سوال ؟ اذا ضخمت جسمي اقدر احوله من ضخامه اللي جسم فرنسي من خلال تخسسيس وتصغير العضله

[ميكانيكي اصلي]

السلام عليكم ورحمة الله وبركاته

مبروك عليكم الشهر جميعا

ومساء الخير للاعضاء الوحوش والمبدعين بالقسم من خلال مواضيعهم ونصايحهم ومشكورين ويعطيكم الف الف عاافيه

لي 4 ايام اقرا المواضيع وبالقسم واستفدة بصراحه من كل النواحي وحبيت استشيركم

اول شي : انا طولي 168 سم و وزني 51 كيلو

انا دخلت كذا نادي ومالقيت المدرب بصراحه اللي يوجهني صح ولا اللي يفيدني وهذي شغله اكيد مرت عليكم لان اكثر المدربين مشغولين بتصريف البضايع اللي عندهم << دخل موضوع ثاني

المهم انا ضعيف ضعيف وابي اضخم جسمي بغيت نصايح للجداول لان المدرب لعبني
اول يوم : تراي وبيطان
ثاني يوم : اكتاف ومثلثات
ثالث يوم : صدر وباي
رابع يوم : تراي وبيطان
خامس يوم : اكتاف ومثلثات
سادس يوم : صدر وباي
سابع يوم : راحه

طبعا مثل منتم شايفين يلعب العضله مرتين بالاسبوع وماللعبني رجول ولا معده

سوال ؟ اذا ضخمت جسمي اقدر احوله من ضخامه اللي جسم فرنسي من خلال تخسسيس وتصغير العضله

وبغيت اسال عن المكملات لان المدرب شغله حار بحار ينصحني بكورسات بس مالك امل

نصحوني شباب ببروتين سوبر قنر فيو وامينو 2400 قالوا لان يبيلك زياد وزن اول شي بعدين قصص على كيفك

وان شاء الله منتم مقصرين .. ونتظر النصايح منكم

واتمنى اني ما طولت عليكم

[THE CAST]

السلام عليكم ورحمة الله وبركاته
وعليكم السلام ورحمة الله وبركاته
مبروك عليكم الشهر جميعا
ومساء الخير للاعضاء الوحوش والمبدعين بالقسم من خلال مواضيعهم ونصايحهم ومشكورين ويعطيكم الف الف عاافيه
الله يعافيك
لي 4 ايام اقرا المواضيع وبالقسم واستفدة بصراحه من كل النواحي وحبيت استشيركم
اول شي : انا طولي 168 سم و وزني 51 كيلو
انا دخلت كذا نادي ومالقيت المدرب بصراحه اللي يوجهني صح ولا اللي يفيدني وهذي شغله اكيد مرت عليكم لان اكثر المدربين مشغولين بتصريف البضايع اللي عندهم << دخل موضوع ثاني
المهم انا ضعيف ضعيف وابي اضخم جسمي بغيت نصايح للجداول لان المدرب لعبني
اول يوم : تراي وبيطان
ثاني يوم : اكتاف ومثلثات
ثالث يوم : صدر وباي
رابع يوم : تراي وبيطان
خامس يوم : اكتاف ومثلثات
سادس يوم : صدر وباي
سابع يوم : راحه
اذا توك بادي باللعبه المفروض يدخلك شامل بعدين يدخلك على الجداول
عموما جدولك الافضل تغيره الى.......
اول يوم/صدر+ سواعد + بطن
الثاني/ظهروقطنيه + رست
الثالث/اكتاف وترابيس + بطن
الرابع/ راحه
الخامس/باي + تراي + بطن
السادس/ارجل كاملة
السابع /راحه
طبعا مثل منتم شايفين يلعب العضله مرتين بالاسبوع وماللعبني رجول ولا معده
لابد تلعب كل عضلات الجسم
سوال ؟ اذا ضخمت جسمي اقدر احوله من ضخامه اللي جسم فرنسي من خلال تخسسيس وتصغير العضله
تقدر نعم
وبغيت اسال عن المكملات لان المدرب شغله حار بحار ينصحني بكورسات بس مالك امل
نصحوني شباب ببروتين سوبر قنر فيو وامينو 2400 قالوا لان يبيلك زياد وزن اول شي بعدين قصص على كيفك
المكملات
انا جربت السوبربروغينرفيول وممتاز صراحه + الامينو4800
وانصحك فيهم
واذا مالقيته خذ سيرياس ماس
وان شاء الله منتم مقصرين .. ونتظر النصايح منكم

واتمنى اني ما طولت عليكم

اي استفسار حاضرين



موفق باذن الله

[THE CAST]

نسيت اوضحلك
انت قلت نصحوك الشباب ب سوبرغينرفيول انا اقلك لاتاخذه خذ سوبر برو غينر فيول
لان الشركه لها منتجين متشابيهن والفرق بكلمة برو فانتبه
وهذي صوره


والمنتج تقييمه اعلى من سيرياس ماس..

[ميكانيكي اصلي]

يعطيك العافيه ماقصرت . اي هذا شكل البروتين

بس اذا تقدر تفيدني اكثر بالمكملات الغذائية

بس مثل ما قالت لك انا ضعيف حيل وبنيت جسمي صغيره بعد

يعني في شي اقدر اخذه غير البروتين هذا والامينو 4800

لان جتني نصايح عن حبوب بلودان يقولون انها تكبر العظام وحبوب محفزة قروث

يالليت تفيداني اخوي كسات وباقي الاعضاء

[THE CAST]

يعطيك العافيه ماقصرت . اي هذا شكل البروتين
بس اذا تقدر تفيدني اكثر بالمكملات الغذائية
بس مثل ما قالت لك انا ضعيف حيل وبنيت جسمي صغيره بعد

يعني في شي اقدر اخذه غير البروتين هذا والامينو 4800
تقدرتضيف منتج بور(اكسباند اكستريم بمب او سوبرتشارج) ..هذا بالنسه للبروتين والاحماض والبور
لان جتني نصايح عن حبوب بلودان يقولون انها تكبر العظام وحبوب محفزة قروث
الابلودان فاشل وعن تجربة اكثر من عضو
والمحفزات ماينصح بها لمن تحت ال21 فان كان عمرك مناسب خذ
انيمال ام ستاك أو جي اتش ماكس...
يالليت تفيداني اخوي كسات وباقي الاعضاء

يعني يصير كورسك تقريبا
السوبربروغينر فيول + امينو 4800+ منتج باور+ المحفز
اجله لبعد رمضان
...
والاهم من ذا كله...النظام الغذائي لو تغذيتك ضعيفه ماراح تستفيد شي من المكملات
لذلك خذ هالجدول من اعدادي مسبقا ونفع مع اكثر من لاعب
..
مع اذان المغرب:5-7حبات تمر+ كاس لبن كامل الدسم + كاس ماء
بعد الصلاة
الفطور:نصف دجاجه مشويه + ارز او معكونه + سلطة

بعد ثلاث ساعات
صحن معكونه كبير + علبة تونه
وبعد ساعه توجه للنادي

اول وجبة بعد التمرين
سمك فيليه قطعه كبيره او نصف دجاجه + رغيف او ارز+ سلطة

بعد ثلاث ساعات(السحور)
لبن زبادي كامل الدسم + 5بياض بيض مسلوق + رغيف بر+ اجبان

طبعا عدد الوجبات الفعليه 4 والكميات تنقص اوتزيد حسب حاجتك
لان في رمضان صعب نوفر الوقت لست وجبات..

هذا بالنسبه لرمضان اما بعده اذا الله احيانا

فاتبع الاتي

وجبة1 / شوفان بالحليب +3بياض بيض مسلوق +كاس حليب كامل الدسم
وجبة2 / فواكه منوعة مع شرب كوب لبن كامل الدسم
وجبة3/ نصف دجاجة مشوية +صحن ارزكبير + سلطة خضراء منوعة
وجبة4(قبل التمرين بساعتين)/ صحن كبيرمكرونة مسلوقة +علبة تونا
وجبة 5/ صدرين دجاج او علبة تونة كبيرة اوفيليه سمك + سلطة خضراء + رغيف او ارز
وجبة6/ 4 بياض بيض + كاس لبن او حليب كامل الدسم + رغيف ابيض+ جبن مع زيت زيتون

واعيد مره اخرى التغذيه اولا ثم المكملات



موفق باذن الله

[ميكانيكي اصلي]

لا انا عمري توه 20 , كلها سنه ان شاء الله وناخذ المحفز

يعطيك العافيه يا كابتن ما قصرت

وان شاء الله بنمشي على توجيهاتك