هل لعب الحديد يؤثر على سرعتي ولياقتي في كرة القدم ام يحسن منهما

[شنبات]

السلام عليكم ورحمة الله وبركاته

كيفكم ياشباب اولا يسرني اني اكون احد اعضاء هذا المنتدى الرائع

ثانيا ارجو المساعده

انا ياشباب عمري 23 ولاعب كرة قدم لكن انا محتار في شي قبل ماألعب حديد طبع انا امتاز بالسرعه في كرة القدم والحمد لله وقولووا ماشاء الله لان العين تجي من دون قصد

فالسؤال:- هل لعب الحديد يؤثر على سرعتي ولياقتي في كرة القدم ام يحسن منهما ام تبقى على حالهما ؟ ماتحته خط يهمني كثير ياشباب

ملاحظة:::- انا سوف العب حديد بدون اي مكملات فقط نظام غذائي

واحد يريحني بالأجابه الله يريحكم دنيا واخره

مشكوور على المساعده مقدما

[شلال الحزن]

اذا تبغا جسم لاعب صح ما ينفع الكوره معاها
لكن ممكن تقوي الافخاذ عندك لانها عضله كبيره وتنفع في الشوت على الباب ....
وبالتوفيق لك

[THE CAST]

السلام عليكم ورحمة الله وبركاته
وعليكم السلام ورحمة الله وبركاته
كيفكم ياشباب اولا يسرني اني اكون احد اعضاء هذا المنتدى الرائع
حياك الله
ثانيا ارجو المساعده

انا ياشباب عمري 23 ولاعب كرة قدم لكن انا محتار في شي قبل ماألعب حديد طبع انا امتاز بالسرعه في كرة القدم والحمد لله وقولووا ماشاء الله لان العين تجي من دون قصد

فالسؤال:- هل لعب الحديد يؤثر على سرعتي ولياقتي في كرة القدم ام يحسن منهما ام تبقى على حالهما ؟ ماتحته خط يهمني كثير ياشباب
اذا كنت تبغا ضخامة عالية فاكيد راح تتاثر سرعتك
اما اذا تبغا تلعب للشد والتعضيل البسيط فماراح تتاثر باذن الله
ملاحظة:::- انا سوف العب حديد بدون اي مكملات فقط نظام غذائي
لكن لابد توفر لجسمك كلفة احتياجاته
واحد يريحني بالأجابه الله يريحكم دنيا واخره

مشكوور على المساعده مقدما

موفق باذن الله

[A L P A C I N O]

حبيت اقول ركز على رد شلال الحزن

فعلاً لاعب كرة القدم محتاج عضلات فخذ وساق اقوى من عضلات الصدر والجزء العلوي بشكل عام

راح تساعدك في زياده السرعه والمراوغه لأنك راح تحركها اكثر من اول بدون ماتحس بتعب في العضله لأنها قويه وانت معودها على التحمل

[madridi 9]

وعليكم السلام والرحمه .

بالعكس اخوي . لو تلاحظ بولت بطل العالم 100 متر ولاعبين العاب القوة والسرعة وبعض لاعبين القدم يعتبرالحديد شي اساسي عندهم لانهم يقــوي ويكبر بـطه الرجل ويقوي استحمالهم ويقوي الشــوت . بس مو كل يوم تقريبا 3 او 4 ايام بالاسبوع يتمرنون

ولا تنسـى الركض على الرمل واهي نفس الحديد تقريبا لانها من اقوى الرياضات واكثرها تعبا من قوتها

حيــاك

[MOOKA]

اخوي اانا استغرب من اللي يقولن نفس كلامك
ياخي اذا انت من متابعين الكوره ( وهذا اكيد ) شوف اغلب اللعيبه شوف اجسامهم ( كل لعيبه العالم ما عاد العرب )
وشوف الضخامه المتوسطه اللي تفيده مثال عندك كرستيانو عندك لامبارد لعيبه اجسامهم خرافيه
واعتقد الواحد يبيله فتره مو قصيره يوصل لمستوياتهم في الضخامه طبعا والاكيد انها مو ماثره على مستوياتهم
بالعكس مساعدهم من ناحيه القوه الجسمانيه في الاحتكاكات وغيرها
بعطيك مثال على الضخامه اللي ما تفيد اللاعب ( احمد الصويلح لاعب الهلال )
كمان لاعب الارجواي اذا تابعت المباراة اليوم لاعب محور ضخم وضخامته ماثره على سرعته وحركته
وعندك يانكبو لاعب نيجيريا وايفرتون الانجليزي ضخامه فقط للاحتكاكات قوي لكن سرعه ومرونه ما عندك احد
على العموم حبيت بس اوضح الفكره بالامثله
وبالناسبه لي الحمد لله العب كوره والعب حديد والسرعه مثل ما هي
وفيه افضليه بالنسبه للقوة الجسمانيه وتحمل العضله والشوت .......
نقطه اخيره
طبعا اعطي العضله حقها اذا بتضخم وقلل من لعب الكوره الى ان توصل المستوى الي تبيه
وبعدها ارجع للكوره وركز على التغذيه لا تهملها