أول مرة أنشف.. ممكن رأيكم واقتراحاتكم لـ برنامجي مع Animal Cuts؟

[8جيرارد8]

كل الشكر للمنتدى الرائع
والأبطال الموجودين اللي يقدمون خبرتهم ونقاشاتهم اللي تثري وتفيد كل شخص يبغى يستفيد

أنا ألعب حديد من فترة جيدة
يحصل فيها بعض الانقطاعات طبعاً ‪;‬)

لكن هالمرة بديت في نظام جديد
إن شاء الله بيساعدني اني ما انقطع

الهدف القادم:
أخسر بعض الدهون اللي مضايقتني مع المحافظة على الكتلة العضلية
وزيادتها إن أمكن (‪;‬

بالنسبة للمعلومات:
العمر: 29
الطول: 167
الوزن: 75‪.‬2
نسبة الدهون: 22‪.‬3 ٪

المكملات المستخدمة:
= Whey Protein
3 مرات في اليوم .. الصباح + بعد التمرين + قبل النوم
= Amino 2222 Tabs
10 حبات في اليوم .. 2الصباح + 3 ق. التمرين + 3 ب. التمرين + 2 قبل النوم
‫=‬ Dynamisan ديناميزان
حبة واحدة في اليوم .. طبعاً هو عبارة عن مكمل غذائي هذي محتوياته


‪<==‬ بإذن الله زاح آزيد عليهم Animal cuts في الفترة القادمة <==
مرتين في اليوم طبعاً..

أسلوب التدريب ..
كل يوم عضلة .. 5 تمارين x 4 جلسات .. مع زيادة الوزن وانقاص العدات .. وبعدها كارديو 30 دقيقة..
يوم 1 … صدر + بطن
يوم 2 … ظهر + جوانب
يوم 3 … أكتاف +بطن
يوم 4 … باي وتراي و سواعد + جوانب
يوم 5 … أرجل وبطات + بطن

طبعاً عندي بعض الاستفسارات اللي أتمنى منكم المساعدة فيها

1‫/‬ ناوي آقلل الراحة من يومين إلى يوم واحد، هل فيها مشكلة؟
2‫/‬ ناوي أزيد وقت الكارديو من 30 إلى (45-60) دقيقة .. كويس؟
3‫/‬ هل المكملات اللي استخدمها كافية؟ وهل احتاج إلى تغيير البروتين إلي بروتين زيرو فات وكارب؟
4‫/‬ أبغى نظام غذائي مساعد بشكل عام… وكذلك الاكل اللي ابتعد عنه؟
5‫/‬ مع استخدام الآنيمال كت .. هل اقدر اشرب الشاي والقهوة (غير ضرورية لي) بسبب نسبة الكافيين الموجودة فيه؟
6‫/‬ اقدر اشرب شاي أخضر خلال البرنامج (لا يزيد عن كوبين في اليوم عادة) ؟
7‫/‬ كم المدة المقترحة لهذا البرنامج؟
8‫/‬ في اليوم اللي ما أتمرن فيه كيف استخدم الأنيمال كت؟

أدري اني طولت عليكم بس حبيت آخذ فكرة كاملة بعد ما اعطيكم بياناتي كاملة ‪;‬)
وانتظر آرائكم

[THh Rock]

هلا بك يا بطل حياك الله
ومكملاتك ممتازه وانصحك انك تضيف القلوتامين وتاخذه بعد التمرين ملعقة شاي صغيره تقريبا 5 قرام وايضا قبل النوم

1‫/‬ ناوي آقلل الراحة من يومين إلى يوم واحد، هل فيها مشكلة؟
ما في اية مشكله بس لازم من يوم في الاسبوع راحه ..
2‫/‬ ناوي أزيد وقت الكارديو من 30 إلى (45-60) دقيقة .. كويس؟
ممتاز والافضل انك تتمرن بنط الحبل نص الوقت والنص الاخر جهاز الاوربتراك
3‫/‬ هل المكملات اللي استخدمها كافية؟ وهل احتاج إلى تغيير البروتين إلي بروتين زيرو فات وكارب؟
الافضل انك تاخذ ايزو 100 هو عباره عن واي بروتين لكن زيرو فات وزيرو سكر وواحد قرام فقط كارب بالشكولاته وضيق القلو ليمنع عندك هدم العضلات اثناء تمرين الكارديو ويجفز هرمون النمو عندك قبل النوم
4‫/‬ أبغى نظام غذائي مساعد بشكل عام… وكذلك الاكل اللي ابتعد عنه؟
يالغالي صعبه احد يحط لك نظام غذائي لانك مع مرور الوقت راح تطفش فالافضل لك التنويع وحاول تاكل في اليوم 6 وجبات مقسمه وكل وجبه تعتبر تقريبا علبة تونا المهم ابتعد عن الحلويات والغازيات والابيض سواء ملح رز مكرونه سكر اي شي ابيض وابعد عن المقالي والزيوت والدهون واي شي غير صحي
وركز على الخضار والفواكه والخبز البر واللحم وصدور الدجاج الخالي من الفات والاجبان والحليب القيل الدسم والتونا والبيض المسلوق وغيرهم من الوجبات الصحيه المفيده
واهم شي لا تاكل كربوهيدارت بعد التمرين لكي لا يتحول عندك دهون بينما قبل التمرين ممتازه لانها تتحول عندك طاقه في التمرين
5‫/‬ مع استخدام الآنيمال كت .. هل اقدر اشرب الشاي والقهوة (غير ضرورية لي) بسبب نسبة الكافيين الموجودة فيه؟
عادي بس لا تكثر ودائما خليها قبل التمرين علشان لا تكون عندك نسبة كافيين عاليه من الكت والقهوه وبالتالي راح يكون عندك ارق قبل النوم
6‫/‬ اقدر اشرب شاي أخضر خلال البرنامج (لا يزيد عن كوبين في اليوم عادة) ؟
عادي جدا جدا جدا حتى لو ثلاجه ما عندك مشكله شرط انه بدون سكر وممكن تضيف سكر الصناعي تروبيكان او سنتافي
7‫/‬ كم المدة المقترحة لهذا البرنامج؟
استمر عليه ليه توصل لهدفك ونصيحتي انك تغير التمرين في كل المره مثلا انت تلعب كل يوم عضله حلو استمر على هذا المنوال لكن مثلا الصدر تلعب 6 تمارين في 4 جلسات المره الجايه لا العب 4 تمارين في 5 جلسات الي بعدها العب 7 تمارين في جلستين والي بعدها 3 تمارين فقط في 7 جلسات وهكذا في كل العضلات لان مفاجئة العضلات وكسر الروتين يساعدك في الضخامه
8‫/‬ في اليوم اللي ما أتمرن فيه كيف استخدم الأنيمال كت؟
استخدمه فقط قبل الفطور



وبالتوفيق لك يا وحش واي شي ثاني لا تتردد ....
تحياتي

[8جيرارد8]

يسلمو يا دكتور على التفاعل
بس للحين عندي بعض الاستفسارات ..

بخصوص الجلوتامين،،
سمعت من الكثير انهم يستخدمونه قبل التمرين.. أنت ليه تفضل استخدامه بعد التمرين؟
وهل ممكن اني أخلطه (سواء بعد التمرين أو قبل النوم) مع البروتين بنفس الشيكر؟
وش الجلوتامين اللي تفضل أني استخدمه لأن ماقد جربت استخدم جلوتامين من قبل؟
وكم المدة اللي استمر على الجلوتامين فيها؟

بالنسبة للبروتين..
لو استمريت على الـ whey وماحولت للـ ISO 100 النتائج راح تتأثر؟

ويعطيك 1000 عافية ...

[THh Rock]

سمعت من الكثير انهم يستخدمونه قبل التمرين.. أنت ليه تفضل استخدامه بعد التمرين؟
العكس مين قالك انه يستخدم قبل التمرين ... !!! هو اصلا فائدته بعد التمرين لمنع هدم العضلات والحفاظ على حجم العضله قدر الامكان وطبعا لا تنسى توصية الشركه ...
وهل ممكن اني أخلطه (سواء بعد التمرين أو قبل النوم) مع البروتين بنفس الشيكر؟
ممكن تخلطه عادي مع البروتين بس الافضل اذا عندك مشاكل بالمعده تخلي كل شي لحاله علشان ما يتاكسد عندك
وش الجلوتامين اللي تفضل أني استخدمه لأن ماقد جربت استخدم جلوتامين من قبل؟
القلوتامين عادة اي شركه عادي لانه مركب واحد ويعتبر صافي وافضل شركه الاوبتيمم او الدماتيز
وكم المدة اللي استمر على الجلوتامين فيها؟
استمر عليه على طول لانه يطول وما يضر ...

وبالنسبه للبروتين عادي جدا جدا لان اصلا الايزو 100 هو واي بروتين لكن الشركه تختلف ونسبة الفات والسكر والكارب تختلف


واي شي اخر لا تتردد

[france for ever]

سمعت من الكثير انهم يستخدمونه قبل التمرين.. أنت ليه تفضل استخدامه بعد التمرين؟
العكس مين قالك انه يستخدم قبل التمرين ... !!! هو اصلا فائدته بعد التمرين لمنع هدم العضلات والحفاظ على حجم العضله قدر الامكان وطبعا لا تنسى توصية الشركه ...

عن اذن اخي ذا احمد و لكن عندي تعقيب على كلامك , بالنسبة للكوتامين ممكن استخدامه قبل التمرين و بعده ايضا و الفائده هي نفسها المحافظة على العضل , و انا عندي مكملات كلوتامين مكتوب عليها نفس الكلام مع اضافة استعماله فبل النوم لزيادة تحفيز هرمون الكروث بالاضافة الى وضيفته الاصلية و التي هي طبعا المحافظة على العضل لذلك قامت الكثير من الشركات بوضع 5 غرام كلوتامين في منتجاتها حتى لا تتعب الرياضي بالخلط

تحياتي

وهل ممكن اني أخلطه (سواء بعد التمرين أو قبل النوم) مع البروتين بنفس الشيكر؟
ممكن تخلطه عادي مع البروتين بس الافضل اذا عندك مشاكل بالمعده تخلي كل شي لحاله علشان ما يتاكسد عندك
وش الجلوتامين اللي تفضل أني استخدمه لأن ماقد جربت استخدم جلوتامين من قبل؟
القلوتامين عادة اي شركه عادي لانه مركب واحد ويعتبر صافي وافضل شركه الاوبتيمم او الدماتيز
وكم المدة اللي استمر على الجلوتامين فيها؟
استمر عليه على طول لانه يطول وما يضر ...

وبالنسبه للبروتين عادي جدا جدا لان اصلا الايزو 100 هو واي بروتين لكن الشركه تختلف ونسبة الفات والسكر والكارب تختلف


واي شي اخر لا تتردد

يالتوفيق ان شاء الله

[8جيرارد8]

THh Rock

يعطيك العافية على ردك الرائع
وماقصرت يا غالي ..



france for ever

مشكور على هالمعلومة