والدتي تريد استخدام الليبو6 x فماهو رايكم؟؟

[amh85]

السلام عليكم ورحمة الله وبركاته
عافاكم الله يا أحلى اعضاء وابي الفزعه والنصيحه

والدتي العزيزه حابه استخدام الليبو6 x
العمر:45
الوزن:96
الصحه : جيده ولله الحمد ولا يوجد بيها اي مشاكل
فماهو رأيكم ....

[J.SILVER]

يوجد هالمنتجين
Lipo 6 Hers
Lipo 6 Black Hers

منتجات الليبو هذي مخصصة للنساء.

وعسى الله يحفظها ويخليها لكم ويكسبكم رضاها ..

[nassernasser123]

اخوي تبي الصراحه والا الواقع ... انا بقولك الصراحه
انا جربت الليبو 6 مو اللي في بالك في التنشيف يعني تخيل انا خلصت علبه كامله مع كارديو مع نظام غذائي دايت ونزلت 3 كيلو بشهر هال 3 كيلو من غير ليبو على النظام وعلى الكارديو ينزلون .. ولكن ارق واكتآب وعصبيه و الله يحفظ والدتك ويبعد عنها كل مكروه ويحفظ الجميع ... نصيحتي خلها على نظام غذائي دايت وتبعد عن الدهون والكاربوهيدرات وتوخر عن العيوش والكبسات وتاكل فواكه وخضراوات ومشويات ومشي افضل

[مغترب اماراتي]

عسى الله يحفظلك امك ويرزقك برها
غالي اتمنى تبعد عن الليبو سواء له مميزات او العكس لكن اقترح عليك اذا حصلت صعوبه في عمل رجيم انها تتابع من د نترشين وبيجب معها نتيجه وخبروني انهم فتحو فرع في جده اذا حاب ادلك ع افضل الدكاتره عندهم ما عندي مانع وانشالله توصل الوالده للوزن المطلوب

[فال الخير]

اخوي اي منتج رياااضي سواء بروتين او امينو او كريااتين او منتجات التنشيف لااااااااااا تصلح الا مع التمرين وبدون التمرين هي مضرة

الله يحفظ لك واالدتك بس نصيحة لوجه الله اطلب الله عن هالمنتجات لان الليبو 6 ممكن يأثر على دقات القلب...وحتى الليبو 6 النساائي مصنووع للنساء الرياضيات واللي يلعبن حديد وممكن يأثر عليهن..


يعني اي شيئ بالدنيا لو فيه خطر على والدتي بنسبة 1% والله مااقرب له ...



اتمنى ان المعلومة وصلت.........تقبل مروري

[ابو مهاا]

اخوي تبي الصراحه والا الواقع ... انا بقولك الصراحه
انا جربت الليبو 6 مو اللي في بالك في التنشيف يعني تخيل انا خلصت علبه كامله مع كارديو مع نظام غذائي دايت ونزلت 3 كيلو بشهر هال 3 كيلو من غير ليبو على النظام وعلى الكارديو ينزلون .. ولكن ارق واكتآب وعصبيه و الله يحفظ والدتك ويبعد عنها كل مكروه ويحفظ الجميع ... نصيحتي خلها على نظام غذائي دايت وتبعد عن الدهون والكاربوهيدرات وتوخر عن العيوش والكبسات وتاكل فواكه وخضراوات ومشويات ومشي افضل

انا جربته وخلصت علبتين وانا اقولها بالفم المليان يمكن فادني بنسبه 15% فقط او اقل لانه بذلت مجهود وقلت خل اخلصه بس ناصر تتذكر لما قلت لك كنت استخدم هيدرو كسيد كت الشراب فعلا قوي بعلبه وحده ماشاء الله نزلني تقريبا 9 كيلوو ولله وحش الهدرو كسيد وبالتوفيق يا شباب

[ابو مهاا]

بعدين مشكله الامهات الله يعافيهم طايحين بالعيوش والكبسات اوك هذي يمكن نتغاضا عنها الادهى من هذا حلو القهوه ههههههههههه والحلويات والمكسرات يا جماعه ماضنتني يصلح رجيم لكن يالله اهم شي العزيمه وبالتوفيق لك وانصحك لا تخليها تستخدم هل منتجات نهائيا وفي مراكز صحيه متخصصه مثلا دايت سنتر او اي مركز عندهم حبوب اعشاب او مادري شنو ومعاها نظام غذائي انصحك انك توديها له او انك تتبع دايت بروحه بدون شي وبالتوفيق

[THE CAST]

السلام عليكم ورحمة الله وبركاته
عافاكم الله يا أحلى اعضاء وابي الفزعه والنصيحه

والدتي العزيزه حابه استخدام الليبو6 x
العمر:45
الوزن:96
الصحه : جيده ولله الحمد ولا يوجد بيها اي مشاكل
فماهو رأيكم ....

وعليكم السلام ورحمة الله وبركاته
بالنسبه لوالدتك الله يحفظها لك
ماينفع تستخدمه بدون رياضه خاصة الكارديو

رايي
تلتزم بدايت صحي مناسب لها يكون افضل مع مشي كل يوم ساعة
وشرب كمية ماء جيده

رزقك الله برها ورضاها

[ولد ابوظبي]

.. الشباب ماقصروا .. نظام دايت وآلة مشي وسيكل ..

ومن باجر .. يوم بتاخذ الوالده للجمعيه .. خذلها لفه على المنتجات اللي اقل دهن .. تونا بالماء ووزبادي وحليب كله قليل الدسم .. والخضره والفواكه .. الخ

الله يحفظها لك

[الرمـادي]

السلام عليكم

هذا النوع من الليبو 6 مخصص للنساء، وميزته انه الوحدة ما تحتاج لمجهود بدني عكس الليبو 6 العادي والبلاك المخصص للنساء ايضاً

استخدامه آمن، وسهل، ويكون كحد أقصى 8 أسابيع فقط، ثمة راحة تنظيف شهر ثم العودة من جديد في حال الحاجة.

[dhoom550]

هلابك اخوي
اول شي الله يحفظ والدتك ويعطيها الصحه والعافيه والله يخليها لكم ويخليكم لها

الليبو6 منتج ممتاز وانا مجربه ونزلت معه خلال شهر 10 كيلو بعلبه واحده بس كنت ماسك معه دايت وكنت العب حديد معه
وفيه ليبو6 مخصص للنساء بس ما اردي عن فعاليته بس اتوقع انه للنساء الي يمارسون الرياضه

وفيه عياده انا جربتها من قبل والحمد لله نزلت خلال شهرين 18 كيلو بدون الليبو6 كان برنامج غذائي خااااص
انا اشوف من وجهت نظري خل امك تروح للعياده وتنزل وزنها من هناك لان الزم ما عليك صحه الوالده

[scaryface]

السلام عليكم ورحمة الله وبركاته
عافاكم الله يا أحلى اعضاء وابي الفزعه والنصيحه

والدتي العزيزه حابه استخدام الليبو6 x
العمر:45
الوزن:96
الصحه : جيده ولله الحمد ولا يوجد بيها اي مشاكل
فماهو رأيكم ....

اعتقد انه لو تحدثت عن هذا الامر معا طبيب لرفض كليا

وثاني شي بعد الاربعين تصبح امراض القلب شائعة ولا ننسى انه ليبو 6 يسبب زيادة بضغط الدم ويمكن تسبب مشاكل لها لو سمح الله

الحل انه تتبع نظام غذائي جيد معا مشي نص ساعة
والله يحفظها ويطول بعمرها

[بعارين]

خلها تبعد عنه مادام عمرها 45

[sami1989]

اتفق مع كلام اخوي scaryface

اولا اساس التخسيس هو الكارديو والتغذيه الصحيه

يعني اذا ماتلعب رياضه ماراح تستفاد منه ولا شي

وثانيا العمر ايضا ! استشيروا طبيب افضل

والله اعلم

[amh85]

اشكر الجميع على تفاعلهم
ودعوه صادقه من القلب
مااعرف كيف اوفي حقكم......
وراح اعمل بنصيحتكم وعلى الله انها تقتنع