عضو جديد
السلام عليكم ورحمه الله وبركاته
عمري ١٩ وزني ٧٧ طولي ١٨٣.
بديت في مجال الرياضه قبل ٨ شهور كان وزني ١١٣ و نزلته الى الي تشوفونه حاليا
بديت في الحديد من ٣ شهور ونصحوني بالكارنتين لان فيني كرش لحين بس مب عارف كيف استخدمه، كل مكان يعطيني طريقه وكميه مختلفه، وهل ينفع اخذ معاه منتج بمب؟
هاي هو المنتج.
http://www.gnc.com/product/index.jsp?productId=3743212
وياريت يا اخوان تعطوني الطريقه وكميه.
قواكم الله شباب
والشكر مقدما
عضو كمال أجسام خبير
هلا يالحبيب
شوف ترى الحين وزنك ممتاز جداً ومتناسق مع طولك وما شوف انك بحاجه لهذي المنتجات
فقط اشوف انك بحاجة لجدول ممتاز بخصوص هذه الكرش
شوف خذ بهذي النصيحة
اضف يوم في جدول تمارينك الحديد ويكون هذا اليوم فقط لتمارين البطن
وتقدر تمر على هذا الموضوع الممتاز
حقق حلم ال6 باك وازالة الكرش والترهلات
وطبق التمارين والنصايح الي فيه
بالاضافة الى لا تنسى الدراجه في ايام تمارين الحديد يوم وترك استخدم الدراجه لمدة 20 دقيقة
وان شاء الله بتدعي لنا بالخير
وترى ما وصيتك على الجدول الي فوق الا وانا مجربه وصراحة لو تشوف االبطن عندي تقول انا كل يوم طايح فيه
وتقدر تاخذ الامينو2222 تابز وهو للتنشيف بسبب احتوائه على مادة الكارنتين
---------------
وهذا ردا على الي استفسارك ... ايه يالغالي ما فيه حرج باستخدام منتجات الطاقة ... ولكن لا تنسى انه لابد يكون بينهم فارق وقت للاستخدام
يعني لما تاخذ الكارنتين مو تجي وتضرب فوقه منتج طاقه ريض على الاقل 30 دقيقه
وانتظر رد الوحوش للحصول على معلومات اكثر
عضو جديد
منادة الليل.
اولا يعطيك الف عافيه وماقصرت على ردك الشيخ
انا هاي جدولي
الاثنين - صدر + باي + بطن
الاربعاء - رجول + اكتاف
الجمعه - ظهر + تراي
كارديو وقفت لان قالو لي يساعد العضل انه يختفي.
فياريت لو ترتب لي جدول علي اني اخلي يوم رابع للبطن وكيف توزيع ايام الاسبوع؟
وسالفه الدراجه متى استخدمها، يعني في اي يوم؟
والامينو ٢٢٢٢ ان شاء الله باستخدمه نظرا لسمعته المتألقه
بس للاسف انا استعجلت وخذت الكارنتين بس ليحين ماستخدمته
وما قصرت يالغالي
عضو كمال أجسام خبير
هلا فيك يالغالي
شوف يالحبيب والله وزنك على طولك ممتاز في حال انك مشيت صح بالحديد راح تزول الدهون الي عندك
شوف جرب هالجدول يالغالي
اول يوم : صدر+باي + (تمرينين بطن)
ثاني يوم : دراجة لمدة 20 دقيقه +ظهر+تراي
ثالث يوم : بطن (تقدر تمر على جدول بوراشد الله يحفظه وتطبق على التمارين )حقق حلم الــ6 باك وازالة الكرش والترهلات)
رابع يوم :راحة
خامس يوم:اكتاف +ترابز
سادس يوم: ارجل
سابع يوم :راحة
وارجع للجدول : طبق الجدول شهر على الاقل وشوف كيف يالغالي ان شاء الله بتدعي لنا بالخير
ولا تنسى الامينو 2222 تابز هذا الي فيه مادة لحرق الدهون وهو الكارنتين
واي خدمة يالحبيب حياك
بالتوفيق
عضو جديد
والله ياخوي منادة الليل انك كفيت ووفيت الذيب.
وان شاء الله من بكره بطبق الجدول.
عضو جديد
اخوي، بس بغيت توضح لي زياده بخصوص الجدول الي عطيتني اياه
هذا الي كتبت لي اياه
الحين السؤال هو، امرن التراي في اليوم الثاني والخامس؟ ولا ترابز عضله غير لان الي اعرفه انهم نفس العضله بس مسمى غير ( جديد على السالفهاول يوم : صدر+باي + (تمرينين بطن)
ثاني يوم : دراجة لمدة 20 دقيقه +ظهر+تراي
ثالث يوم : بطن (تقدر تمر على جدول بوراشد الله يحفظه وتطبق على التمارين )حقق حلم الــ6 باك وازالة الكرش والترهلات)
رابع يوم :راحة
خامس يوم:اكتاف +ترابز
سادس يوم: ارجل
سابع يوم :راحة) ولا خطئ كتابي؟
ياريت توضح اخوي لاني من بكره بشتغل على الجدول
وقواك الله
ضوابط المشاركة
