هل طول الانسان يؤثر على قوتة العضلية ؟

[goooo55]

السلام عليكم ورحمة الله وبركاتة

لو تكرمتم نرجوا منك الرد على سؤالي .

هل طول الانسان يؤثر على قوتة العضلية ؟

مثلاً شخص طوله 190 وزنة 110 كيلو لاعب كمال أجسام

وشخص طوله 170 وزنة نفس الوزن ولاعب كمال اجسام هل تختلف قوتهم العضلية أم لا ؟

[mashkaljey]

شوف اخوي انا اللي اعرفه الانسان يقدر يشيل وزن مثل وزن جسمه عرفت شلون

يعني لو نجيب اثنين يلعبون حديد بتشوف الطويل يشيل اوزان مقاربه لوزنه او اكثر والقصير مثل الشي


لكن بحكم التجربة واللي نشوفه بالعين اني شفت بالنادي اخوان اثنين يلعبون وهم داخلين بنفس الوقت مع بعض واحد منهم سبحان الله طويل وعريض والثاني قصير وعريض والطويل يشيل اكثر من القصير

فانا اقول الطويل عنده مجال يرفع اكثر وهالامر ما يحتاج معلومات لازم بالتجربه تشوف

لكن ما تجي لواحد توه مسجل على بو طويل وواحد صارله باع باللعبه وتقول هذا بيشيل اكثر من هذا لانه طويل ترى العضل له دوره هني يمكن القصير هذا يرفع دبل الطويل ب 5 مرات !! لانه صارله وقت يلعب وعظله اخذ فترته بالتضخيم عكس هالطويل توه داخل او ما صارله فتره زمنية وعضله خفيف

وموفق

[آبو رآشـد]

مثل ما قالك الذيب

الطويل بيكون اقوى لانة وزنة اكثر مثل الدب لو بيخسس تلقها اقوى من النحيف لانة دايم يرفع وزن عالي فكسب قوة فبتالي تلقاه يرفع وزن اكثر من القصير

بالتوفيق

[speed 4 ever]

علشان كذا الطويل يحتاج يتمرن اكثر من القصير لان عضلاته طويله ويبيلها وقت علشان تتضخم

[toto jeddah]

طبعا اضافة ع الردود الجميلة ,,

اللاعب طويل القامة , فعلا يحتاج لفترة طويلة عشان يصل للتناسق المطلوب عكس اللاعب متوسط او قصير القامة يصل لتناسق اسرع ويبان عليه الكثافة العضلية ,,

ولكن , مع السنين والتمارين الجادة , الغلبة لطويل القامة ,,,,,


بالتوفيق

[goooo55]

شكراً لكل من رد علي وجزاكم الله 1000 خير

يعني فنهاية مالانا أمل فالقوة الجسدية

[mashkaljey]

ما فهمت ياليت توضح ؟

[AmiTy Ville]

اتفق مع الاخوان باللي قالوه لكن عندي نقطه وحده وهي تتكلم عن القوه الجسمانيه الوراثيه للجسم

في ناس قصار او متوسطين القامه اقوى من بعض طوال القامه اللي تلقاهم مايمتلكون قوة جسمانيه وراثيه

فا الاوضاع تختلف من انسان لآخر مهما تعددت الطرق والاساليب

فا زبدة الكلام انه مب كل طويل راح يكون اقوى من قصير او متوسط

[goooo55]

شكراً أخ AmiTy Ville على الرد الحلو

وأخ مشكلجي أنا أبي أوضح لك ألا ستفهام أن أبي قوة جسدية مو بناء عضلات وبس فهمت علي .

[goooo55]

مشكور أخ AmiTy Ville على الرد علي والله أنك أفدتني

أخ مشكلجي أنا أبي قوة عضلية مو بناء عضلات وبس فهمت أبي جسم قوي
وشكراً لكل من رد علي

[mashkaljey]

هلا اخوي الحبيب شوف يا بعدي مافي احد عنده عضل من غير قوة جسديه ؟

انت كمبتدأ وما عندك عضل ما تقدر ترفع وزن مثل وزنك الا اذا الله سبحانه معطيك قوة جسمانية وهذي حالات نادره وبصراحه انا كان صاحبي من هالنوع الله يحميه ويرجعه بالسلامة هو واللي معاه في التمرينات العسكرية ماشاء الله عليه عافيه ما بعدها عافية ياكل عن 3 اشخاص ويركض كانه جواد ويرفع الحجر من الارض ويهرول فيه مسافات طويله يعني من ربك سبحانه لا داخل كمال اجسام ولا شي

لكن اللي بوصله لك ان اذا عندك عضل وتشيل اوزان فطبيعي بتحصل عندك قوة جسمانية يا اخوي لهذا تشوف لاعبي الكراتيه والرياضات العنيفه تحصل عندهم قوة جسمانية بمناطق معينه نتيجه التدريب يعني عندك لاعب التايكوندو قوته في رجوله ولاعب الملاكمه في يده وهلم جرى

فليش تقول مالك امل ؟ بالعكس العب اخوي وبتعرف الفرق لان الامر مو نظري تحكم عليه لازم بالتجربه

واذاك بتتخاذل من الحين عشان طولك ولا عشان وزنك ترى من الحين اقولك اترك عنك الحديد لانه رياضه ناس شديده ماتبي رخى وكسل

وموفق

[goooo55]

أخ مشكلجي يعني الطول ما يفرق في القوة إذا كان لدى الشخص القصير قوة بدنية وكثافة عضلية

شكراً على تجاوبك معي أخ مشكلجي ...

[car golden]

الطويل يكون أقوى قليلاً إذا كان نفس الشخصان متفقان في قوه واحده
لأن الطول يساعد على حمل الأوزان الثقيله اكثر من القصر
وأعتقد هذا الشيء مفروع منه وأكيد

[ولد ابوظبي]

السـلام عليكم .. ولو بعد مداخله متأخره ..
انا صديقي يقولي عن نفسه لأنه طويل يحتاج وقت يطلع جسمه أكثر مني أنا لأني متوسط الطول
تعرف انه انا ارفع أوزان أكثر عنه ؟؟ المسأله مسألة وقت واصرار ..
يعني انا ملازم ع الحديد والتغذيه الجيده .. أكيد راح أوصل للقوة العضلية
أما عن صديقي مب ملتزم فالحديد!! ولا فالتغذيه.. فكيف راح يوصل للي يبيه..
هذه أقرب مثـال واقعي..
ممم كل واحد وله وجهة نظر .. كل انسان وسبحان الله الله عاطنهم عاااافيه مثل صديق آخر طويل ووعريض ومتين شوي.. بس ماشاء الله عليه اللهم لاحسد شديييد وقوي
يعني انته تبي القوة ادخل فمجال الحديد .. والتزم فالتغذيه المناسبه ومع الوقت راح تحصل اللي تباه ..
ولا تخلي فنفسك عائق .. أنا طويل أو متوسط أو قصير وماراح أووصل للي أبيه!!

تحياتي

[منادة الليل]

لا تفكر جذي يالغالي

ارنولد ابسط مثال شوق بنيته وطوله وضخامته ......

الامر ما يتعلق بالطويل او القصير اصرار وعزيمة وتطوير الاوزان هذا كل ما في الموضوع

انا صديقي اطول مني طوله تقريبا 185 وهو بدا معاي في شهر انا قمت ارفع 20 كيلو وهو 12 كيلو ..... مع انه ماشي معاي ولكن ما كان عنده اصرار وعزيمة ولما اقول له حط الوزن هذا تقدر عليه يلعب تكرارين الثالث يقول لي شيله الوزن ماقدر عليه .... هذا دليل على انه ما عنده اصرار وعزيمة ...... مع انه قادر عليه ولكن اليأس والكسل ....

ولا تهزك ريح يا جبل