كتفي الجانبي الايمن اعرض من الايسر بفرق واضح فما هوه الحل؟!

[حميد الشيبه]

السلام عليكم ورحمة الله وبركاته

قبل فتره كتبت لكم استفسار عن كتفي
انه كتفي الايمن الجانبي اعرض من الايسر بفرق واضح
يعني عرض المنكبين

وهذا الفرق يزيد لانه كتفي اليسار ما يزيد حجمه الجانبي
والصراحه بديت اكره اللعبه لانه الفرق واضح جدا
يعني تقريبا عرض صبعين ونص
وحاولت اني اركز ع اليسار اكثر وماشي فايده
حتى يوم امسك مكان العضله تكون يابسه وصلبه كثير
والاوزان نفس الي اشله ع اليسار اشله ف اليمين

فماعرف هل هوه ظمور ف العضله وكيف علاجه
مع العلم اني جربت تمارين السوبر لاسبوع كامل وماشي فرق


هل يوجد حقن او اي شي لمعالجه هذه الحاله
وفي واحد قالي اظرب سيناثول (الموضعي)

واترك الاجابه لاصحاب الخبره

وشكرااااا

[.hamad.]

والله ياحميد شكلك ناوي على نفسك ...

اخوي السيناثول ماخذه حد ونجى من عواقبه ...

اكتب في اليوتيب سيناثول وشوف البلاوي

[حميد الشيبه]

والله ياحميد شكلك ناوي على نفسك ...

اخوي السيناثول ماخذه حد ونجى من عواقبه ...

اكتب في اليوتيب سيناثول وشوف البلاوي

هلا اخوي حمد

هوه في واحد قالي اظرب وانا ما بظرب شي اله وانا اعرف سلبياته وايجابياته
اذا ما حصلت حل ما يكون عندي غير السيناثول وطبعا لين الحين ما افكر اني اخذه بسبب سلبياته
او اني ما اتمرن اكتاف جانبي ابدا

بس والله نفسيتي ظعيفه لاني الفتره الماضيه كنت احاول اقلص الفرق بس ماشي فايده
والفرق يزيد اكثر بين فتره وفتره لانه الكتف الايسر ما يستجيب ابدا

ومشكور ع المرور اخوي حمد

[.hamad.]

جبتلك هاذي الصور عشان تشوف السيناثول وش نتايجه وبالله عليك هذا منظر عضلات ؟؟

[comp29]

جعله الله في ميزان حسناتك اخوي حمد
قواك الله

[حميد الشيبه]

مشكور اخوي حمد ع الصور
طبعا انا استفسر اذا شي طريقه غير السيناثول
السيناثول كان اقتراح واحد من الاخوه الي ف الجم وانا عارضته
لاكن ابا اي شي علشان العضله تستجيب وتكبر
لانه تقريبا من يوم دخلت الجم كتفي اليسار ظخم لاكن العضله الجانبيه ماشي فيها اي تغير

ونشوف راي الخبراء الباقين
وشكرا

[Azo0oz88]

اخوي حميد .. لاتدقق وكلها مسالة نفسية صدقني انا احيانا الاحظ اليسار اعرض من اليمين شي بسيط بس الناس يعارضون .. ف الواحد مايدقق ويمشي حالة بس العب كتف كاااااامل والعب تضخيم 10 ثم 8 ثم 6 عدات مع زيادة الوزن غير كذا انا عندي الباي اليسار اضخم شوي من اليمين بشكل واضح .. والاحظ جسمي اليسار اضخم من اليمين بشكل غير ملحوظ (مع التدقيق ) مع ان القوة واحدة نفس الشي في الجهتين .. بس انا كلمت الكابتن واقنعني لمن وراني الباي عنده نفس اللي عندي لازم تكون جهة اكبر من الاخرى بس بشكل بسيط .. ولاتشيل هم امر عادي جدا وتمرن اكتاف جانبي وامامي وخلفي وترابيس يعني غطي الكتف بالكامل .. بالتوفيق ان شاء الله

[حميد الشيبه]

اخوي حميد .. لاتدقق وكلها مسالة نفسية صدقني انا احيانا الاحظ اليسار اعرض من اليمين شي بسيط بس الناس يعارضون .. ف الواحد مايدقق ويمشي حالة بس العب كتف كاااااامل والعب تضخيم 10 ثم 8 ثم 6 عدات مع زيادة الوزن غير كذا انا عندي الباي اليسار اضخم شوي من اليمين بشكل واضح .. والاحظ جسمي اليسار اضخم من اليمين بشكل غير ملحوظ (مع التدقيق ) مع ان القوة واحدة نفس الشي في الجهتين .. بس انا كلمت الكابتن واقنعني لمن وراني الباي عنده نفس اللي عندي لازم تكون جهة اكبر من الاخرى بس بشكل بسيط .. ولاتشيل هم امر عادي جدا وتمرن اكتاف جانبي وامامي وخلفي وترابيس يعني غطي الكتف بالكامل .. بالتوفيق ان شاء الله

مشكور اخوي ع النصايح
بس الفرق عندي مب ثابت
يعني كتفي اليمين الجانبي اوكي يكبر حجمه مع التمرين ولاحظت الفرق
اما كتفي اليسار الجانبي ف حجمه ثابت وما يزيد
والحين الفرق واضح جدا
ابا تمرين او اي شي يساعد على نمو العضلات الظعيفه او الي ما تكبر ابدا
حتى احيانا بعد التمرين كتفي اليسار يعورني ويكون شااد اما اليمين ف عادي ما احس فيه

وتحياااااااااتي

[OBLIVION MAN]

ابعد عن حقن العظلة يكفي الصور اللي حطها حمد اتوقع انك لازم تشوف طبيب مختص وهوا يفهمك اكثر عن السبب

[حميد الشيبه]

مشكور ع المرور اخوي
OBLIVION MAN

وانتظر راي باقي الوحووش لاني لين الحين ما حصلت الاجابه الشافيه

وشكراا

[THE CAST]

وعليكم السلام

كلام الوحش حمد صحيح

ولايوجد شخص عظلاته متناسقه الحجم والمظهر100% حتى لاعبو اولمبيا لوتدقق تلاحظ فرق بسيط جدا

وانا عندي الباي الايمن الزاويه السفليه بارزة عكس اليسرى
كذلك الاكتاف فيها اختلاف...ولوتلاحظ فجسم اي شخص حتلاحظ فرق في جميع عظلاته تقريبا

وهذي االاختلافات امر طبيعي ولاتدقق


اما سالفة السينثول ...ابعد عن الشر وارفسه موتغنيله

حاول تمرن الكتف مرتين في الاسبوع
السبت اربع تمارين وتمرينين يوم الاربعاء طبعا نسق ذلك في جدولك
ومرن كلا العظلتين بنفس الوزن والنمط


وتذكر لايوجد انسان كامل


بالتوفيق

[scaryface]

السلام عليكم ورحمة الله وبركاته

قبل فتره كتبت لكم استفسار عن كتفي
انه كتفي الايمن الجانبي اعرض من الايسر بفرق واضح
يعني عرض المنكبين

وهذا الفرق يزيد لانه كتفي اليسار ما يزيد حجمه الجانبي
والصراحه بديت اكره اللعبه لانه الفرق واضح جدا
يعني تقريبا عرض صبعين ونص
وحاولت اني اركز ع اليسار اكثر وماشي فايده
حتى يوم امسك مكان العضله تكون يابسه وصلبه كثير
والاوزان نفس الي اشله ع اليسار اشله ف اليمين

فماعرف هل هوه ظمور ف العضله وكيف علاجه
مع العلم اني جربت تمارين السوبر لاسبوع كامل وماشي فرق


هل يوجد حقن او اي شي لمعالجه هذه الحاله
وفي واحد قالي اظرب سيناثول (الموضعي)

واترك الاجابه لاصحاب الخبره

وشكرااااا

يا اخوي

فالنتينوا كان يستخدم السينثول والحين يعاني من سرطان الكبد الله يبعده عنكم

وشوف بعد بعض المدربين المصريين والسوريين بتحصل انه عضلة الباي مترهله وشكلها قبيح بسبب استخداك السينثول

وعمرك تحت ال 18 وتفكر بالهرمونات والسينثول ؟؟؟ يا اخوي صلى على النبي وابتعد عن هذي الاشياء

وحاول ترتب غذائك ونومك وان شاء الله اتشوف نتايج حلوة

[حميد الشيبه]

مشكورين ما تقصرون
scaryface
THE CAST

لاكن انتو ما فهمتو علي عدل
عضلة الكتف الجانبيه اليسرى متوقفه عن النموو عكس العضله الجانبيه اليمنى
يعني كتفي اليمين يكبر واليسار واقف على حاله
وبخصوص السيناثول كان اقتراح واحد الله يهديه وانا عارضته
وجزاكم الله خير

[scaryface]

مشكورين ما تقصرون
scaryface
THE CAST

لاكن انتو ما فهمتو علي عدل
عضلة الكتف الجانبيه اليسرى متوقفه عن النموو عكس العضله الجانبيه اليمنى
يعني كتفي اليمين يكبر واليسار واقف على حاله
وبخصوص السيناثول كان اقتراح واحد الله يهديه وانا عارضته
وجزاكم الله خير

العضلة تنمو بس يمكن انته متوقع اكثر او شايف انسان اخر وحاب تكون مثله

الحل
اكثر الجدد اشوفهم يرفعون اوزان عاليه معا تكرارت قليله 6 الى 4 وحركة البار تكون بالهواء وما يقدر ينزله لانه الوزن عالي
فعسب تعمل هايبوتروفي (نمو العضلي) لازم التكرارات تكون بين 12 الى 8 والاوزان تكون جيدة عسب تنزل البار الى المستوى المطلوب

وحبيت اسالك يا اخوي ما هو جدولك الغذائي ؟؟ وكم مقدار سعراتك الحرارية ؟؟

[حميد الشيبه]

العضلة تنمو بس يمكن انته متوقع اكثر او شايف انسان اخر وحاب تكون مثله
العضله نموها واقف وانا اصور عمري بين كل شهر عسب اجوف الفرق
الحل
اكثر الجدد اشوفهم يرفعون اوزان عاليه معا تكرارت قليله 6 الى 4 وحركة البار تكون بالهواء وما يقدر ينزله لانه الوزن عالي
فعسب تعمل هايبوتروفي (نمو العضلي) لازم التكرارات تكون بين 12 الى 8 والاوزان تكون جيدة عسب تنزل البار الى المستوى المطلوب
انا العب 12 -10-8 واذا كنت مريض او اوزان جديده العب 10-8-6
ولعلمك انا مب جديد ف اللعبه صارلي اكثر من سنه
وحبيت اسالك يا اخوي ما هو جدولك الغذائي ؟؟ وكم مقدار سعراتك الحرارية ؟؟

والله جدولي مب ثابت
بس تقريبا ادخل ف اليوم 120 جرام بروتين ووزني 54 وطولي 169 تقريبا ونسبة الدهون بين 7 و8 تقريبا

بس انا اعرف اني هب مقصر ف التغذيه
والنوم صراحه مره انام 12 ساعه ومرات انام 3 ساعات
يعني على حسب الظروف

وتحياااااااااااااتي