تكفووون ياشباب ساعدوني هل للديكا اضرار اذا اخذتها اول كورس لي .. ردودكم تكفون

[خالد قحطان]

السلام عليكم ورحمة الله وبركاته
يااخوان تكفون ساعدوني انا المدرب جاني وقالي انت جسمك حلو وخامته حلو بس يبيلك كورس ديكا وانا ماعمري دخلت كورسات هرمونات ولا شي قلت له بس اخاف من اضرارها يا كابتن
قال والله يا يجيك شي اذا جاك شي في وجهي وانا الحين متردد لانه اول كورس

علما بان عمري 18 طولي 169 وزني 69

[animetadj]

يا أخي هذه الكورسات ممنوعة لمن هم أقل من سن 21 سنة كيف للمدرب ان ينصحك بها!!
انصحك بالإبتعاد عنها ركز الأن على الضخامة العضلية ...
بالتوفيق

[Leaner]

المدرب قاص عليك ويبي يمشي بضاعته عليك

تبي تندم، اسمع كلامه

[خالد قحطان]

والله هذا كلامه لي وناس واجد قالو لي خذ اول كورس لك عادي جدا ممتاز وبالعكس بيزيد طولك والحجم العضلي انا الحين راسي يدور ماعد عرفت وش اسوي

[alb3tal]

أنــا اقول ياخوي حبه حبه

ابدا ب المكملات بعدين ادخل ها العالم لو حاب مع اني انصحك تبتعد عنه !!

وانا اشوف انه تحتاج تخفيف وزن شوي

[ميعرو]

انا عمري 34 وما اخذت اي كورس فقط مكملات اللي هي احماض وبروتينات فقط مع العلم اني استطيع ادخل كورس لان عمري يسمح بس قلت قدام بعد سنه وانتا لسه عمرك مررررررررررررره مايسمح انتبه الله يوفقك لايغرربك المدرب بعد سن 22 ابدء

[بومشكان]

شوف يا صاحبي انتا عمرك 18 سنه يعني جسمك مازال في النمو الطبيعي يعني ما تدخل هرمون لي جسمك معنها انك بتعطل النمو الطبيعي . وبنسبه للضرار شوف الفيديو الي تحت وحا تعرف الاضرار
http://www.youtube.com/watch?v=Z4IMb...eature=related

وهاذا فيديو لشاب سمع كلام مدربه
http://www.youtube.com/watch?v=BQ9cs...eature=related

[خالد قحطان]

الله يعطيكم العافيه عالمرور وعالنصايح

[خالد قحطان]

بو مشكان اووووووووووووووف هذي ماعتقد انها الديكا الي في المقطع الاول وش ذا الاجسام مقززه ياخي

[toto jeddah]

اول كورس ليا كان في عمر 22 سنة بعد اكتمال النمو الطبيعي ,,
لسا بدري ع الكورسات وزي ما افادوك الاخوه خليك ع المكملات الطبيعية واستمر بالتضخيم


بالتوفيق

[محمد552]

تمرن طبيعي مع شوية مكملات ووخر عن الهرمونات لانه جسمك يفرزها طبيعي

الله يستر عليك

[بومشكان]

بو مشكان اووووووووووووووف هذي ماعتقد انها الديكا الي في المقطع الاول وش ذا الاجسام مقززه ياخي

هذه هرمونات نمو . يعني زيها زي الديكا وسستا والنبولك الي اخ..............................
والله كلها خطيره وكلها طريق هلاك . خليك علي المكملات وعلي الغذاء السليم ونشاء الله توصل الي في راسك.......... وتحياتي

[خالد قحطان]

طيب يا توتو جده بعد 22 عادي اخذ كورسات ؟

[ابونواف4]

يا أخي العزيز / خالد قحطان ..

رجاء خاص ابتعد عمّا يضرّ صحتك ،

كلّنا نحلم بأجسام جميلة ، ولكن !!

بعيداً عمّا يضرّ الصحّة التي هي تاج على رؤوس الأصحّاء ..


ولا داعي لاستعجال النتائج ،

انتظر فترة حتّى تبلغ عمر الـ 21

ولا تعلم قد تكون وصلت حينها إلى مُبتغاك دون المخاطرة والمجازفة بصحّتك وبالتالي حياتك ..

أتمنّى لك التوفيق والصحّة والسعادة ..

[خالد قحطان]

اشكرك ابو نواف على الرد المثلج للصدر هذا