العب ضخامه ولدي بعض الاستفسارت

[أعذب كلام]

السلام عليكم
باختصار شديد انا طولي 180 ووزني 75 العب برنامج ضخامه واستخدم المكملات التاليه
1- بروتين واي من جي ان سي
2- سوب امينو 10000
3- جلوتامين
4- نو اكسبلود
هل هذي المكملات تنفعني ولا لا ..؟
وبخصوص جدولي..........
اليوم الاول صدر5 تمارين وسواعد 3تمارين
اليوم الثاني بيطان5تمارين والقطنيه تمرينين
اليوم الثالث راااااااااااااااااحه
اليوم الرابع اكتفاف 5تمارين ومثلثات وسواعد 3تمارين
اليوم الخامس باي وتراي4تمارين كل منهما وقطنيه ومعده تمرينين
اليوم السادس رااااااااااااااحه
هل جدولي صحيح ...............؟ وبخصوص عدد التمارين هل هي صحيحه ولا لا......؟
واستفسار عن نو اكسبلود هل يجب التوقف عنه بعد فتره مثل الكرياتين ولا لا ؟
وجدولي الغذائي ولله الحمد جيد ومنتظم بعض الشي بحيث احتاج 3350 سعره حراريه ومقسمها
50%كارب 30%بروتين 20%دهون هل تغذيتي صحيحه ولا لا .............؟

واريد ردود اهل الخبره في هذا المنتدى المحترم وشاكرلكم

[THh Rock]

السلام عليكم
وعليكم السلام
باختصار شديد انا طولي 180 ووزني 75 العب برنامج ضخامه واستخدم المكملات التاليه
1- بروتين واي من جي ان سي
2- سوب امينو 10000
3- جلوتامين
4- نو اكسبلود
هل هذي المكملات تنفعني ولا لا ..؟
المكملات تنفعك بس تزيدك عضل صافي الافضل لو بدلت الواي الى بروتين جينر
وبخصوص جدولي..........
اليوم الاول صدر5 تمارين وسواعد 3تمارين
اليوم الثاني بيطان5تمارين والقطنيه تمرينين
اليوم الثالث راااااااااااااااااحه
اليوم الرابع اكتفاف 5تمارين ومثلثات وسواعد 3تمارين
اليوم الخامس باي وتراي4تمارين كل منهما وقطنيه ومعده تمرينين
اليوم السادس رااااااااااااااحه
هل جدولي صحيح ...............؟
وين الظهر !!!!!
وبخصوص عدد التمارين هل هي صحيحه ولا لا......؟
عدد التمارين تختلف ولازم تغير في كل مره مره 5 تمارين ومره 6 وبعدين ترجع 4 لاتمشي على روتين واحد واهتم بالتشكيل بالتمارين
واستفسار عن نو اكسبلود هل يجب التوقف عنه بعد فتره مثل الكرياتين ولا لا ؟
اصلا هو منتج كرياتيني استخدمه شهر وريح اسبوعيين
وجدولي الغذائي ولله الحمد جيد ومنتظم بعض الشي بحيث احتاج 3350 سعره حراريه ومقسمها
50%كارب 30%بروتين 20%دهون هل تغذيتي صحيحه ولا لا .............؟
ماشاء الله 100% ولا تنسى اهتم فقط بالدهون الصحيه

واريد ردود اهل الخبره في هذا المنتدى المحترم وشاكرلكم

[آمير المشآعر]

اييد كلام اخوي THh Rock وانت ماشي في السليم وضيف نصائح الاخ روك


لكن لو ترفع نسبة البروتين لـ 40 % والدهون 10 % انا اشوف انها افضل ،، وبالتـوووفيـــق

[ابو ذراع]

كابتن احمد الاخوان الكويتيين يقولون للظهر بيطان لذلك الظهر موجود بالجدول

[أعذب كلام]

مشكور اخوي ذا روك وكلام اخوي بو ذراع صحيح البيطان هو الظهر

[أعذب كلام]

وانا سالت عن عدد التمارين الضخامه قالوا احسن شي 3تمارين واذا كثرت 4 والتكرارات تكون 8 6 4
الصراحه احس انها شوي وهذا الي خلاني احتار
وبخصوص نو اكسبلود ناس قالوا في هذا المنتدى انه مو كرياتين واخذه لين تخلص العلبه والعلبه كبيره تكفي الى اكثر من شهرين
وناس قالو كرياتين اخذه شهر وريح اسبوعين وهذا الي خلاني بعد احتار
وبالنسبه الى بروتين قينر يعطي فات كثير وانا عندي شوي فات في البطن واخاف انه يزيده ويجي علي عكسي
وبرتين الي عندي من جي ان سي باقي شوي ويخلص وش تنصحوني فيه بدال الجي ان سي وانا سمعت انه مو قوي مع انه نفع وياي واستفدت منه بس ودي اغير يمكن يكون فيه شي احسن منه
ومشكورين

[نايف؟]

شوف ياخوي استبدل الواي بالدب الروسي الامريكي من موقع بودي بلدينج اشتريه .
وبالنسبة للنواكسبلود استخدمه فقط لمدة شهر بع الفطور وقبل النوم
وجرب الامينو فيول من شركة بودي بلدينج الامريكية ممتاز لانه مع مكوناته نسبة بروتين تصل 5 جرام ومخلوط معاة نسبة بروتين ميجا ماس في التابليت اي الحبوب
واشوف انا ان الجلوتامين ممتاز قبل وبعد التمرين لمدة شهر ووقف شهر وارجع استخدم شي اخر لان الجسم يكون متعود ع الجلوتامين

وبالنسبة للتمارين مثل ما قال الاخ نوع في التمارين واقل شي في العدد للضخامة 6 عدات كافية مع زيادة الاوزان وتقليل المجموعات مع التركيز ع التمرين
وبالنسبة للتنشيف تزيد ر عدد التكرارات وتزود العدات من 8 الى 12 عدة
رأي الشخصي واحترامي للجميع

[themaddemon]

لا تاخد اي ويت قينر خاصة اذا انت من النوع الي يسمن بسرعة لانه يزيد وزن بدهون كثير بسبب كثرة السكريات فيه و اعتمد على اكلك بس بحيث تزيد 500كالوري بالتدريج على سعراتك الحرارية الي تستخدمها عشان الحفاظ على الوزن.

ثانياً الاكسبلود يحتوي على كرياتين لاكن غير كافي جداً وتحتاج كمية اكبر عشان التضخيم و مشروبات الي قبل التمرين كلها الكرياتين فيها قليل وهي عبارة عن خلطة تخليك تعدي التمرين باكبر اداء ممكن فقط لاغير... اشتري كرياتين مونوهيدرات واتبع احد الطريقتين المذكورة في http://www.montada.com/showthread.ph...139&highlight=

[أعذب كلام]

وين الردود يا شباب وابي ردك وتعليقك يابو راشد

[أعذب كلام]

ثانياً الاكسبلود يحتوي على كرياتين لاكن غير كافي جداً وتحتاج كمية اكبر عشان التضخيم و مشروبات الي قبل التمرين كلها الكرياتين فيها قليل وهي عبارة عن خلطة تخليك تعدي التمرين باكبر اداء ممكن فقط لاغير... اشتري كرياتين مونوهيدرات واتبع احد الطريقتين المذكورة في http://www.montada.com/showthread.ph...139&highlight=

قصدك استعمل نو اكسبلود وكرياتين بنفس الوقت !!!!!