السلام عليكم
انا لي فتره ادخل هالقسم واستفدت منه اشياء كثير اشكركم جميعا
عالعموم
دخلت شهرين لياقة والان لي شهرين او اكثر حديد لكن احس مافيه تطور في الاوزان بالشكل المطلوب (تطور بطيء جدا) وعندي اليد اليمين اضعف من اليسار خصوصا في رفع الدمبلز
وفيه ناس مسجلين بعدي بفترة لكن صاروا يشيلون اوزان اعلى مني
وزني 82 كيلو طولي 179 سنتمتر وعمري 25 سنة مع العلم اني كنت سمين سابقا ( 102 كيلو قبل خمس سنوات) وفيه ترهلات بسيطة
المطلوب يااخوان ابغى اعرف المكملات المطلوبه ابغى يكون عندي نشاط في اداء التمارين بالاضافة الى تطوير في الاوزان وبروز للعضلات بدون زياده في الفات (اهم شي ماابغى زيادة في الفات)
واكل حوالي ٤ وجبات في اليوم مع تقليل الدهون و اكثر اكلي مسلوق او مشوي
وعندي استفسار : ابي معلومات عن الامنيو وش فايدته؟
ارجو الرد يااخوان صراحة انا متحمس لحد الان مابي الحماس يخف
مع العلم اني اجلس في النادي بعض الاحيان 3 ساعات واتدرب من 4 الى 5 ايام بالاسبوع
اسف على الاطالة وانتظر ردودكم بخصوص المكملات المناسبة لي
