سؤال بخصوص البروتينات المصاحبه للكورسات

[أبوعيشه]

السلام عليكم ورحمة الله وبركاته

كيفكم أخوتي بخير بشروني عنكم وشهر مبارك إن شاء الله

أخوتي الموضوع واضح من عنوانه عن المكلات التي تستخدم مع كورسات الهرمون لأن المدرب نصحني بالـcell tech والـanapolec10000 والكورس راح يكون بعد رمضان إن شاء الله
وأنا ودي بالـprocomlex العادي طبعاً

وياليت تشرفوني بأقتراحاتكم وأرائكم

[ابو مهاا]

بالنسبه للمكملات الي تختص بالهرمونات انا مالي علم فيها لكن حسب ماعرفه انه تزيد بالمكملات لأقصى جرعه ممكن بالسيرفنغ تبعه مثلا الوي بروتين اقصى حد ممكن توصل له حسب المنتج 6 سكوبات الغالب الناس 3-4
كذلك الامينو والاكل ووقت التمرين يكون اطول وأقسى عشان تحصل على اعلى نتيجه وهل شي من تجربه مع محفزات فقط بأتوقع نفس الفكره
عموما المكملات الي حطيتها ممتازه ومافضل تستخدم سيل تك وبالنسبه للكرياتيين الي بعد التمرين مالي علم بأفضلها الى اعرفه بس سل تك
وانصحك تكتب عمرك وطولك ووزنك ونسبه الفات كذلك فتره ممارستك للعبه و تذكر لنا كورسك بالكامل الي بتدش فيه
عشان الابطال مايقصرون معاك موفق يالغالي والله يستر عليك وان شاء الله كورسك مايجيك منه الضرر

[أبوعيشه]

طولي :172
وزني :81
نسبة الدهون 24%
عمري : 18
مدة التمرين :سنه ونص
الكورس ديكا بس بأسأل المدرب وأعطيكم خبر

[أبوعيشه]

ألــــــــــــــــــــــــــــوه وين طحاطيح المنتدى وين كبار كمال ألأجسام أبوراشد ذا كاست مناداة الليل ذي روك .............إلخ وينهم وينهم عن مواضيعي

[sami1989]

اخي ! انتبه كورس هرمونات لعمرك ماينفع ! انت تعرض نفسك للخطر اقل من 21 سنه ماينفع سبق وذكرنه السبب علشان تكتمل هرموناتك في الجسم وهذا شي يحدث تحت ال21 سنه للبلوغ التام ! لاتعرض هرموناتك للاختلال وبلتالي سلبياته ماراح تكون كد تحمله ! نصيحه لله المدربين كلهم غرضهم الفلوس مايهمهم العمر او المضهر ال الكان يعطو

[Leaner]

اتفق مع كلام سامي ، بعدك صغير ع الهرمونات

[بعارين]

اخوي نفس ما قالك سامي ماينفع هرمون بهذا عمرك وديكا مره وحدة من اول كورس؟؟!!!
وبعدين ماينفع ديكا لحالها لازم معاها تيستيرون
مرة ثانيه لو تبي كورس منشطات اسال بالمنتدى وفكك من الكابتن لان شكله مايفهم كويس

[THE CAST]

ألــــــــــــــــــــــــــــوه وين طحاطيح المنتدى وين كبار كمال ألأجسام أبوراشد ذا كاست
لكثرة المواضيع ماشالله ماانتبهت لموضوعك
مناداة الليل ذي روك .............إلخ وينهم وينهم عن مواضيعي

سلتك + انابوليك كورس مركب غلط....

بعدين بخصوص الكورس الهرموني , اخوي اسمع كلام اخوانك هنا ومثل ماقلك سامي
ماتؤخذ الهرمونات الا لمن فوق ال21 كحد ادنى والي ياخذها يكون له باع طويل في اللعبه
ومدربك اسمحلي ماهمه الا جيبه وهذا حال اغلب الكباتن
...
وواضح من كلامك ان هدفك تنشيف ..؟

اتمنى تحديد هدفك لاجل احددلك المكملات المناسبه

[أبوعيشه]

هدفي ضخامه يا أخوتي
وبعدين خلاص أنا أشتريت الكورس ماباقي ألى يصلني بس والكورس هو : ديكا برابولان برومو

[بعارين]

انت تودي نفسك لتهلكة بيدك؟؟؟؟بنقولك كورسك غلط انت ليش ماتسمع النصيحة

[haai]

لاحول ولاقوة إلا بالله..
الحين الشباب ينصحونك ويحذرونك من الاضرار اللي تبي تشوفها لو استخدمت هذا الكورس
وانت ضارب بنصيحتهم عرض الحائط.! وتقول وين الشباب عن مواضيعي..
ليش يدخلون مواضيعك ويكلفون على انفسهم وانت بالاخير ماتقيم لهم ادنى اعتبار..
على العموم..ماراح يخسر ويندم إلا انت...راجع نفسك قبل لاتقدم على خطوة تضيع عمرك وراها..
اليوم النصيحة ببلاش...بكرا بتخسرك نفسك وتدفع ماوراك ودونك علشان تعالج نفسك.
خذ النصحية الآن بما انها ببلاش و وفر على نفسك تعب ومال بسبب هذي المنتجات.

[ابو مهاا]

المشكله تدرون شنو نقوله مضره يقول شريتها وطلبتها وخلاص
هههههه حتى لو شريتها !! قطها بالزباله ولا بيعها لأحد يعني خلاص اشتريتها لازم تدخلها بجسمك
حبيبي الأخوان نصحوك وكابتن سامي له خبره بالكورسات االهرمون وعطاك من الاخر
الله يهديك بس

[فاضي بقوة]

اقول شكلك بصاله فليكس بالدمام ^_^

هناك اي واحد ياخذ كورس

[آبو رآشـد]

من يوم ما ذكرت سل تك وانابوليك وعرفت ان مدربك احمق وانت ما رحت بعيد عنة لانك تدمر جسمك


المنتدى لا يشجع صغار السن على اخذ المنشطات .

يغلق الموضوع