حطيت مكمل البروتين في السيارة هل يخرب من الحراراة ؟

[معضل محترف]

السلام عليكم

يا جماعه عندي واي بروتين ودايما اخليه في السياره
ما انزله والسياره اوقفها في الشمس مادري اذا البروتين

يخترب او تجيه عله انا لاحظت انه ريحته تغيرت

ارجو الافاده عشان اذا اخترب ابدله وعادي استعمله لحد ما يخلص ولا

شاكرين حسن تعاونكم

[معضل محترف]

وين الوحوش؟

[منادة الليل]

اكيد راح يتأثر عزيزي

وكيف ما تحس تغير في طعمه ؟ من الطعم راح تعرف هذا الشي عزيزي

لانه كل شي لابد انه يحفظ في درجه معينة والشمس ياخوي ما تخلي بني ادم صاحي الا بعد الغذاء هههههههه

على كل حال مثل ما قلت لك شوف من الطعم راح تعرف عزيزي

[معضل محترف]

تسلم على الرد يا الغالي

بس لو كملت عليه عادي ولا

لانه جديد؟

[منادة الليل]

تقدر تكمل عليه ولكن اهم شي تاكد من طعمه يعني اذا تغير طعمه فاكيد ماهو عادي يعني هذي مكملات وتحتوي على شغلات يعني لا سمح الله بسبب حرارة الشمس وتغير الطعم اكيد بيكون لها اثر في هذا الحال او يمكن حتى ما تستفيد منه

والله اعلم وانا رديت عليك بمعلومات علمية مو عن تجربة

[معضل محترف]

يعطيك العافيه وما قصرت

شكرا

[no pain no gain]

طريقة التخزين :يحفظ في مكان بارد وجاف.
وكل منتج عليه إرشادات التخزين.

[سيف ربعه]

المنتج الله العالم اصبح غير نافع وقد يكون مضر

لحفظ المنتج يجب ان يكون مكان التخزين بارد وجاف وهذا امر لم يتوفر في سيارتك وبهذا المنتج اصبح غير صالح وقد يكون فيه خطوره في حال كملت استخدامه

افضل مكان لحفظ اي منتج مهما كان مكمل غذائي او دواء او غيره هو الجو البارد الجاف وهذا امر يختلف من منطقة لمنطقة ففي حال كنت تعيش في منطقة بارده او منطقة اجوأها معتدله فجو الغرفه العادية بالبيت يعتبر جيد للتخزين لكن في حال كنت في منطقة اجوأها حاره ورطبه فأنصحك بحفظ المنتج في الثلاجة

[THE CAST]

وعليكم السلام ورحمة الله وبركاته
الامر راجع لك شوف ان كان في تغيير في اللون او الطعم او الرائحه..اذاماتغيير شي استعمله
وان طلع العكس الله يعينك ارميه

تحياتي

[ولد ابوظبي]

مشكله يوم تشتري شي وماتتهنى به

[BLACK TIGER]

اذا عطاك نفس الطعم لااتوقع تأثير المنتج من الحراره هذي وجهة نظري
انصحك تسأل اصحاب المحلات عن هذا الموضوع

[معضل محترف]

مشكوورين يا جماعه على الردود

اليوم رحت للمحل اللي اشتريت منه المنتج

قد يشمه ويتفحصه قالي اوكي ما فيه شي

بس اتحذر اتخليه في الشمس يا تخليه في البيت

او الصاله .

انصح ان محد يخلي البروتين في السياره وخاصه انه اللي عندي ما كمل اسبوع

[abood1190]

يا شباب انا استعملت بروتين انتهى تاريخه من شهرين وما صار فيني شي
واستعملت بروتين قعد في دبه السياره اسبوعين ولا صار فيني شي


قولو ماشاء الله ....

[سيد REAL]

يا شباب انا استعملت بروتين انتهى تاريخه من شهرين وما صار فيني شي
واستعملت بروتين قعد في دبه السياره اسبوعين ولا صار فيني شي


قولو ماشاء الله ....

انتبه لا يصير فيك شي

مره ومرتين يمكن تمشي لكن يمكن اذا استمريت على هالحاله غسيل معده وترقيد... لا تتهاون بصحة جسمك

[abood1190]

انتبه لا يصير فيك شي

مره ومرتين يمكن تمشي لكن يمكن اذا استمريت على هالحاله غسيل معده وترقيد... لا تتهاون بصحة جسمك

افا عليك لا توصي حريص .. تسلم يا قلبي