ما أدري وش رآح أسوي في رمضان, جدولي راح يخترب !

[Mr.Hemo]

السلام عليكم أخواني ,,

أنا ساكن حالياُ في بريطانيا, ومثل ما أنتم عارفين رمضان جاي على الأبواب .. وصراحه متخووف كثير ومدري شلون راح يكون جدولي في هالشهر !

النوادي هنا حدها 10 الليل وهي مقفله, وطبعاً ماعندهم شيء اسمه رمضان وراح نزيد الوقت .. لأ ماعليهم منك !
آذان المغرب عندنا الساعه 8:43 ويبدأ ينزل تدريجياً لين يوصل 7:37 على آخر رمضان,
فما في وقت أبد, على بال الواحد مايفطر ويصلي إلى الساعه واصله 9:30 !
فمو مستاهله أروح النادي ربع ساعه .. لأني ماراح أقعد لين 10 بالضبط, الساعه 10 النادي مقفل يعني قبلها لازم تكون طآلع .

آذان الفجر 2:54 ويزيد تدريجياً لين يوصل 4:25 على آخر رمضان,
النادي حقي يفتح على الساعه 7 الصباح .. فجاء على بالي أتسحر وأشرب بروتيني وعلى الساعه 7 الصباح أروح النادي وإذا رجعت نمت,
الحل هذا راح يكون أفضل من إني أروح النادي قبل الفطور يعني على الساعه 3:30 وبطني فآضي ومافيه شيء .. وأرجع تعبآن والفطور أشرب بروتيني !

فما أدري وش رأيكم ؟ .. وهل في جدول مناسب لحالتي, مع العلم إني داخل النادي للضخامه وزيادة الوزن والحمد لله ماشي كويس لكن خوفي في رمضان يرووح كل شيء !

شاكر لكم تعاونكم واعذروني على الإطاله وقصة حياتي الطوويله !

[قووي مره]

و عليكم السلام و رحمه الله و بركاته

انا رايي ما تهلك نفسك و خل هالشهر راحه خصوصا ان كنت مستمر بدون انقطاع من فتره طويله
و حرام تهلك نفسك بدون مويه كل هالمده !! خصوصا انك ما تحضر لبطوله و لا شي من هالقبيل !!
اذا مره متأزم الوضع .. اسأل بموقع بدي بيلدنق عن نادي يتأخر ما يقفل .. و اتوقع بالفنادق ممكن يأخرون الوقت !!
بالتوفيق و عقبال ما تتمرن بديرتك ان شاء الله

[animetadj]

انصحك يا أخي ان تتمرن على قبل الفطور لمدة 45 دقيقة و ثلاث ايام في الأسبوع كافية في الشهر الفضيل
اي التمرن برتم خفيف
وهذا ما ساقوم به ان
و هذا الريتم سيساعدك خاصة ان كنت في فترة التنشــيف
ولا تنسى انه شهر عبادة فعليك ان تركز على الصلاة و العبادة اكثر ...
بالتوفيـــــــــــــــــــــــق

[Mr.Hemo]

أشكركم على نصائحكم, لكن أنا ودي أحافظ على العضله .. يعني شهر كامل راحه العضله راح ترخي وشغلي كله راح يروح ع الفاضي !

الفنادق قليل تلقى وإذا لقيت رآح يكون سعرها نآآآآآآآآآآآآآآآآآآآر !

التمرين قبل الفطور هل هو أفضل من التمرين على الساعه 7 الصباح وأنا متسحر وشارب بروتيني ؟
> يعني جسمي راح يكون أفضل إستعداد وكمية طاقه من إني أتمرن قبل الفطور .. ولا وش رأيكم ؟

[محمد المدني 1]

الله يبلغنا وإياك رمضان

أخوي جرب وشوف إنك تتمرن بعد ماتتسحر يعني عالساعه 7 مثل ماتقول

وخليها ثلاث ايام بالاسبوع لكن لو حسيت انها اثرت على عبادتك وقف

وربي يوفقك

[Mr.Hemo]

إن كان فيه مزيد من الآراء ياليت ماتبخلون علينا ,, !
ومشكورين على تعاونكم .

[firefoxx]

راي انك تتدرب قبل الفطور وتكون التدريبات اخف يعني 3 جلسات بدل 4 جلسات لان بعد السحور صحيح انك راح تكون مرتاح بس ماراح تضخم بلعكس راح تنقص لان معدل الحرق يزداد بعد الحديد ويحتاج اكل كل 3 ساعات وادا ماحصلت مااكلت راح ينقص من العضل اخي الكريم نصيحه مني للك انك تقلب اليل نهار والنهار لليل يعني تتفطر 8:40 وبعدها كل ساعتين وجبه الين ماتوصل الى ادان الفجر وتكون وجبات فيها كارب متوسط وبروتين عالي

[ابوناشي]

أخوي أنا نفسك بالضبط ونفس الأوقات تقريبا
الي خططت له كالآتي :

١- أفطر وأتسحر وأصلي الفجر وأدقها نومه إلى قبل أذان المغرب بـ ساعتين
٢- أصحى وأروح أتمرن في هالساعتين بعد ما أخلص بيكون دخل وقت الأذان
٣- أفطر وآخذ بروتيني واتسحر وأدقها نومه لين نفس الشي قبل الفطور بساعتين وأتمرن

وعلى هالرذم .. أتمنى الحل يكون مناسب وبالتوفيق لكل المغتربين

[Mohammed AlS]

نفس المشكلة و التوقيت قريب من توقيتك

١- أفطر وأتسحر وأصلي الفجر وأدقها نومه إلى قبل أذان المغرب بـ ساعتين
٢- أصحى وأروح أتمرن في هالساعتين بعد ما أخلص بيكون دخل وقت الأذان
٣- أفطر وآخذ بروتيني واتسحر وأدقها نومه لين نفس الشي قبل الفطور بساعتين وأتمرن

نسيت هم التعبد و الدراسه :S

انا النادي يفتح الساعة 5 الفجر
شكلي بتسحر و اروح له

الله يعين

[ولد ابوظبي]

.. في وجهة نظري .. هذه الحل المثالي

.. افطر فطور خفيف مع سكوبين بروتين

.. وبعد 40 دقيقه اتمرن

خلص تمرينك قبل صلاة العشاء تقريبا على الساعه 9:10
و سكوبين بروتين ..

روح للصلاة والتراويح .. ورد كل مشوي .. تونة .. مصدر بروتيني .. وعلى السحور سكوبين بروتين

حط في بالك انك راح تتمرن كل يوم عضله وحده .. 4 5 تمارين وتكون 3 جولات ..

حتى انك تلحق على الصـلاه وماتتجاوز اكثر عن ساعه فالصـاله

تحيــــاتي .. واتمنى اني قد افدتك

[ابوناشي]

نفس المشكلة و التوقيت قريب من توقيتك



نسيت هم التعبد و الدراسه :S

انا النادي يفتح الساعة 5 الفجر
شكلي بتسحر و اروح له

الله يعين

بالنسبه لل دراسه الآن اجازه الصيف الين سبتمبر
والتعبد أكيد ياخوي بيكون قيام الليل وبعده صلاه الفجر
وكل صلاه ان شاء الله بوقتها