بسم الله الرحمن الرحيم
السلام عليكم
طبعا في البداية بذكر معلومات عن نفسي
العمر : 21 سنة ونص
الطول : 165
الوزن : 62
نسبة الدهون بالجسم : 18%
طبعا الوزن مثالي بالنسبة للطول ..
بس نسبة الدهون تحتاج تخفيض إلى ما بين 8 - 11 %
هذا هو هدفي .. مع بناء بسيط للعضلات ..
جسمي عادي مع تركز الدهون في الخواصر و البطن و قليل بالصدر .. وهذي هي المناطق اللي أبي أتخلص من الدهون فيها ..
أطمح إلى جسم يكون ما بين ( الفتنس الرياضي ) و ( الفرنسي )
يعني نسبة دهون مثل الفرنسي بس تكون العضلات أخف شوي ..
حاليا أتدرب بالنادي يوميا .. كارديو نصف ساعة كل يوم .. 10 دقائق قبل التمرين و 20 دقيقة بعد التمرين ..
وحديد كل يوم .. بهالتفاصيل ..
اليوم الأول : صدر وباي
الثاني : ظهر و تراي
الثالث : أكتاف
الرابع : أرجل
و تمارين البطن يوم أتمرن واللي بعده راحة ..
بالنسبة للأكل ..
دخلت النادي قبل أسبوع .. وقبل أسبوع بدأت نظام الغذاء التالي
أول أسبوع : بروتين + خضرة ورقية
ثاني أسبوع : بروتين + خضرة ورقية + كربوهيدرات قليلة الـ Glycemic index
ثالث أسبوع : بروتين + خضرة ورقية + كربوهيدرات عالية الـ Glycemic index
بعد هالثلاث أسابيع راح أبدأ برنامج آخر ولكن مشابه .. حيث يكون الأسبوع فيه كالتالي
أول يومين : مثل الأسبوع رقم 1 ( بروتين + خضرة ورقية )
اليوم الثالث والرابع : مثل الأسبوع رقم 2
اليوم الخامس والسادس : مثل الأسبوع رقم 3
اليوم السابع : يوم مفتوح أتناول فيه أي شيء أرغب فيه
حاليا أنا في المرحلة الأولى وانتهيت من الأسبوع الأول .. وبكرة الخميس أبدأ بالأسبوع الثاني ..
خلصنا الغذاء و التمرين ..
نجي للمكملات الغذائية ..
قبل سنتين تدربت بالنادي لمدة شهرين .. الشهر الأول بدول مكملات ..
والشهر الثاني أستخدمت Serious mass ..
لاقيت نتائج جيدة في زيادة الكتلة العضلية بمقدار بسيط .. لكن دهون البطن زادت قليل عن اللي كانت .. وطبعا هذا كان عكس هدفي ..
الآن قضيت أسبوع فقط من رجعت للنادي .. وبدأت في تطبيق النظام الصحي اللي ذكرته لكم بالأعلى .. و أفكر أستخدم مكملات .. بس مو قادر أعرف ويش اللي لازم أستخدمه ..
هل أستخدم serious mass مرة ثانية ؟ ..
أو أستخدم الـ Whey protein .. ؟
وهل تنصحوني أستخدم الليبو 6 للدهون مثلا ؟ لأني أفكر فيه جديا هو الآخر ..
وعلى فكرة .. المدرب بالنادي نصحني بالتالي :
Whey protein
Amino
multi vitamine
glutamine
اللي مخلني أتردد أمشي على نصيحته .. أنه ما يعرف كل هالتفاصيل اللي ذكرتها لكم بالأعلى
كل اللي سمعه مني إن هدفي أزيل دهون البطن والخواصر .. وعلى طول قال لي .. الغذاء كل اللي تبيه .. بس بعد صلاة المغرب لا تقرب الكربوهيدرات وخلك على المشاوي والسلطة .. وإذا تبي مكملات أستخدم كيت وكيت ( الأربعة المذكورين بالأعلى ) ..
أدري إني ثقّلت عليكم كثير .. بس حسيت أن التفاصيل مهمة في مثل هالأمور ..
وأتمنى تردون عليّ وما تخيبوني ..
المشاركة الأصلية كتبت بواسطة المايسترو99
