ما رأيكم بكورس GH

[ميعرو]

السلام عليكم ورحمة الله وبركاته

كورسي القادم بإذن الله هرمون GH مع كلين باترول وأحماض أمينية وبروتين زيرو فات وستكون بإذن الله مدة الكورس شهرين.
الغرض من الكورس حرق الدهون علما بإني لم أستخدم كورس هرموني قبل هذا الوقت ولكن استخدمت بعض الحوارق ولم تعطي نتائج مرضية علما بأن وزني 94 وعمري 35 وطولي 168 وأعاني من دهون على الكبد وأرجو منكم افادتي وجزاكم الله ألف خير

[ميعرو]

وين الشباب اهل الخبره ياليت تفيدوني

[.hamad.]

هلا بالغالي ..

ممكن تحط نظامك الغذائي اليومي وكم نسبة الدهون ؟؟

[ميعرو]

فطوربيض مسلوق وشاهي
غداء صدوردجاج مع ارزبدون ملح وزيت
سلطه ولبن قليل الدسم او تونا
نسبة الدهون 25
وما تقصر اخوي حمد ولا غنى عن توجيهاتك طول الله عمرك

[.hamad.]

تسلم حبيبي ..

بس ابي اعرف بالتفصيل منك عن النظام لان ممكن نعدل عليه قبل الكورس ..
يعني ابي اعرف كم بيضه وكم ملعقة رز وهل تاخذ بروتين شراب وهل بين الوجبات شيء مثل الفواكة ..؟؟

وصدقني لو نحاول نعدل الوجبات يمكن مابنلجئ للمنشطات ..

ابي مصلحتك اخوي قبل كل شي ..

[ميعرو]

الله يعطيك العافيه ماتقصر
بس نظامي مو كل يوم منظم يعني بعض احيان اخربها
وقفت كل شي من يوم كشفت سويت تحاليل واشعه تلفزيونيه تبين اني مصاب بدهون على الكبد وقفت تمرين حديد من شهر وحولت الى اللياقه لان انزيمات الكبد مرررررره طلعت مررررتفعه طبعا جربت ليبو وانيمال كت وغيره بس ما سوت معي شيء وانا عارف اخوي حمد انك تبي مصلحتي وجزاك الله خيراخوي

[ميعرو]

بيضتين الصباح مع شاهي
الغداء على حسب لكن الاغلب صدور وايدامااااات مثل الملوخيه والمسلوقه
العشاء لبن زبادي او سلطه او تونا
طبعا اكل فواكه واكثر شيء تفاح اخضر وموز وعنب وبرتقال

[.hamad.]

الله يعطيك العافيه ماتقصر
بس نظامي مو كل يوم منظم يعني بعض احيان اخربها
وقفت كل شي من يوم كشفت سويت تحاليل واشعه تلفزيونيه تبين اني مصاب بدهون على الكبد وقفت تمرين حديد من شهر وحولت الى اللياقه لان انزيمات الكبد مرررررره طلعت مررررتفعه طبعا جربت ليبو وانيمال كت وغيره بس ما سوت معي شيء وانا عارف اخوي حمد انك تبي مصلحتي وجزاك الله خيراخوي

الغالي تره سبب ارتفاع انزيمات الكبد هي حوارق الدهون ولو توقف حوارق وتسوي تحليل بعد شهر من التوقف بتلاقي الوضع طبيعي ..

ولعلمك يالغالي بأن القروث اول مايدخل الجسم يستقلب فالكبد وانت تقول ان الانزيمات مرتفعة يعني المتوقع مع الاستخدام يجيك تضخم الله لا يبليك اخوي ..
ونصيحة اخوك حمد لاتاخذ هذا الكورس لان سلامتك اهم من هالكورسات ..
واصل حديد وكارديو خفيف وانا على استعداد اني ارتب لك نظام غذائي واوعدك ان بينزل وزنك مع نسبة الدهون بدون ماتستخدم حوارق ..
((بشرط انك تطبقة بالملي)) ...

[ميعرو]

جزاك الله خير والله يوفقك
ماتقصر وفيت وكفيت
ان شاءالله اخذ بكلامك وتوجيهاتك