ممكن احد ينصحني في هالتلفزيون

[Kazuya]

السلام عليكم

ياليت اخواني اتساعدوني واذا كان مكان الموضوع خطا فا سامحوني

سؤالي انا لقيت عندنا بالكويت

تلفزيون ال اي دي مع 3 دي وهو سوني برافيا 55 بوصة ويقولون

نسبة التباييين مالة مليوووون
وهو هذا
http://www.amazon.com/Sony-BRAVIA-KD...8997475&sr=8-1


لان لقيت تلفزيون سامسونج تبايين مالة 3 مليون

وسعرة 1900

وسوني كان 1800 صار 1100 دينار كويتي

وسامسوج معاه مضخكم صوت وموبايييل جالاكسي

اما سوني برافيا

معاه

مضخكم صوت ومعاه سمعات 3 دي وانا مو فاهم شنو سمعات 3 دي

ومعاه اربع نظارات سامسونج نظارتييين بس

وسوني معا ويعطون 3 افلام 3 دي وكرت حق الاستور

فهل تنصحوني في ولا في احسن منة وانطر

سلام

[Lonely Hunter]

سوني و سامسونق ماينخاف عليهم بالتلفزيونات (بالنسبه لي افضّل سامسونق)

انت شوف شنو العرض اللي احسن و اخذه و انت مطمئن

جيك بعد على اذا كان فيه مداخل usb و اذا كان التلفزيون يشغل افلام بترجمه عربيه (سامسونق اللي عندي يشغل)

[g4mer]

^
ايه حتى أنا يشغل أفلام مع ملف ترجمة
بس طبعا بدون 3 دي

أخوي Kazuya

بخصوص تلفزوينات ال3 دي تقدر تجرب في المحل وشوف الأحسن
أنا جربت السامسونغ ممتاز
والسوني أيضا لكن حسيت بفرق بسيط أنت بتعرفه يوم بتجرب بينهم

[Kazuya]

انا بشوف وبجرب

لان سامسونج سعرة 1900 دينار كويتي

اما سوني كان سعرة 1800 صار 1100

سامسونج التباين 3 مليون
سوني 1 مليون
سامسونج معاه نظارتييين
سوني معاه 4 نظارات
سامسونج معاه مضخم صوت فلبس
اما سوني معاه مضخم صوت سوني
ومعاه اربع افلام 3 دي
ولعبة سوني 3 ويا كرت حق الاستور وتشتري العاب 3 دي

ويا مثل ماقلت اخوي فتحة حق ال يو اس بي ويصير تشبك في انترنت

[g4mer]

^
أخذ سوني وانت الربحان اذا كانت هذي الصفقه
وبخصوص الusb والانترنت
أممم أظن تقدر تشبك فيه عن طريق انترنت usb

[dely10]

دامك ابتختار بين سوني وسامسونغ لا تحاتي >>>> انت بالطريج الصح
عرض سوني قوي وسعره حلو ...
من وين اتاخذه >>> يوريكا - الغانم

[Kazuya]

بس التباييين مال السوني واحد مليون وسامسونج 3 مليووون

[Lonely Hunter]

على هالاسعار الاثنين لازم على الاقل ٤ مليون
جرب هالحركه بالاثنين
قول حق البايع انه يحط على قناة فاضيه AV1 مثلاً
الشاشه بتصير سوده صح
اهني جيك على جودة السواد ايهي الشاشه اللي اتحسها كأنها منطفيه مثل تلفزيونات البلازما هذا بيبينلك جودة السواد اللي اهوه التباين فلمه اتشوف فلم رعب مثلا و الاحداث ظلمه راح تكون الصوره عجيبه و مايخرب عليك النوراللي يكون على الشاشه مثل تلفزيونات lcd او الابتوبات

فممكن يكون سوني احسن من سامسونق بهالناحيه *

[MaNForUaE]

على هالاسعار الاثنين لازم على الاقل ٤ مليون
جرب هالحركه بالاثنين
قول حق البايع انه يحط على قناة فاضيه AV1 مثلاً
الشاشه بتصير سوده صح
اهني جيك على جودة السواد ايهي الشاشه اللي اتحسها كأنها منطفيه مثل تلفزيونات البلازما هذا بيبينلك جودة السواد اللي اهوه التباين فلمه اتشوف فلم رعب مثلا و الاحداث ظلمه راح تكون الصوره عجيبه و مايخرب عليك النوراللي يكون على الشاشه مثل تلفزيونات lcd او الابتوبات

فممكن يكون سوني احسن من سامسونق بهالناحيه *

انا حاب اساعد بس مشغول

ما اقدر اقول غير هالانسان فاهم صح في التلفزيونات اتبع شوره و ان شاء الله انت الكسبان

[Kazuya]

شدعوة 4 مليون اذا سامسونج الي كان سعرة 2000 صار 1900 تباييين مالة 3 مليون

شلون اتقول على الاقل 4 مليووون

وسوني تباييين ماله 1 مليون

والله مادري سعرة حلو مع مسرح منزلي ولا انطر والله مادري

[Kazuya]

سلام عليكم

شباب هل سعرة في امازون

600 دينار كويتي؟؟؟؟؟

اذا صج عيل من امه نصابين يبيعونة 1000 ولا بعد كان 1800

[Bo Shesmah]

أخوي تباين 1 مليون تعرف شنو يعني؟
هذا كافي وبأريحية لك وللبيت، اخذ سوني واتوكل على الله الفرق 800 دينار مو شوية!
ولو تشوف باناسونك بعد أحسن..

[Kazuya]

بس شوف بموقع امازون سعرة الفين دولان كان 600 دينار وهو كان 1800 يقول صار خصم وصار

1100 بس بامازون 600 دينار هذا يدل انهم نصابين

ناس قالولي انطر لان هالتقنية 3 دي مع النظارة تحت التجربة

وواحد يقولي اصلا بينزل شاشة 3 دي بدون نظارة

فمادري والله يخوي دام انك بالكويت هو بالافنيوز عند سوني محل سوني

انا ودي اسال وايد اشخاص قبل لا اشتري اسال ناس اخبر مني ويفيييدوني

[Bo Shesmah]

أخوي أمازون أكيد أرخص! السوق بالكويت غير عن أمريكا
العملة أقوى، الوكيل راح يزيد عليك، وأحسب الوزن والضريبة
لا تحسب المبلغ صرف بدون شي! وزن التلفزيون إلي أنت حاطه
72 باوند يعني بحسبة أرامكس راح ياخذون منك 175.400 دينار
على الوزن. ومثل ما قلت لك شوف باناسونك.

[Kazuya]

سوني اقوى من بانا سونك ليش اشوف باناسونك

زين اخوي يعني تنصحني في هالتلفزيون سوني 55 بوصة ال اي دي مع 3 دي

مع السماعات 3 دي


ب 1100 ولا انطر شوي؟؟ وشكرا