين واربعاء وخميس.
يا إخوان انا ابي ابدا اتمرن حديد والغرض من تمريني موب تضخيم او كبر العضلات ابي اتمرن حديد كمبتدء وانا تمرنت بالسابق يعني موب شي جديد علي بس اتمرن فترة وانقطع ياليت تساعدوني بجدول او طريقة معينه وخاصه بالتمارين يعني وش اتمرن كل يوم ظهر افخاذ او تراي ولا باي.
اشكركم وان شاء الله تساعدوني والله يجعلها في موازين حسانتكم.
تحياتي,
اخوكم المغترب
نواف
