استشاره بخصوص المكملات الغذائيه..

[نمساوي]

السلام عليكم

في البدايه احب انيكم على المستوى الي وصل فيه هذا القسم وكنت دوم ادخل لكن مشاركات قليله

عندي استشاره بخصوص المكملات علما اني العب حديد من قبل لكن هديت قبل 5 شهور والحين ناوي ادخل مره ثانيه بأذن الله والحين سويت لي صاله جمنيزيوم في البيت وبعد اسبوع بتوصل جميع الاجهزه بأذن الله

بعض الاستفسارت الله لايهينكم..

اولا- طولي 178 والوزن 75 وعندي بعض المكملات لكن صارلهم فتره سنه تقريبا وماستخدمتهم هل فيه ضرر او انتهاء صلاحيه البروتين والكرياتين والامينو..؟

ثانيا- طريقه استخدام المكملات واي برتوين-كرياتين- وامينو واتمنى انكم تنصحوني ب النوعيه اللي اخترتها والصور تحت



الكرياتين بو مغطاه سودا




امينو اسيد فورميلا



هذا اللي عندي حاليا وماعندي مانع اخذ جلوتامين على نصيحتكم طبعا

علما بأني منظم كورس تنشيف في البدايه انزل وزني 5 كيلو بدون حديد يعني اصير 70 وبعدها

ادخل بالبرنامج ويبتدي شهر 3 ومابخلص الا على نهايه رمضان يعني شهر 9 يعني 6 شهور

ونصايحكم تهمني

[mashkaljey]

في البدايه احب انيكم على المستوى الي وصل فيه هذا القسم وكنت دوم ادخل لكن مشاركات قليله


حياك ربي وبياك ان شاء الله مستفيد مع اخوانك بالقسم وتفيدهم

عندي استشاره بخصوص المكملات علما اني العب حديد من قبل لكن هديت قبل 5 شهور والحين ناوي ادخل مره ثانيه بأذن الله والحين سويت لي صاله جمنيزيوم في البيت وبعد اسبوع بتوصل جميع الاجهزه بأذن الله

هلا بك وفي موضوع انا كتبته ودعمته بالصور للتمارين المنزلية ياليت تراجعه في قسم المواضيع المميزة

اولا- طولي 178 والوزن 75 وعندي بعض المكملات لكن صارلهم فتره سنه تقريبا وماستخدمتهم هل فيه ضرر او انتهاء صلاحيه البروتين والكرياتين والامينو..؟

ايه انتبه بعض الباعه يبيع لك منتج باقي على استهلاكه 6 اشهر مثلا وانت تقول سنه يعني تاكد من التاريخ بارك الله فيك

ثانيا- طريقه استخدام المكملات واي برتوين-كرياتين- وامينو واتمنى انكم تنصحوني ب النوعيه اللي اخترتها والصور تحت


البروتين مثله مثل اي بروتين 3 مرات باليوم بواقع سكوب الى سكوبين في الصباح وبعد التمرين وقبل النوم لكن اللي عرفته من الشباب من قبل ان هالمنتج مافيه سكوب تاكد من هالامر لانه محيرني !!

الكرياتين بو مغطاه سودا



اول 5 ايام تاخذ جرعة 20 جرام من هالمنتج متوزعه 4 مرات باليوم بواقع 5 جرام لكل جرعه وبعد ال 5 ايام تاخذه فقط جرعتين قبل النادي وبعد النادي 5 جرام ب 5 جرام ما تزيد عن هالامر وتوقف عنه بعد شهرين استعمال لمده شهر كامل

امينو اسيد فورميلا



هالامينو اول مره اشوفه في انواع افضل منه بنضري فياليت اسم الشركة لاني ماحصلت له شي بالانترنت عن طريقه الاستخدام وكم حبه له

هذا اللي عندي حاليا وماعندي مانع اخذ جلوتامين على نصيحتكم طبعا

تستفيد منه الجلوتامين لو تاخذه وسعره تراه ماهو غالي ابد اقل من البروتين بكثير ويكفيك فتره لاتقل عن شهرين

علما بأني منظم كورس تنشيف في البدايه انزل وزني 5 كيلو بدون حديد يعني اصير 70 وبعدها

ادخل بالبرنامج ويبتدي شهر 3 ومابخلص الا على نهايه رمضان يعني شهر 9 يعني 6 شهور

شوف اخوي على عيني وراسي اهدافك وطموحك لكن تنزل الوزن من غير تمارين هذي ابتعد عنها ولا تفكر فيها لان بتحصل لك ترهلات ماله داعي تحرم نفسك من الاكل بالعكس تغذي باللي يفيد والعب رياضه حرق للدهون وبتتخلص من هال5 كيلو باذن الله وموفق خير

[AmiTy Ville]

الامينو اسيد ممتاز للضخامه وفيه توتال فات وكارب قوي يعني ماعتقد ينفعك كونك شخص تبا تنزل وزنك حاليا

http://www.gnc.com/product/index.jsp?productId=2134090

وماقصر مشكلجي

[AmiTy Ville]

بعد الدخول للرابط اضغط على كلمة Supplement Facts من الجدول اللي تحت لرؤية المكونات