من كلماتى واشعارى اخوكم كريم الجز
حوار بين احد الغلابة فى مصر واحد المسئولين فيها
لكن الكلام متقالش
الا فى 25 يناير التى كسرت حاجز الخوف
انا من البلد دى
وليها فيها حقوق
ولا يعنى عشان
احنا تحت وهم فوق
يرغمونا ع السكوت
ويلبسونا طوق
ليه عليتوا وافتريتوا
ليه حقنا مسروق
ولما صوتك يطلع
تلاقى نفسك مخنوق
وبردُه باحترام
مفيش كلام
مش مردغانة فى سوق
مش بتقول انك ابنها
يبقى خلاص لازم تدوق
ولا هم كلمتين
قلتهم وخلاص
افتكرت انك بقيت
بطل وسط الناس
لأ.. اصحى من حلمك وفوق
البلد دى ليها كبير
مش كلام فوق السرير
افتكرت انك وزير
او يمكن الملك فاروق
البلد دى ليها نظام
يعنى حاضر.ماشى
طب تمام
ماهش وكالة
ماهش بقالة
ماهش سوق
خلصت كلامك
لأ.. لسه
لو اتكلمت تكون جثة
محروق يمكن او مشنوق
وكدا خلص الكلام
متشكر ياباشا سلام
مش هاغير كلامى
ولا هارجع فيه
بكرة يجى فارس
عشت مستنيه
يبدأ عهد جديد
يبنى يحرر يعيد
البلد تانى
من بداية الشروق
