البدايه الصح ؟؟؟

[reeed]

البدايه الصح؟؟؟

السلام عليكم ياوحووش
بدخل في الموضوع علطول.... بصراحه صار لي الحين مشترك في النادي سنتين مافي تغيرات واضحه باستثناء فتره وحده في الفتره هذه نقصت(6)كيلو خلال شهر واحد بس بس الطريقه الي اعتمدتها بصراحه مرررض لاني حرمت نفسي من الاكل وصار جسمي هزيل ووجهي نحف بطريقه بايخه المهم . بعدها بـ 4 شهور رجع وزني الاول وفيه زياده شوي بعد
ولما سالت المدرب قال طبيعي لانك كنت ماتاكل
والحين انا ناوي ابدا بدايه صح ومابيفيدني بعد الله الا الوحوش الي هنا
وهذه معلومات عني
الوزن 81_____ الطول 178______العمر 23_____
نسبة الدهون عندي تتجمع في الارداف وفي البطن
بالنسبه للصدر والاكتااف والذراع (التراي والباي والسواعد ) ضعيفه

واتمنى الافاده
واسف عالاطاله

[Heartbeat]

اخي الكريم
يجب ان تحدد ماذا تريد حتى يستطيع الكباتن مساعدتك وايضا كان من الافضل لو تعطي نبذه عن ماتريد بعنوان الموضوع

[reeed]

ابي جسمي يضبط ويكون متناسق ومشدود
تحياتي لك

[reeed]

لاني ماادري العب سويدي مع حديد والا العب سويدي كذا شهر وبعدها احول للحديد
عشان كذا ابي البدايه الصح لي

[odi man]

يالغالي أكبر خطأ تمتنع عن الأكل
عشان تفقد الدهون في تمارين مخصصه لازم تسويها
وعشان تشد جسمك في تمارين مخصصه أيضا
وأهم شي سوي لك جدول غذائي يكون قليل الفات لأنك لو أمتنعت عن الأكل ما رح تكتسب طاقه لو ما عندك طاقه كيف تسوي التمارين ..؟؟ لازم تتغذى جيدا
مع العلم أن تمارين التنشيف (إزالة الدهون) قويه جدا *_^
وبالنسبه للتمارين بصراحه ما اقدر أفيدك وننتظر رد كباتنة المنتدى*_^ بالتوفيق

[Heartbeat]

الامر بسيط
اتباع دايت صحي خالي من الدهون + السكريات + تقليل من الكارب

الافطار :
4 بياض البيض + خضار
الغداء :
دجاج او لحم او سمك مشوي او مسلوق والكمية معقوله لا تاكل حتى الشبع
العشاء :
مشابه للافطار

بين الوجبات فواكه

اكثر من الماء على الاقل 3 لتر باليوم

تحتاج مكملات مثل
بروتين ايزو100 + ملتي فيتامين + زيت السمك + امينو

العب حديد عادي ولكن يجب ان يكون

قبل الحديد 10 دقائق على جهاز الاوربتراك + بعد التمرين 20 دقيقه
بالبدايه سوف تشعر بصعوبه على هذا الجهاز لا مانع في البدايه ان تستخدمه
قبل التمرين 5 دقايق + بعد التمرين ايضا 5 دقايق وتكمل بعده 30 دقيقه مشي سريع
وبعد ان تتحسن لياقتك تزيد من استخدام الاوربتراك

وهذا هو الجهاز

[reeed]

الله يعطيكم العافيه
السويدي مايحتاج اتمرن ؟

[يوسف113]

اخوي اتبع الجدول الغذائي اللي تفضل فيه الاخ سبورت مان

والمكملات تمام امش عليها بعد

ونظم تمارينك يعني يوم صدر وباي ويوم ظهر وتراي ويوم اكتاف ويوم ارجل وسواعد ولا تنسى ايام الراحة بعد

والسويدي تلعبه بعد تمارين الحديد والخواصر كل يوم

وبالنسبة للكارديوو خله بعد التمرين عشان لا تحرق الكاربز اللي محتاجه للحديد

هذا برنامج تنشيف اتبعه لين تتخلص من جميع الزوائد والارداف و بعدها تقدر تبدي تضخم

بالتوفيق

[reeed]

بيض الله وجيهكم والله يعطيكم العااااااااافيه ياوحووووووش

[Heartbeat]

لا مانع من السويدي اذا كنت تريد نتائج اسرع
تستطيع ان تجعل جدولك يوم حديد ويوم سويدي
لمدة شهر فقط اعتقد انه كافي

اليوم الاول :
صدر + باي + 45 دقيقة
اليوم الثاني :
سويدي + 45 دقيقة
اليوم الثالث :
ظهر + تراي + سواعد + 45 دقيقة
اليوم الرابع :
سويدي + 45 دقيقة
اليوم الخامس :
اكتاف + مثلثات + 45 دقيقة
اليوم السادس :
ارجل كامله + سواعد + 45 دقيقة
اليوم السابع :
راحه تامه

وتكرر
طبعا بالنسبة لتمارين البطن تلعبها بيوم السويدي فقط
يفضل قبل تمرين الحديد تسخين على جهاز الاوربتراك لمدة 5 دقايق وهذا الجهاز حاول ان تدخله
بتمارين الكارديو لأنه يفيد في شد الارداف والمؤخرة
يفضل ان تقسم الكارديو 10 دقائق اوربتراك و35 دقيقه على جهاز السيرنظام فواصل

[reeed]

الله يوفقك ياسبورت مان ويعطيك العافيه

على فكره عندي الحين انا . كبسولات fyreوحبوب للدهوم من شركة weider اسمها cla برضو كابسولات هذه استعملها وعندي بروتينات استعملتها شوي ووقفت الي هو الوي بروتين واستعملت قبله الايق بروتين
فا ايش اللي اكمل عليه ؟؟ وهل استخدم امينوو ؟

[reeed]

يعطيك العافيه يا سبورت مان بس في شي نسيت اقوله
انا استخدم حاليا كبسولات حرق دهون اسمها fyre وكبسولات حقت دهون اسمها weider cla ومستمر عليها وعندي الوي بروتين بس موقفه
هل ابدا باستعمال الوي بروتين ؟؟ وبالنسبه للامينو استعمله واذا ايه وشو احسن نوع
تحياتي لك واسف اني تعبتك معي بس مبتدا