بليز ساعدوني ادش الصالة ولا بس اركض

[عاشقـــHBK]

سلام عليكم

شخباركم

بغيت مساعدتكم انا لاعب تكواندو و وزني شوية زايد وابغي انزل

وقلت حق مدرب التكواندو اني افكر ادخل صالة حديد و قال ما ينفع ... انا قبل كنت متين ووزني كان ١١٠ و نزلت لين ٨٨ لكن في شحوم ف الصدر و الافخاذ

يعني ممكن ادش صالة حديد بنفعني ولا ??

المدرب قالي اركض

بليز ساعدوني ادش الصالة ولا بس اركض

[حمووودي7]

اعتقد اخوي تمارين التخسيس مفيده لك والسير كمان تمام تاخذ لك 45 دقيقه فيه وتقسمها مشي وجري وهروله والسيكل مفيد للفخوذ
الحديد مفيد بس اوزان خفيفه وتكثر عدات التمرين نستنى باقي الاعضاء الخبراء يردون عليك

[mr.911]

اخوي دام انك سمين ليش داخل لعبة التايكواندو انه كنت لاعب تايكواندو سابق اترك عنك التايكواندو ودش جودو تنفع لوزنك وتحرق فيها واجد استمر ودش حديد بعدها نشف وانشالله راح تكون اوك

[عاشقـــHBK]

انا مب سمين لدرجة قبل كنت ف الكيك بوكسينغ و الحين كواندو لانة قريب من بيتي احب اللعبة

وانا اشوف عمري زين بس لازم اضعف علشان ازيد المرونة و السرعة و اذا انا ما انفع ترا المدرب بيشوف و بيقوول

[حمووودي7]

اخوي اذا كنت فوق سن 21 تقدر تاخذ حوارق مثل الاوكسي اليت او ليبو6 او انيمال كتس مع الدايت والمشي وتشوف الفرق بأذن الله
(خذلك فره على قسم القوانين عشان ماينحذف موضوعك)

[عاشقـــHBK]

اخوي شو هي الحوارق ومن وين اخذهم وكيف طريقة الاستعمال افيدني اخووي والله يجازيك خير

[THE CAST]

وعليكم السلام
مثل ماقلك الاخ حمود....خذلك حارق دهون اسمه اوكسي اليت لكن لابد تكون فوق ال18
وتلقاه بقسم البيع

تحياتي

[عشقي حديد]

استخدم حارق دهون مثل ماذكرو الشباب وتمرن ونظم اكلك ووخلي جدولك يوم حديد ويوم سويدي يعني

السبت:صدر وباي و 35 دقيقه مشي سريع وهروله
الاحد: سويدي ومشي على السير 30 دقيقه
الاثنين:ظهر وتراي ومشي 35 دقيقه
الثلاثاء:سويدي ومشي على السير 30 دقيقه
الاربعاء اكتاف وارجل
الخميس سباحه وساونا
الجمعه راحه
انصحك بالنسبه للتمرين بالاوزان العضلات الكبيره 5 تمارين بـ 4 جلسات 15-12-12-10
العضلات الصغيره اربعة تمارين 12-12 -10-10
الاكل زود البروتين والدهون حاول ماتاخذ الاملعقة شاي صغيره الصبح زيت زيتون مع الفطور (مع السلطه....) والكرب خليه خفيف وحبوب كاامله(شوفان -دقيق اسمر-رز بني..) وقسم اكلك لـ5وجبات وخلي الكرب يكون قبل التمرين،،وعليك بالصبر

[عاشقـــHBK]

اخوي انا اقصد اذا دخلت صالة حديد بيفيدني في المرونة للتايكواندو ولا ماينفع