استفسار عن المكملات المناسبه لمبتديء في الحديد وزن 53 وطول 170

[thin]

السلام عليكم ورحمه الله وبركاته ..

لي فتره اتابع القسم واستفدت منه القليل والباقي استفهامات فوق راسي .. وهذي تفاصيل المشكله:

انا انسان مبتديء بالحديد لي اسبوعين بالضبط

طوولي 170 ووزني 53 ): ..

مشكلتي آبي ارفع وزني لأني نحيف مره لاكتووف ولاشي < هيكل عظمي .. وبديت اقسم وجباتي الى 4 او 5 وجبات يوميا بعد مادخلت النادي < اكثر شي اقدر عليه ..

وآبي اعرف المكملات المناسبه لزياده الوزن لواحد نفس وضعي لأن لقيت مواضيع مشابهه لنفس حالتي بس كانت المكملات تختلف .. ماودي اتهور واخذ شي بدوون استشاره والعشم فيكم آن شاء الله انكم تساعدووني وياليت طريقه استخدام كل مكمل لأني ما اعرف شلوون


ومشكوورين مقدما

[فيصل 2003]

هلا اخوي

الافضل يكون لك مده يعني شهرين بعدين تبدا في المكملات او شهر على الاقل

وانصحك بكمل سرياس ماس زادني 9 كيلو في شهرين وكان وزني 50 والان 59.6

وان شاءالله الشباب يفيدوك

[Yousif Alsaqer]

والله يالحبيب أنتَ الحين كمل هالشهر ، وبعدين خذ السيرياس ماس لأنه الأفضل
وجوف أستعمله مرتين باليوم أو ثلاث بس مرتين كفاية على ما اعتقد
وخلك عليه لحد ما يخلص وإذا شفت جابلك نتيجة فـ تمام خذ غيره وواصل مشوارك
أو أذا ما جاب لك شي يعني حتى لو كيلو واحد فـ أنصحك بالتوقف عنه لشهر وتبقى على الطبيعة
أكل بكثرة ، وخذ فاتح الشهية لأن بيساعدك على الأكل بقوة وان شاء الله بتزيد
وبالتوفيق

[قلب ف]

اخوي العزيز على قول الخواني بعد ماتكمل شهر وتحس انك بتكمل بلحديد ارا انك تختار احد هذي المنتجات :
Super Mass Gainer
russian turbo size
PRO COMPLEX GAINER
Russian Bear 10000
Super Mass Gainer
جيع هذه المنتجات سوف تعطيك وزن سريع إنشاء الله
وزيد عليها منتج احماض وختار احد هذه المنتجات:
Super Amino 4800mg
universal amino 3001
Healthy 'N Fit Anabolic Amino 10,000
Super Anabolic Amino 20000
واسف على الاطاله

[Be Alone]

شوف اانا اطول منك ومثل وزنك وجربت مكملات الدنيا وصراحة الي جابوا معي نتيجة
Serious Mass
True Mass
GNC weight Gainer 2200
وانصحك وبشده بالسيرياس ماس لانك محتاج كربوهيدرات وسعرات اكثر شئ
وابدا فيه من اول ماتشترية وخلك اول اسبوع سكوب واحد يسوي لك كاسين
كاس قبل التمرين وكاس بعد التمرين
ولما تدخل الاسبوع الثاني خلها سكوبين اول سكوب اشربه بعد الفطور وثاني سكوب بعد التمرين واذا حسيت انه ثثقيل عليك قسمها لان السكوب يسوي لك كاسين يعني كاس بعد الفطور وكاس قبل التمرين وكاس بعده اهم شئ
والاسبوع الثالث خلها 3 سكوبات وهذا الجدول الي كنت انا ماشي عليه واهتم بالتغذيه وراح يزيد وزنك 5 كيلو بالشهر كحد ادني

والي اهم من المكملات العزيمة
بالتوفيق

[thin]

يعطيكم الف عافيه (f) ..


وبـ آسووي زي ما تقولون با اصبر شهر .. وبعدها اشووف نفسي

[كره قدم]

اسمحولي على المقاطعه بس سؤال عن حجم الكاس
و السموحه مره ثانيه

[تـائب]

اخوي بس سؤال عمرك فوق ال 18؟؟

بالتوفيق..

[thin]

أيه ...... 22