استسفار بخوصوص محلات الملابس الرياضيه - بالرياض

[آلفيصل]

السلام عليكم

يسعدلي مسائكم جميعا يارب

اليوم عندي استفسار غير مو عن الحديد ولا عن التنشيف ولا التضخيم

بخصوص ملابس الرياضه المقاسات الكبيرررره مررره
XXXL واكبر من كذا

عندي صديقي بيدخل معاي لنادي اخيراء بعد سنوات من الاقناع بس مو عارفين وين نحصل الملابس فيه الشي ياليت تكون المحلات بالرياض وياليت تفديونا باكل المحلات اللى تعرفونها

ومشكورين مقدما وجاكم الله الف خير ( ورده )

[آلفيصل]

احد يساعدنا بليز لو سمحتو

[almarii]

عندك سوق الشعلة وحي الجرادية والفالح وشارع الستين بالملز بالتوفيق لكم

[Be Alone]

شف فيه محلات عند نادي الهلال بالعريجا اتذكرها زمان
وبشارع الوزير فيه بس اذا خويك وزنه كبير مره فيه محل كان يشتري منه واحد من الربع بالمملكة محل مخصص للمقاسات الكبيرة وناسي اسمه لكن لو تروح تسال بيدلونك

[ابو خالد السوري]

تعال على السويدي شارع الابراج

الي اسمو حاليا شارع عائشة بنت ابو بكر (رضي الله عنها وعنه )

كله محلات ملابس رياضة عندك فوق 30 محل

انا ساكن هناك واحيانا اخد من عندهم بعض احتياجاتي من ملابس الرياضة

[آبو رآشـد]

والله وحوش الشباب ما قصرو

الماري + بي الون + ابو خالد

تقييم

لكم لككم على متابعتكم

بالتوفيق

[saadoony]

محلات غرناطهـ للملبوسات الرياضيه
الدخل المحدود
الملز
طريق الملك فهد

[ابو ذراع]

رح للبطحاء هناااااااك فيه ملابس ارخص

وشف لو ما حصلت مقااااااس لصديقك الدب

فيه اكثر من خيااااااااااط بيفصل له زي الجهاهز بالزبط

[كابتن نابليون]

رح للبطحاء هناااااااك فيه ملابس ارخص

وشف لو ما حصلت مقااااااس لصديقك الدب

فيه اكثر من خيااااااااااط بيفصل له زي الجهاهز بالزبط

هههههه حلوة صديقك الدب ,, صحيح ياخوي متوهقين فيه لهدرجه مافي ملابس على حجمه اخاف بس من ضخامة العضلات .

[Azo0oz88]

اذا انت بشرق الرياض او حولها فيه محل يبيع المقاسات هذي بدلك عليه لا واسعارهم مرررة رخيصة .. تجي مع مخرج 11 متجه شرق طبعا .. تمشي وتتعدا كل الاشارات يجيك حرف T لف وارجع فيه محل على يمينك لوحته برتقالية عليها علامة استفهام .. بالتوفيق لك ولخويك السمين

[THh Rock]

الوحوش ما قصروا جزاهم الله خير

واذا رحت للاماكن الي شريت منها ياليت تفيدنا علشان الشباب يستفيدوا

بالتوفيق