وش هدف المكملات بالظبط وإيش أخذ

[OtakuMoe]

السلآم عليكم ورحمة الله وبركاته

انا سجلت في هالمنتدى بعد رحلة طويلة من البحث الدائم عن المعلومات
اول شي ببدأ بعمري أنآآ عمري 17
طولي 179 وزني 73


وكنت مهتم باللعبه من كنت صغير
وقررت ابدأ هالسنة فسجلت في نآدي وقعدت 3 شهور دون حدوث اي تغيير

فقررت اطلب مجموعة ديفديات وكتب ألكترونية من النت
وصلت قريتهآ لكنهآآ تركتني مع علامات إستفهآآم لآ أكثر

أنآآ أبغى ادخل في اللعبه وأتعمق بس المشكلة حصل عندي خلل
يعني قريت معلومات كثيرة فـ مآ صرت افرق بين الصح والغلط
يعني وش هدف المكملات بالظبط وإيش أخذ
انواع التمآرين التغذيه,حاولت اقرأ الموآضيع في المنتدى لكن
اتلخبط لأني اقراها بشكل عشوآئي ومآ أعرف من وين أبدأ

أرجوكم انا مآ طلبت المسآعدة إلا أنآآ خلآص إنهلكت

[JiuJitsu]

مايبيلها كل هذا التعقيد

المكملات الغذائيه من اسمها تساعد على سد النقص بغذيتك يعني مثلا واحد يحتاج 400 جرام بروتين
صعب انه يطلع كل هذا بدون استخدام المكملات الغذائيه الا اذا بياكل بطريقه لا انسانيه فـ بهذي الحاله يتم استخدام المكملات الغذائيه لسد النقص

وحتى يصير تغيير بالجسم لازم الاستمرار + تأدية التمارين بشكل صحيح+ التركيز بالتمرين + النوم بالليل اهم نقطه +الاكل على مدار اليوم اكثر 5 - 6 وجبات

ثلاثه رئيسيه وثلاثه او ثنتين بين الوجبات شي خفيف مثل زبادي منزوع الدسم + كمية البروتين المناسبه لك (( وزنك x اثنين = كمية البروتين الي تحتاجها يوميا )) + شرب الماء على مدار اليوم

وبخصوص المكملات المناسبه لك ولعمرك بروتين بودر و ملتي فيتامين واحماض اومينيه

وياريت تكتب وزنك وطولك + تأخذ لفه على قوانين القسم لانه موضوعك مخالف

وان شاءالله اكون افدتك ولو بالقليل ويفيدونك الخبراء اكثر

[OtakuMoe]

مشكوور أخوي عالرد السريع والمفيد

موضوعي مخآآلف اوبس

عدلت المعلومات


طيب انا كان عندي فضول كيف ابني جدول تمارين
ونظام غذائي ومن وين احصل المكملات بأسعآر تنآسب المطفرين مثلي

ومتى رآح الاحظ النتآئج لأني تحطمت من أخر مره سجلت بنآدي

[mashkaljey]

مشكور على محاولتك تعديل العنوان تم التعديل بالشكل المناسب

بالنسبة للمكملات بدري عليك اخوي اصبر سنه واحده وبعدها يصير المجال عندك مفتوح للتناول المكملات لان لا ينصح باستخدامها لاقل من 18 سنه !!

فانا اقولك لا تعور راسك بهالقصه وركزلي على التغذيه فقط

بالنسبة للجدول النادي بيعطيك الجدول واذا ما حصلت بالنادي جدول هنا بالقسم المواضيع المميزة وضعنا اكثر من موضوع وجدول

والاخ جيو جستو ما قصر شرح بالتفصيل

وموفق خير