كم هي مدة التنشيف ..؟

[تـائب]

السلام عليكم ورحمة الله وبركاته...

بدخل بالموضوع:

انا والحمدلله بفترة تضخيم واحتمال اسافر ب 1/9/2010..

وحابب اكون منشف شوي على القليلة بس هل الفترة تكفي..؟؟

وحاليا بتمرن 6 ايام في الاسبوع.. ويوم واحد اجازة.. وشادد حيلي على الخصر والبطن.لسه مدهنين.

عندي تقريبا شهرين و20 للسفر وشهرين لرمضان.. يعني في 20 يوم منهم برمضان..

يعني حتى لو ما وصلت ضخامه للي ابغاه. بس لازم اعرف اوقف قبل بكم على شان الحق انشف واقسم.

هذا الي محيرني , ويا ريت الي جرب ينشف هو الي يجاوب وشاكر للجميع..

اخوكم تـــائب

[hamshou]

هلا اخوي تائب...
ممكن تخلي التنشيف لمدة شهر و نص او شهرين حسب الحاجه...

[animetadj]

كل جسم و مدة التي يحتاجها فيه أجسام ممكن 10 ايام كافية و في اجسام 2 شهرين غير كافية

[Yousif Alsaqer]

عزيزي التنشيف ماله مدة .. على حسب الجسم .. في أجسام تنشف على طول
وعلى فكرة هذا يعتمد على بنية الشخص .. إذا كانت بنيتك قوية فـ بتنشف بسرعة
وإذا بنيتك عادية فـ بتاخذ وقت .. المهم أمشي صح وبتطلع صح .. وخل التكرار كثير

[ولد ابوظبي]

مثل ماقالوا الأخوان .. تعتمد على الأجسام من ناحية سرعة الأيض عندك بعد ..

.. يعني تاخذ المكمل القليل من الكارب والكثير من البروتين والجلوتامين ..

تغذيتك تكون مبتعدة عن الدهون وغنيه بالفيتامينات والبروتين ..

.. واسعى فالتمارين .. وركز على البطن اذا تظهره من حيث انك تخليه مرتين فالاسبوع..

وولا ننسى .. المشي او الجري بعد التمرين .. وتزيد كل مره 5 دقايق .. يعني تبدأ من نص ساعه .. وكل يوم تزيد 5 دقايق لين ماتوصل ساعه ..

وشوف هذه الموضوع يهمك

الهدف الحالي + برنامج تمرين ( تنشيف ) + برنامج غذائي + نصائح عامـّـه

.. تحياتي ..

[تـائب]

واو والله ياخد وقت على هالحالة ما اقدر انشف قبل السفر .. يعني اكفي ضخامة افضلي..

شاكر لكم جميعا على ردودكم الطيبة..