مساعده في ال (phosphage) و ال(بروكمبليكس )

[mashkalgy]

السلام عليكم

في عندي استفسار واتمنى انكم تساعدني

انا سألت ناس عن بروتين لزياده الوزن ونصحوني ب(بروكمبليكس ) ومعاه (امينو 10000) قالولي انهم بيعطو مفعول سريع
وفي ناس نصحوني ب(phosphage) مع ال(بروكمبليكس ) بدل الا(الامينو )

وجبت ال(phosphage) مع ال(بروكمبليكس ) بس مو عارف من متى ابدء استخدمهم هل لازم بعد فتره من التدريب ولا عادي ابدء استخدمهم من اول يوم وكم الكمية الي اخذها

اتمنى انكم تساعدوني
وشكرا مقدما

[الرمـادي]

هلا بمشكلجي التقليد والله اليوم كنت اذكر الريال إلا انت طلعت

المهم phosphage منتج كرياتين ومختلف تماماً عن الأمينو



الأمينو شي اساسي مع البروتين عكس الكرياتين.

البروكوبلكس تستخدمة ثلاث مرات في اليوم اسكوب كل جرعة الصبح وبعد التمرين وقبل النوم وحتى في ايام الراحة.

الأمينو 10000 ايام التمرين 6 قبل التمرين و 6 بعد التمرين، وايام الراحة توزع 4 الصبح و 4 المساء و 4 بعد وجبة العشاء.

ولو بغيت تجرب بالكرياتين يكون بمعدل خمس جرام مع ماء بعد التمرين. وفي الخمس الايام الأولى فترة تحميل يكون بأربع جرعات الصبح والعصر وبعد التمرين وبالليل. مثلاً
.

[mashkalgy]

هلا فيك يالغالي

واشكرك على اهتمامك وردك السريع

بس بالنسبه للphosphage ابدله ب امينو ولا استخدمه عادي مع البروكبليكس

اشكرك مره ثانيه على الافاده

[الرمـادي]

في حال انك متمرس في اللعبة او لعبت لاكثر من شهرين،

استخدم الأثنين، الكرياتيين يكون بعد التمرين، وراح يعطيك قوة وضخامة عضلية صحيح نسبة كبيرة تكون ماء بس راح يزيد من قوة العضل عندك، ولازم تستهلك كمية كبيرة من الماء في اليوم.

والامينو شي اساسي لو تبغي تبني عضل، مثل الطابوق في البناء، وعدم استخدامه يعني ضعف في عملية البناء. ولو ما تبغي تستخدم الاثنين يفضل استخدام الامينو.

كورسك بيكون أمينو مع بروكوبلكس و الكرياتيين. والثلاث كفاية لك إن شاء الله.

[mashkalgy]

حياك الله اخي الرمادي
انا ابي ازيد وزني
وزني 53
وطولي 177
وابي نوعيه للزيادة الوزن وانا شريت البروكمبليكس والكرياتين فبس ابي اعرف اذا هذول الاثنين اح يعطوني مفعول قوي وزياده في الوزن ولا لا

واذا كان الامينو بينفع اكثر عشان ابدل الكرياتين واجيب امينو 10000

مع العلم اني لسه مبتدء باللعبه وابي ازيد من وزني

واسف على الاطاله والازعاج

[الرمـادي]

Optimum Pro Complex Gainer إذا هو الي تقصده راح يزيد وزنك اكيد بس لازم تكون تتغذى بشكل جيد,

ولو كان بس Optimum Pro Complex هذا فقط لبناء العضلات بدون زيادة كبيرة في الوزن. تقدر تقول عضل صافي.

الكرياتيين راح يزيد من وزنك في الاسبوع الاول لانه يحبس ماء ومو معناته انك ما تستفيد ، على العكس العضلات عندك راح تكون اقوى ومعدل الرفع للاوزان عندك راح يرتفع مع الوقت.

بس مثل ما قلت لك الأمينو شي اساسي، انا انصحك إما بـ أنابولك أيمينو 10.000 أو أمينو تاك من شركة يونيفرسل.

الثلاث منتجات مع بعض راح تشوف نتائج ممتازة. إن شاء الله.

وحياك الله اي وقت ،، واحنا في الخدمة

[mashkalgy]

تسلم على المجهودك الرائع
انا اللي عندي Optimum Pro Complex Gainer

راح استخدمه اول شي مع الكرياتين وان شاء الله بعد شهر تقريبا اجيب الامينو واقطع الكرياتين ولا انت شرايك

[الرمـادي]

بعد زين،

مدام انت عندك المنتج استخدمه خلاص وشي ضروري توقف الكرياتين بعد فترة،

والأمينو جيبه الشهر القادم..

بالتوفيق يا بطل وفي انتظار نتائجك.

[THE CAST]

ماقصرالرمادي جزاه الله خير
والبروكمبلكس غينر ممتازجدا وافضل من سيرياس ماس
والباقي مثل ماقلك اخوي

بالتوفيق

[mashkalgy]

عشت ياغالي وعسا الله يوفقك