كم المده اللي احتاجها عشان اشد جسمي واستبدل الترهلات بالـ 6 باك ؟

[Lawyer 1]

-



السلام عليكم ورحمة الله وبركاته


عندي كم استفسار ودي اسأل عنها .. بحثت بالنت وطحت بمنتداكم ..
انبهرت بالمواضيع والمشاركات والخبرات الموجوده هنا ما شاء الله .. وسجلت على طول

وتفيدونا مثل غيرنا ان شاء الله


انا قبل فتره كان وزني 74 وطولي بين الـ 171 والـ 172
نزلت تقريبا 14 كيلو .. نزلتها من نفسي دون ما ادخل نادي ولا شي ..

وزني الحين 60 كيلو
طبعا جسمي الحين يعتبر نحيف .. ومترهل حبتين بعد الوزن اللي نزل .. لأني خسرت وزن بدون رياضه
عشان كذا قررت ادخل نادي اشد جسمي واستبدل الترهلات بالـ 6 باك ..
سجلت بنادي وقت اللياقه وراح ابدا فيه بعد فتره قريبه ان شاء الله ..

الاشياء اللي حاب اسألكم عنها ..
كم المده اللي احتاجها عشان اشد جسمي واستبدل الترهلات بالـ 6 باك ؟ .. ثلاث شهور كافيه ؟
المكملات الغذائيه اللي الناس تتكلم عنها واشوف المواضيع هنا بكثره عنها .. وش سالفتها ؟ .. وهل هي ضروريه مره ؟ .. ووش تنصحون للي بمثل حالتي ؟
التمارين اللي اركز عليها ؟ .. الاكل اللي احرص عليه ؟


يا ليت تفيدونا الله يجعله بموازين حسناتكم ..


-

[الشينوبي]

والله يا اخوي انتظر الكباتن ودور في المواضيع المميزة راح تسستفيد عشان توسع معرفتك باللعبة واحتياجاتها

[THh Rock]

السلام عليكم ورحمة الله وبركاته
وعليكم السلام ورحمة الله وبركاته

عندي كم استفسار ودي اسأل عنها .. بحثت بالنت وطحت بمنتداكم ..
انبهرت بالمواضيع والمشاركات والخبرات الموجوده هنا ما شاء الله .. وسجلت على طول

وتفيدونا مثل غيرنا ان شاء الله


انا قبل فتره كان وزني 74 وطولي بين الـ 171 والـ 172
نزلت تقريبا 14 كيلو .. نزلتها من نفسي دون ما ادخل نادي ولا شي ..

وزني الحين 60 كيلو
ماشاء الله تمام
طبعا جسمي الحين يعتبر نحيف .. ومترهل حبتين بعد الوزن اللي نزل .. لأني خسرت وزن بدون رياضه
عشان كذا قررت ادخل نادي اشد جسمي واستبدل الترهلات بالـ 6 باك ..
سجلت بنادي وقت اللياقه وراح ابدا فيه بعد فتره قريبه ان شاء الله ..

الاشياء اللي حاب اسألكم عنها ..
كم المده اللي احتاجها عشان اشد جسمي واستبدل الترهلات بالـ 6 باك ؟ .. ثلاث شهور كافيه ؟
اخوي لازم تاخذ فكره انو الحديد لا بنيت جسمك فيه لازم تستمر وتواصل علشان تحافظ عليه اما لو تمرنت فتره وقطعت بيرجع كله مثل ما كان واسوا
المكملات الغذائيه اللي الناس تتكلم عنها واشوف المواضيع هنا بكثره عنها .. وش سالفتها ؟ .. وهل هي ضروريه مره ؟ .. ووش تنصحون للي بمثل حالتي ؟
ضروريه لان لاعب كمال الاجسام يحتاج لنسبه عاليه من البروتينات والمكملات الثانيه علشان كذا الانسان الي اكلوا قليل وما يقدر ياكل كميه عاليه من البروتينات والفيتامينات لازم يدخل معه المكملات الغذائيه
التمارين اللي اركز عليها ؟ .. الاكل اللي احرص عليه ؟
ركز على كل العضلات واهم شي تركيزك بالوزن مو مهم حجم الوزن المهم تركيزك فيه
وجدولك كالتالي
صدر وباي وبطن
ظهر وترابيس
كتف وتراي وبطن
ارجل وبطات وسواعد
والاكل :
ركز على الاكل الصحي الخالي الفات وقليل الكارب
واهم شي الكاربوهيدرات لا تاكلها بعد التمرين او قريب من النوم علشان لا تتحول عندك دهون
وركز بعد التمرين على التونه والخضار والفواكه


يا ليت تفيدونا الله يجعله بموازين حسناتكم ..
وبالتوفيق وشد حيلك

[Lawyer 1]

-


الله يعطيكم العافيه
وبـ انتظار اراء باقي الاخوان ..


-

[Lawyer 1]

-


يا ليت تفيدونا باللي تعرفونه يا شباب .. وخصوصا ابو راشد وباقي الكباتن
ما نستغني عن خبراتكم ..

-

[Leaner]

ماقصر اخوي the rock

وعملية استبدال الترهلات بالعضلات عموما تختلف من شخص الى شخص حسب نسبة الدهون في الجسم ونوعية الجسم نفسها*

بالتوفيق

[ابو مهاا]

أخوي انت تبي تلعب حديد ولا بس تبي 6 باك شنو موضوعك !! وضح لنا عشان نفيدك وكم عمرك؟

[Lawyer 1]

^

هدفي جسم فرنسي ما اطمح للتضخيم .. وعمري 20 ونص

[Lawyer 1]

-


يعطيكم العافيه ..