وزني وش الحل معه ,,,, آبي جسم زي العالم :( ...
السلام عليكم
نبدا
انا وزني 50وطولي 170 <<< نحيف
المهم فيه ترهل وترسبات دهنيه في منطقه البطن والصدر
بدت تزيد شوي وقمت ولحقت على نفسي وسجلت في نادي رياضي استمريت شهر
يوم خلص شفت انه بدت تطلع نتايج خفيفه قلت وش وراي اجدد اشتراكي شهر ثاني
واستمريت معهم شهر ثاني بس وقفت عند حد معين معد راح الترهل
مع انا كنا نوصل في النادي تقريبا 300 بطن او يمكن بعض الاحيان تزيد الى 400على دفعات مقسمه اعلى البطن اسفله جوانب تمارين العصا وغيره
المهم قبل سبوع تقريبا خلص الشهر الثاني وبطني الحمدلله من جوى اقدر اقول شويه مشدود بس
المشكله للحين في طبقه دهون ماراحت
لانها لو راحت بتبدا تطلع وتبان شكل العضلات الـ 6
فااطلب منكم حل وش يروح ذا الطبقه والمشكله لين صرت واقف مافيه اي شي المشكله لين جلست تبان وتكون ترهلات واااضحه مره
ابي حل لازالتها تكفون سمعت ان الشاي الاخضر مفعوله فعال هل هذا صحيح ولو في بديل افضل قولو لي
وابي منكم نظام غذائي استمر عليه لبناء عضلات البطن ابغى اشوف الـ 6باك هذي بعيوني
ولو تكتبون لي بعض الاكلات اللي تساعد ع البناء اكون شاكر لكم
والاشياء اللي ابتعد عنها
بقولكم نظامي اللي مطبقه ذا الايام هل هو صحيح بالنسبه لكم ولا قولي /
الصباح
بيض وكاس حليب كامل الدسم
الغداء
ازر ولا صدر دجاج + لبن كامل الدسم
العصر تمارين بطن واذا كان فيه شي
العشاء خفايف سلطه خضار وتونه فطاير ومعلبات مرق فول وبعض الاحيان يكون من مطعم او يكون من بيت بس دسم شوي + لبن
ولا ننسى استخدم كمان هذا المكمل
اشربه مره او مرتين سواءا اخلطه بمويه او حليب
وشسمه بالنسبه للتمارين فيه تمارين في المنزل ماتحتاج لاجهزه يعني اسويه تكفي بدال ماروح للنادي عشان الاجهزه حقت التمرين ولا ارجع اسجل لاني مليت
يعني تمارين شد البطن والصدر ابي صدري يبرز شوي وعضلات اليد تكون مفتوله شوي
عذرا ع الاطاله بس وش اسوي الظروف حدتني مالقيت احد يرد على استفساري الا انتوا
اترك لكم ارائكم
شنو تمارين منزليه شنو بطن شنو صدر اخي !!!
المشاركة الأصلية كتبت بواسطة آبو رآشـد
