شرايكم بالجدول فيه خطا ؟
السلام عليكم ورحمه الله وبركاته
اولا شي طبعا اشكر هالمنتدى الرائع صراحه والي بمجرد اني اقعد اقرى حسيت بالفائده
وربي يعطيكم الف الف عافيه
اخواني انا مشكلتي مشكله ههههه
القصه كما يلي : قبل شهر دخلت هالمنتدى الرائع لاول مره ولفت انتباهي منتدى كمال الاجسام فبديت اقرى فيه وعجبتني الفكره ..!!
السبب طبعا ان عمري 20 سنه
طولي 169 << ادري قصير خخخ
وزني 52 ..!!
يعني احتاج ازيد وزني 10 على الاقل..
وطبعا انا طالب فماعندي شي اسوي فسجلت بجم وسويت لي جدول وبديت صار لي شهر
الجدول كالتالي:
صدر وباي
ظهر وتراي
كتف ورجل
والبطن اسويه يوميا
وبعدها يوم راحه
شرايكم بالجدول فيه خطا ؟
المكملات
رحت gnc ونصحني بهالمكمل وخذته
اسمه
hyperbolic mass gainer
calories 950
protein 50g
صار لي استخدمه شهر وزدت بس كيلو واحد يعني وزني صار 53 هل هذا طبيعي ولا ؟
آخذ سكوبين بعد التمرين وسكوبين قبل النوم .. طبعا + 3 وجبات يوميا وبين الوجبات فواكه وخفايف
واحد بالجم امريكي نصحني ب بروتين اسمه سيريس ماس ؟ شرايكم شباب اغير ولا استمر عليه لان ماعرف في هالاشياء .. فيكم الخير والبركه
....
ثانيا رمضان ..!!
كل عام ونتوا بخير اولا..عسآنا من عايدينه ان شاء الله
طبعا قريت مواضيع كثيره في المنتدى وماحصلت صراحه الي يناسبني لان اكثر المواضيع تتكلم عن التخسيس وإزاله الدهون
ومثل مانتوا شايفين انا العكس هههه احتاج زياده وزن
فهل الجدول نفسه مايتغير ؟
ومتى يكون التمرين قبل الفطور ولا بعده ؟
ومتى آخذ البروتين بعد الفطور وقبل النوم ؟ ولا لكم كلام ثاني انتوا افهم يالربع
..
اسمحولي على الاطاله بس والله ان هالاساله تدور في راسي وابي لها إجابه
مابغي اتمرن من غير هدف لاني ابي ازيد وزني باسرع وقت ممكن
ويعطيكم الف الف عافيه ماقصرتوا يالربع
وعتبروني مثل اخوكم الصغير بالمنتدى
تحيآتي
المشاركة الأصلية كتبت بواسطة طالب بامريكا
