استفسار بخصوص التسخين قبل التمارين
السلام عليكم ورحمة الله
اشلونكم يا كباتن
ان شاء الله كويسين
عندي شويه استفسارات بخصوص الاحماء قبل التمارين
اولا : هل الاحماء ضروري قبل التمارين بشكل عام ؟
واقصد كل انواع التمارين
عشان اوضح الصورة
مثلا انا جدولي
يوم صدر و تراي
يوم ظهر و باي
يوم اكتاف و سواعد
يوم ارجل و ترابس
هل كل التمارين السابقة تحتاج احماء قبل البدء فيها و الا بعضها ما تحتاج
ثانيا : يا ليت توضحون افضل طريقة للاحماء قبل التمارين
انا اجري على السير لمدة 15 دقيقة
اول 5 دقايق مشي
وبعدين 10 دقايق هرولة
هل يوجد غلط في طريقتي ؟
الدراجة ما استخدمها على حسب توجيهات المدرب
هل الدراجة مهمة ولازم استخدمها .. والا السير كافي ؟
على حسب ملاحظتي للاعبين في النادي .. ينقسمون لـ 3 اقسام
بعضهم يقوم ببعض تمارين الاستطالة و يبدء بعدها رفع الاثقال
والبعض يقوم برفع اوزان خفيفة و تكرارت كثيرة و سريعة .. مثلا اذا كان عنده تمارين البايسبس وبعدها يرفع اوزان ثقيلة
والاغلبية مثل حالتي .. يقوم بالجري على السير و بعضهم على الدراجة .. و ناس اشوفهم على الاوربت تراك
ومدري اش الفرق بينهم
آسف طولت عليكم
وبعطيكم العافية
