هل ينفع آخذ ثلاثة مكملات ؟

[O.M.3]

السلام عليكم

اخبار الوحوش

انا جديد في منتداكم , وابغى أسأل بعض الأسئلة .

------------------------------------------------------------------

انا لي في الحديد 4 سنوات , تقدر تقول ان كل سنة أغيب فيها شهر أو أقل ؟

الحمدلله في تحسن وتغير في جسمي .

بس مو مرة تضخمت .

وانا كلمت الكابتن , قالي :

"مستحييييل عضل بدون بروتين"

الصراحة تحطمت .

بس لما عرفت انه مافي ضرر من البروتينات .

أخذت


v v
قبل سنتين استخدمت Super Amino 2222 وخلصتها .

بعدها سنة ونص , أي قبل 5 شهور , استخدمت ( الدب الروسي 10000 ) مع Amino universal وخلصتها . بس ما حسيت الا فرق في التراي والباي , فرق ضئيل


والحين أنا ابغى أستخدم ثلاثة مكملات , وانا كلمت 2 من الكباتن , قالوا لي : تقدر , وراح يكون أفضل


الي بأستخدمها هي :




مكمل غذائي - Nitro-Tech




و كرياتين - Cell-Tech






و أحماض super amino 4800



فحبيت أقرأ رأيكم ..

هل ينفع ولا ما ينفع , و انا قرأت عن الكيرياتين , انك لازم تاخذه شهر , وتوقف اسبوعين .

وانا اصلا كنت بستخدم why protein + cell-tech

بس واحد قالي:
" لو تاخذ النيتروتك والسيلتك راح يكون افضل , لأنها من شركة واحدة "

وانتظر ردودكم

وشكراً

[kd939]

ممكن تستخدمها ياكابتن سواء
وفعلا السيل تيك مع النترو تيك أفضل لك

[kd939]

فيه نقطه ياكابتن السيل تيك لازم توقفه بعد شهر
أقل شي اسبوعين واحرص على شرب الماء
في فترة استخدام السيل تيك بكميات كبيره

[sami1989]

السيل تيك + النيترو تيك راح يطنك شغل حلو
والامينو ايضا ممتاز جدا

ولافضل النتائج من النيترو والسيل ,, استعملهن اقل شي 8 اسابيع للنتائج

وبسبب الكرياتين كل شهرين استعمال تاخذ شهر راحه وهكذا مع شرب مياه من 5 الى 6 لتر يوميا

ومافي تعارض بين المنتجات وبلتوفيق

(بدون تغذيه ممتازه 5 الى 6 وجبات يوميا ماراح تجيب مكملاتك اي نتيجه )

[O.M.3]

جزاكم الله ألف خير .

الصراحة , اول مرة اشوف رد صاروخ زي كذا .

ماشاء الله , منتدى لا يعلى عليه

بس أبغى الجدول الغذائي ؟

هل اطلبه من الكابتن , أو آخذه من منتداكم ؟

وفقكم الله .

[O.M.3]

وبالنسبة لـ ( شهر رمضان ) , هل هناك جدول خاص .

وطريقة خاصة لأخذ المكملات .

وآخر سؤال , وانا آسف جدا لأني أكثرت عليكم .

( تضخمت من البروتين وطلعلي عضل , وخلص البروتين ) ؟؟

هل يرجع جسمي مثل أول , ولا لازم استمر , لأن الحالة المادية شوي ضئيلة , بس الحمدلله .

[THE CAST]

وبالنسبة لـ ( شهر رمضان ) , هل هناك جدول خاص .
شهر رمضان.طبعا محيكون لعبك مثل باقي الاشهر
يعني حاول فهالفتره تاكل 5وجبات واوزانك ماتكون عاليه ويكون الهدف
المحافظه على المكسب العضلي

وطريقة خاصة لأخذ المكملات .
مثلا مع الاذان: التمر وسكوب الواي بالحليب
وبعد الصلاة تفطر
ولاتنسى فترة السحور تاخذ بروتين بطيء الامتصاص(كازين مثلا)
طبعا لابد من الجلوتامين في رمضان


وآخر سؤال , وانا آسف جدا لأني أكثرت عليكم .

( تضخمت من البروتين وطلعلي عضل , وخلص البروتين ) ؟؟

هل يرجع جسمي مثل أول , ولا لازم استمر , لأن الحالة المادية شوي ضئيلة , بس الحمدلله .
اذا اهتميت بأكلك 6وجباات باليوم وكان اكلك غني بالعناصر الغذائيه خاصة البرويتن
فمحتخسر شي
اما اذا اهملت التغذيه فبتأكيد الكتله العضليه حتصغر نوعاما لانك منت قاعد تعطيها
حاجتها من الغذاء اللازم

موفق باذن الله

[Al3aZeF]

هـذآ آلكـورس بيفقـعك تفقيـع ..
هـذي أفضـل آلمكمـلآت في آلوقـت آلحآلي للعضـل آلصآفــي !
بس لآ تنسـى آلـ 5 - 6 وجبـآت ، وركـز عـلى هآلمأكولآت :
آلتونـآ ، صدر دجآج ، سمك ، لحم ، مكرونيـة ، تونـا ، بيـض ، حليب ، بتر
لآزم توزعهـم أو بعـضهم في نظآمك آلغـذآئـي ..
إذآ آلتزمـت بآلنظآم آلغـذآئي + آلآستعمآل آلصحيح للمكملآت + تركيـز في آلتمـرين + رآحة
رآح تشـوف آلنتـآئج آلي مآ شفتهـآ طول هآلـ 4 سنـين < إن شـآء آلله =)
طبعـاً آستمـر لـمدة شهـرين عـلى هآلمكمـلآت ..
وآلجـدول آلعضـلة مـرة وحـدة لآ تكثـر ،

[O.M.3]

هـذآ آلكـورس بيفقـعك تفقيـع ..
هـذي أفضـل آلمكمـلآت في آلوقـت آلحآلي للعضـل آلصآفــي !
بس لآ تنسـى آلـ 5 - 6 وجبـآت ، وركـز عـلى هآلمأكولآت :
آلتونـآ ، صدر دجآج ، سمك ، لحم ، مكرونيـة ، تونـا ، بيـض ، حليب ، بتر
لآزم توزعهـم أو بعـضهم في نظآمك آلغـذآئـي ..
إذآ آلتزمـت بآلنظآم آلغـذآئي + آلآستعمآل آلصحيح للمكملآت + تركيـز في آلتمـرين + رآحة
رآح تشـوف آلنتـآئج آلي مآ شفتهـآ طول هآلـ 4 سنـين < إن شـآء آلله =)
طبعـاً آستمـر لـمدة شهـرين عـلى هآلمكمـلآت ..
وآلجـدول آلعضـلة مـرة وحـدة لآ تكثـر ،

تسلم والله

بس سؤال عن العضلة الوحدة , ( قصدك في اليوم عضلة )

لأني سألت الكابتن وقلتله ( ابغى اسبوعين "عضلة" واسبوعين "عضلتين" )

قال لي : ينفع , لأن التنويع يفيد العضل ..

فهل هذا صحيح

[بوطالب]

وبالنسبة لـ ( شهر رمضان ) , هل هناك جدول خاص .

وطريقة خاصة لأخذ المكملات .

وآخر سؤال , وانا آسف جدا لأني أكثرت عليكم .

( تضخمت من البروتين وطلعلي عضل , وخلص البروتين ) ؟؟

هل يرجع جسمي مثل أول , ولا لازم استمر , لأن الحالة المادية شوي ضئيلة , بس الحمدلله .

البروتين هو اللي يساعد على بناء العضل مش المكملات. يعني ان استخدمت سكوب بروتين 20 غرام أو استخدمت صدر دجاج 20 غرام = نفس الشي. وان كنت تقدر تشتري ويي بروتين "أرخص" من نايترو تك فأنصحك تاخذ الأرخص. لأن البروتين بروتين وان نايتروا تك أفضل من بروتين ثاني كلام فاضي.

بس واحد قالي:
" لو تاخذ النيتروتك والسيلتك راح يكون افضل , لأنها من شركة واحدة "

طبعا أفضل... بس مب لك, للشركه -_-.. لأن الشركة بتحصل فلوووووووس.
المهم. إن خذت كرياتيين سيل تيك"أو اي كرياتين ثاني جودته زينه" نتيجة النايتروتك أو ويي بروتين بتكون 100% نفس الشي.

نايترو تيك = 45 دولار ل56 سكوب
ويي بروتين = 43 دولار ل73 سكوب

وفي النهايه "كل واحد على راحته شو يبا ياخذ".

[sami1989]

اخوي بو طالب السيل تيك من افضل انواع الكرياتين الصافي وهو افضل من الكرياتين العادي المونيهدرات او غير نوع ,,,,

وبلنسبه للنيترو تيك ايضا ممتاز لكن مايعطيك نفس النتيجه الي مكتوبه عل علبه

لكن البروتينات تختلف عن بعضه في نوعيه جيده وفي العكس

وفي نقطه ثانيه احب اوضحه ,,

البروتين هو فقط عامل مساعد للاكل , يعني اذا كان اكلك 3 وجبات بليوم وتاخذ 4 سكوبات بروتين ماراح ينفعك بشي ومافي مقارنه بين 20 جرام بروتين صدور دجاج و 20 جرام واي بروتين ؟ اذا كان اكلك معدله 60 % المكمل يعطيك 10% او 20 % اضافه اذا كان 70 % يعطيك اكثر شويه وهكذا ,, غير كذا مستحيل الواحد يكدر يعتمد عل بروتين الصناعي لانه بدون تغذيه ماراح ينفع ولا جرام

[بوطالب]

اخوي بو طالب السيل تيك من افضل انواع الكرياتين الصافي وهو افضل من الكرياتين العادي المونيهدرات او غير نوع ,,,,

صحيح ان جودته جيده لكن أفضل من المونوهايدريت الصافي من أي ناحيه؟ من ناحية الجوده يمكن"يعني نظيف و مفحوص إلخ". بس النتائج 100% متساوية لأن في حد لتشبع مخازن العضلات بالكرياتين مايمكن تعديه إن كان الكرياتين مونوهايدريت و أو إيثيل إيستر أو أي نوع ثاني"وهذا الحد تقدر توصله بأي نوع من الكرياتين". والبحوث اللي أجريت عن الكرياتين أغلبها إن ماكان كلها كانت بإستخدام المونوهايدريت مب الإيستر أو غيره.

وبلنسبه للنيترو تيك ايضا ممتاز لكن مايعطيك نفس النتيجه الي مكتوبه عل علبه

لكن البروتينات تختلف عن بعضه في نوعيه جيده وفي العكس

صحيح انه جودته جيده لكن هل راح يفرق إذا استخدم 30g Optimum Whey protein أو 30g Nitro tech protein ? وإن كنت تعتقد انه بيعطي نتايج أفضل ممكن أي بحث يدعم هذا الكلام؟

وفي نقطه ثانيه احب اوضحه ,,

البروتين هو فقط عامل مساعد للاكل , يعني اذا كان اكلك 3 وجبات بليوم وتاخذ 4 سكوبات بروتين ماراح ينفعك بشي ومافي مقارنه بين 20 جرام بروتين صدور دجاج و 20 جرام واي بروتين ؟ اذا كان اكلك معدله 60 % المكمل يعطيك 10% او 20 % اضافه اذا كان 70 % يعطيك اكثر شويه وهكذا ,, غير كذا مستحيل الواحد يكدر يعتمد عل بروتين الصناعي لانه بدون تغذيه ماراح ينفع ولا جرام

ممتاز كلامك. وهذا اللي كنت اقوله للأخ. لانه قال "لو خلص عني البروتين" فأنا وضحتله إنه حتى بدون مكملات يقدر يحصل بروتين من خلال صدور الدجاج و إلخ..

أصلا حتا لو ما استخدم أي مكملات , لو نقول الأخ جدوله 30% بروتين 50% كارب 20%دهن.
إذا كان يقدر يوصل لهذي الأعداد بدون مكملات . النتيجه ما بتفرق.

[sami1989]

اي كلنه نعرف البروتين انواع وفيهن مختلطات وفيهن صافي كامثال الواي بروتين جولد مصل الحليب

او مثلا في مكملات زيادة الوزن تلكه البروتينات مخلوطه وليس نوع واحد وهكذا


وبلنسبه للسيل تيك في اشياء كثيره بجانب انواع من الكرياتين+ كارب + فيتامينات + احماض امينيه + معادن وشفلات ثانيه ايضا يعني شي طبيعي رح يكون ممتاز

[بوطالب]

اي كلنه نعرف البروتين انواع وفيهن مختلطات وفيهن صافي كامثال الواي بروتين جولد مصل الحليب

وانت ما تعرف ان النايترو تك مكونه الأساسي ويي بروتين ؟

"كلنه نعرف" هذا احسن بحث الإنسان يقدر يدعم به كلامه.

السيل تيك من افضل انواع الكرياتين الصافي وهو افضل من الكرياتين العادي المونيهدرات او غير نوع ,,,,

وموضوع الكرياتين كنا نتكلم عن الكرياتين وانت قلت ان كرياتين السيل تيك أفضل عن الكرياتين المونوهايدريت . من أي ناحيه أفضل ممكن تخبرني ؟


في ناس تقول العيش الأبيض يمتن و في ناس تقول البروتين أكثر من غرام/باوند خطر وفي وفي وفي ولو مشينا على "كلنه نعرف" بدون بحوث تدعم الكلام يكون كله كلام باطل.

وأنا مستعد أجيبلك أي بحث تطلبه يقارن بين أنواع البروتينات و أنواع الكرياتين.