شد الجسم

[emarati9]

السلام عليكم و رحمة الله و بركاته


كيف الحال شباب ؟


عندي سوال و ابي نصايحكم و تجاربكم


انا كان وزني 125 و نزلت وزني لين 67 بس صار عندي ترهل في الجلد يعني الجلد مب مشدود احسه مب لاصق في الجسم طبعا يوم اتحرك او البس بنطلون يطلع الجلد من فوق و اخر شي افكر فيه الجراحه و ابي حلول من عندكم و اتمني تساعدوني طبعا انا يوميا امشي و اركض اقل شي 8 كيلو بالساعه بس ما ااحس بشي ابي تجارب و حلول فعالة و من تجارب


و شكرا لكم و مع تمنياتي لكم بيوم سعيد

[محمد552]

مشالله تبارك الله
انشالله الوحووش بيفيدونك

[بارجيم]

والله الي اعرفه ان ماشاءا لله النزول من هالوزن يشد الجسم لو كان بفعل الرياضه بس شكلك كنت مسوي رجيم عشان كذا ترهل الجلد وهذا اتوقع والله اعلم مافي حل الا الجراحه بس يفيدونك الكباتن اكثر

[ميعرو]

عليك بالحديد ان شاءالله يشد جسمك بس لازم تستمر مع المكملات الغذائيه وجدول تمارين الله يوفقك

[منادة الليل]

ماشاء الله عليك

وحش صراحه نزلت وزن مو طبيعي

بما انك نزلت وزن كبير فاكيد انك ما راح تيأس في شد الجسم الحين

عزيزي عليك بالحديد +3 مرات بالسبوع تمارين بطن وتقدر تمر على موضوع مراقبنا الغالي بوراشد الله يخليه

حقق حلم ال6باك وازالة الكرش والترهلات

هذا انت 100% الي تبحث عنه والي راح تشد فيه جسمك اذا التزمت فيه بالشكل الصحيح

وانصحك بقوة تلعب حديد راح يساعدك كثير على شد جسمك عزيزي

[emarati9]

ما قصرتوا علي الردودو باخذ بالنصيحة وبجرب الحديد و دعواتكم

[ابونواف4]

كالعادة مشورة الكابتن منادة الليل في محلّها ،

فأحد المقرّبين لي أنزل وزنه من 165 إلى 95 خلال عامين ،

العام الأول التحقّ بنادي لياقة والعام الثاني نصحه المدرّب بالسباحة لشدّ الجلد ،

ثمّ اقترح عليه دخول قسم الحديد ( أوزان خفيفة ) ، لأنّه لا يجيد السباحة ..

والله أنّ تأثير الحديد كان على جسمه من أروع ما يكون ،

وانشد جسمه بشكل غير طبيعي خلال عام ..


( معلومة قرأتها على النت وقابلة للتصحيح )

الجلد يعود نسبيًّا إلى ما كان عليه بعد فترة ، وتظهر عليه تشقّقات بيضاء عند حدوث هذه الحالة ،

وتظهر عليه تشقّقات حمراء عندما يزداد الوزن ..


أتمنّى لك التوفيق ،

ودمت بخير ..