ان شاء الله قررت اشتري مكملات احتاج مشورتكم قبل كل شي

[so so 2009]

السلام عليكم ورحمة الله وبركاته

نويت ان شاءلله اشتري مكملات غذائية
استمريت في النادي لشهر وعشرة ايام ثلاث الى اربعة مرات في الأسبوع
وقطعت ثلاث اسابيع ثم رجعت...

عموما قبل التمارين كان وزني 54 وخلال ثلاث اسابيع من التمارين وزيادة الأكل
زاد وزني تقريبا 3 كيلو وعند نهاية الشهر والعشرة ايام زاد وزني ايضا كليو ونصف
المجموع 58.5 ولما قطعت نزل وزني الى 57.5
طبعا بدون مكملات ماشاء الله تبارك الله ..


إذاً : عمري 19 طولي 169 وزني 57.5

هدفي : زيادة وزني + عضلة صافية مع شوية دهون


اريد معرفة :

1_ ماهي المكملات المناسبة لي وأسعارها



2_ كمية الماء اللي نضيفها للكاس لشرب المكمل وكم حجم الكاس..
ام لازم كأس معين ينباع .. اين اجده ..؟



3_ دائما اقرأ ( سكوب ) ماذا تقصدون بها ..؟




ملاحظة :

*اسكن في السعودية بالمنطقة الشرقية بالجبيل ويوجد محل gnc
وسألته عن السرياس ماس والأمينو 2222 قال مو موجودين .. لكن وجدت عنده وي بروتين

*لا أريد المكملات اللتي تحتوي على الكافيين والكرياتين لسمعتها الضارة في المستقبل..

شاكر لكم

[nassernasser123]

اخوي ركز على اكلك الاساسي ووجباتك لا تقل عن 5 وجبات وبين الوجبات اخذلك سناك مو مهم تاكل بالوجبه وايد لين تملي بطنك المهم انك تكثر عدد الوجبات وابتعد عن الفاست فود ومن ناحيه المكملات اذا تبي ضخامه عضل ووزن عندك ( سيرياس ماس - سوبر ماس قينر تقريبا نفس تركيبه سيرياس ماس - ترو ماس من بي اس ان وطلع المنتج الاول للضخامه لعام 2009 - سوبر قينر فيول - ماصل جوس ) بس من وجهت نظري وتجربتي افضلهم السيرياس ماس والسوبر ماس قينر
واذا كنت تبي عضل صافي عندك ( نيترو تيك - قولد ستاندرد - برو كومبلكس ) وافضلهم قولد ستاندرد لسرعه امتصاص الجسم له ولانه سعره مناسب وارخصهم
واذا تبي منتج لا فيه كرياتين ولا كافيين ويعطي باور ( نانو اكس ناين )

[قلب ف]

[QUOTE=so so 2009;6813709] السلام عليكم ورحمة الله وبركاته

نويت ان شاءلله اشتري مكملات غذائية
استمريت في النادي لشهر وعشرة ايام ثلاث الى اربعة مرات في الأسبوع
وقطعت ثلاث اسابيع ثم رجعت...

عموما قبل التمارين كان وزني 54 وخلال ثلاث اسابيع من التمارين وزيادة الأكل
زاد وزني تقريبا 3 كيلو وعند نهاية الشهر والعشرة ايام زاد وزني ايضا كليو ونصف
المجموع 58.5 ولما قطعت نزل وزني الى 57.5
طبعا بدون مكملات ماشاء الله تبارك الله ..


إذاً : عمري 19 طولي 169 وزني 57.5

هدفي : زيادة وزني + عضلة صافية مع شوية دهون


اريد معرفة :

1_ ماهي المكملات المناسبة لي وأسعار

افضل شي لك تستخدم الواي بروتين والواي عدة انواع وكل شركه منزله نوع ونت حسب اختيارك واسعاره من 230 إلى 350 ريال حسب الشركه المنتجه

2_ كمية الماء اللي نضيفها للكاس لشرب المكمل وكم حجم الكاس..
ام لازم كأس معين ينباع .. اين اجده ..؟

هناك كاس خلط خاص بلمكملات لخلطها وهو يجي مرقم لوزن الماء بطريقه صحيحه وتجده عند السواق بيع المكملات كمية الماء 8 oz للبروتين يعني كاس ماء كبيره تقريبا



3_ دائما اقرأ ( سكوب ) ماذا تقصدون بها ..؟

السكوب يعني المكيال ويوجد داخل علب البروتين وهو يشبه الملعقة وبه توزن كمية البروتين حسب ما يكتب على البروتين من تعليمات والعاده 2 سكوب




ملاحظة :

*اسكن في السعودية بالمنطقة الشرقية بالجبيل ويوجد محل gnc
وسألته عن السرياس ماس والأمينو 2222 قال مو موجودين .. لكن وجدت عنده وي بروتين

*لا أريد المكملات اللتي تحتوي على الكافيين والكرياتين لسمعتها الضارة في المستقبل..

الكافيين يوجد بمكملات الطاقه والحوارق واما البروتين فلا يوجد بها كافيين

اما الكرياتين فيوجد في بعض انواع البروتينات كل النايترو تك
وجميع ما تحتاج من مكملات وغيرها يوجد لدي بموضوعي على الرابط التالى :
http://www.montada.com/showthread.php?t=670246

واتمنا اني افدتك

[so so 2009]

شاكر لكم حسن تعاونكم

وبالنسبة للتمرين مع المكملات
انا اتمرن ثلاث ايام في الأسبوع ورا بعض وقرأت انه مع المكملات لازم يوم تمرين ويوم راحة
ايش رايكم..؟

[so so 2009]

يعني اللي احتاجه الحين :

وي بروتين ابتيموم + امينو ......؟ + ملتي فيتامين ...؟ + ؟؟؟؟

اي نوع امينو وأي نوع ملتي فيتامين وهل اجدهم في gnc
ايضا ماذا اضيف زيادة عليهم

[nassernasser123]

والله يا اخوي انا كويتي وما اعرف شنو يبيع الجي ان سي اللي عندكم بس اخذلك امينو 23000 سائل وملتي فيتامين من اوبتيموم اسمه ( اوبتي مان ) علبته صفره افضل ملتي فيتامين بالسوق والوي بروتين ممتاز وافضل شي للضخامه اهو الكرياتين بس انت ما تبي عيل خلك على النانو اكس ناين بس ارجنين من غير كرياتين
و 3 ايام تراها مو شي للضخامه
راجع مواضيع المنتدى الباقي لتستفيد من جداول الضخامه
موفق

[no pain no gain]

اخوي انا مثلك في الطول والوزن سابقا ( 57 ) وحاليا وهذا بفضل ربي( 66)
جربت الواي وخلصت علبه ومازادني الشي الكثير تقريبا 1,5 او 2كيلو , الواي بروتين يبني عضل صافي ويكون على مدى بعيد , وجربت السيرياس ماس وبصراحه ميه ميه زياده في الوزن تقريبا 9 كيلو في شهرين طبعا مع الأمينو والجلوتامين والملتي فيتامين ( من اي صيدليه والأفضل اسمه جلوفيت ) إضافه إلى التغذية الجيدة والتمرين الجيد , طبعا انا هدفي ضخامه.

موفق ان شاء الله .

[so so 2009]

شاكر لكم

طيب السريايس ماس يوجد به كرياتين وأين اجده بالسعودية ؟؟

الجلوتامين ماهو افضل نوع ؟؟

الأمينو ماهو أفضل نوع ؟؟ طيب ياشباب في بعض البروتينات فيها احماض امينية طيب ليش استخدم امينو ؟؟

[nassernasser123]

ههههههههه ماشاء الله عليك مو عارف شنو تسوي
اخوي السيرياس ماس فيه كرياتين بسيط جدا وقلوتامين بسيط
الجلوتامين هو حمض اميني ما يتغير كل المنتجات نفس الشي بس عندك من اوبتيمم ممتاز البودر مو الحبوب وبعده من eas هم ممتاز
بعض البروتينات فيها احماض امينيه يمكن في بعض الاحماض لكن مو مركزه وبدرجه قليله الامينو يكون منتج منعزل افضل
تستخدم امينو لانه الامينو هو حده بناء البروتين في الدم والاحماض الامينيه جدا مهمه وفي موضوع عند بو راشد شامل للاحماض الامينيه
موفق

[so so 2009]

^^^^^^^^
اخوي كفيت ووفيت وماقصرت بيض الله وجهك
والله صادق ماعرفت اش اسوي لكن ان شالله تساهلات