مكمل جديد من نوعه من شركه اوبتمم يحتوي على 3 مكملات ,, عطوني رايكم فيه يا شباب؟

[abood1190]

هلا يا حلوين ,, شرايكم فهذا المكمل !!





Optimum Presents:
CGT-10

يحتوي على 3 مكملات (( Creatine, Glutamine & Taurine))
وسعره 15 دولار بالنت يعني ممكن يتواجد بالسوق بحوالي 150 درهم !!!
وحجمه 900 جرام

[alkatal]

أول مره اسمع فيه بس ان شااء اللـه احد يدخل ويخبرنا شنو فوائد ذا المكمل ومستوى جودته

[abood1190]

يسلمو ع المرور يالقاتل وانا بعد اول مره اسمع عنه
يلا يا شباب شدو الهمه .. عسى يكون واحد في المنتدى جربه

[THE CAST]

جيد لكن ماينفع تاخذه لوحده ...لازم تضيف معه بروتين

تحياتي

[abood1190]

تراك بتزعلني يا كاست اكيد ما ينأخذ بروحه
قصدي شرايكم فيه لانه يجمع الجلوتامين والكرياتين مع بعض بدال ما تشتري كل نوع بروحه ..!!

[آبو رآشـد]

ممتاز صراحة

يغنيك انك ما تشتري جلو تامين ولا كرياتين

طبعا اسمة اختصار للمواد الثلاث

الا وهي

جلوتامين

يمنع التهدم العضلي ومحفز طبيعي للجي اتش ولة عملة في التمثيل الغذائي الخ

الكرياتين

ضخامة العضلات عبر امتلائها بالماء ويعطيك قوة في قدرة التحمل ومساعد في منع الشد العضلي في العضلات الخ

التورين

حمض ممتاز في زيادة الطاقة في الجسم وموجود في اغلب منتجات البامب ويساعد باقي الاحماض على التكاتف ولة درسات على انة يفيد العضل عبر جعلة يمتص البروتين


بالتوفيق

[منادة الليل]

ماشاءالله عليك يابوراشد ما قصرت والله

منتج ومعلومات جديدة علي

تسلم يدينك فادني ردك على موضوع الاخ

وبالتوفيق يا صاحب الموضوع

[ولد ابوظبي]

مثل مااقال اخوويه بوراشد .. يعطيك العافيه .. رد ولا أحلى .. ^.*

[abood1190]

تسلملي بعد جبدي ع التوضيح وهذا الي كنت ابغيه .. بس المشكله الان ما حصلته يبناع بالسوق !!!

ومشكورين ع مروركم يا مناداة و ولد بوظبي نورتو الصفحه