عضو متواصل النشاط
السلام عليكم اخواني ’’’
انا كان وزني حوالي 130 قبل سنه و نزلته و الان وزني 74 و طبعا هذا الشي تخذ مني حوالي سنه ...
خلال الفتره هذي ما استخدمت اي ادويه او حوارق دهون و كل شي كان طبيعي ...
و كمان كنت اركز على الكارديو و ما العب حديد الا تمارين البطن و شويه تمارين للرجول ...
انا طولي 181 و وزني 74 و عمري 23 و حاب اني اقسم جسمي و ما ابا وزني يزيد عن 80
يعني ابا ازيد 6 كيلو عضل ...
ايش تنصحوني من بروتينات او مكملات ؟ و كم المده اللي احتاجها ؟ و يعطيكم العافيه
عضو كمال أجسام خبير
هلا اخوي
ماشاءالله عليك الحين وزنك مناسب
بخصوص كمال الاجسام... حالياً شوف المدرب الي عندكم بالصالة وخله يسوي لك جدول مبتدئين ... علشان تحرك عضلات جسمك ولابد اول سبوع بتكون عندك الام .
يكون في علمك ... جسمك راح يكسب عضل ويتوسع بسرعه ان شاءالله لانك راجع من فترة تنشيف الدهون فهذا يعني الجلد تبعك ممتاز جداً وما ياخذ له وقت علشان يتوسع مجرد تتمرن صح وفي فترة بسيطة ان شاء الله بتفرح على نفسك ...
حالياً انصحك تخلي المدرب في الصالة يسوي لك جدول مثل ما قلت لك ...
بالتوفيق انتظر رد الوحوش
عضو مميز
ماخبرتنا هل عندك ترهل ولا لا بس من نظرتي اعتقد ماعندك ترهل
عموما مثل ماقالك الوحش
انت بتلعب شهرين بدون مكملات غذائية
1: بتعود جسمك عالحديد
2: تتعود على طريقة التمرين الصحيحه
3: تنتهي من اول اسبوعين او 3 اسابيع شامل
4: تنتهي من اول جدول ولمدة شهر من بعد الشامل
وبعد الشهرين ترجع لنا وتقولنا التغيرات سواء ايجابيه او سلبيه وراح نعطيك النصائح والمكملات الغذائية اللازمه
ابتعد عن الدهون المشبعه والنشويات والمعجنات والمشروبات الغازيه وقلل من الكاربوهايدرات ليلا
وجباتك تكون6 وجبات يوميا ثلاث رئيسية و3 بين الوجبات
كثر من البروتينات واعطي جسمك الراحه ليلا بما لايقل عن 8 ساعات
التزم بالمكتوب وارجعلنا بعد ماتتم المطلوب واطلعنا بالنتائج
موفق
ضوابط المشاركة
