عندي بس كم سؤال عن Lipo 6 اذا ماعليكم امر

[BANZEEN]

السلام عليكم ورحمه الله وبركاته

حبيت آسآل كم سؤال عن Lipo - 6

عمري 23 - الطول 164 - الوزن 80

الصراحه انقثيت من الوزن الزائد وبـذات اشوي مكرش ... عندي كرش مو كبيره بس بصراحه غاثتني استحي اشتري تشيرتات ضيقه اشوي لازم وسيعه .. ابي افتك منها ..
انا مسجل في افضل النوادي بالكويت بلاتينيوم ..


وآسآلتي

هل ليبو 6 يطير الكرش .. واذا كان الجواب اي شنو اسوي بضبط و اشلون استعمال الحبوب بتفصيل لاني جديد ولا مره استعملت حبوب مثل هذا النوع واستخدم الات المعده الموجوده على شان اطيرها ويعني كم يبيلي على ماتروح الكرش

سؤالي الثاني ابي انقص وزني يعني الى 66 او 65 لان والله الوزن الزائد هـذا جنني

وابي نبذه عامه عن اشلون استعمال الحبوب و اشلون الغذاء اكل اي شي ولا كل شي دايت و مشوي
وانا ترا مو دايم اتريق ( اتفطر الصبح ) ..

قبل الختام انا بتاتا مابي حديد بس ابي اتخلص من الوزن الزائد و تخسيس و تضبيط الجسم عادي حييل بحيث يكون مناسب .. وانا عندي الرباط الصليبي استخدم الات لتقويه الفخذ و الركبه قبل عمليتي شهر ٨

واسمحولي على الاطاله بس والله ودي اتعلم منكم و استفيد ربي لا يهينكم

بالانتظار

[THE CAST]

السلام عليكم ورحمه الله وبركاته
وعليكم السلام ورحمة الله وبركاته

حبيت آسآل كم سؤال عن Lipo - 6

عمري 23 - الطول 164 - الوزن 80

الصراحه انقثيت من الوزن الزائد وبـذات اشوي مكرش ... عندي كرش مو كبيره بس بصراحه غاثتني استحي اشتري تشيرتات ضيقه اشوي لازم وسيعه .. ابي افتك منها ..
انا مسجل في افضل النوادي بالكويت بلاتينيوم ..


وآسآلتي

هل ليبو 6 يطير الكرش .. واذا كان الجواب اي شنو اسوي بضبط و اشلون استعمال الحبوب بتفصيل لاني جديد ولا مره استعملت حبوب مثل هذا النوع واستخدم الات المعده الموجوده على شان اطيرها ويعني كم يبيلي على ماتروح الكرش
لا

سؤالي الثاني ابي انقص وزني يعني الى 66 او 65 لان والله الوزن الزائد هـذا جنني

وابي نبذه عامه عن اشلون استعمال الحبوب و اشلون الغذاء اكل اي شي ولا كل شي دايت و مشوي
وانا ترا مو دايم اتريق ( اتفطر الصبح ) ..
الفطور وجبه اساسيه سواءا لزيادة الوزن او انقاصه

قبل الختام انا بتاتا مابي حديد بس ابي اتخلص من الوزن الزائد و تخسيس و تضبيط الجسم عادي حييل بحيث يكون مناسب .. وانا عندي الرباط الصليبي استخدم الات لتقويه الفخذ و الركبه قبل عمليتي شهر ٨

واسمحولي على الاطاله بس والله ودي اتعلم منكم و استفيد ربي لا يهينكم

بالانتظار

لا الليبو ولاغيره بيفدوك حلك الوحيد

نظام غذائي صحي صارم تطبقه يوميا وموشرط تلعب حديد لكن لابد تمارس مع الدايت اي نشاط رياضي


اي اسئله حاضرين

[BANZEEN]

تسلم يا الغالي

بس سمعت احد الكباتن عندنا بالنادي قال يطير جميع الدهون و اكيد الكرش معاها بس والله مادري قلت اتآكد
ومن قرآتي بالمواقع ايقول يحرق بس ابي الكلام اليقين

و يا الغالي ماجاوبتني علي السؤال الثاني اهو ينقص الوزن اكيد لانه يطير الدهون

انا لما قست وزني اخر مره قبل اسبوع تقريبا

طولي ١٦٤ ووزني ٨٠ ووزني بدون الدهون ٦٤.٥ ووزن الدهون فيني ١٦.٥
نسبه الدهون عاليه اشوي

والله يعطيك العافيه

انتظركم شباب
ابي جواب كافي الله يخليكم والله محتاجكم

[THE CAST]

تسلم يا الغالي

بس سمعت احد الكباتن عندنا بالنادي قال يطير جميع الدهون و اكيد الكرش معاها بس والله مادري قلت اتآكد
ومن قرآتي بالمواقع ايقول يحرق بس ابي الكلام اليقين
الليبو بروحه مايفيدك وانت احد الاعضاء الي نبهتهم بهالخصوص وفعلا مااستفادوا من الليبو
كونهم اعتمدوا عليه كليا مهملين الدايت الي هو اساس الكت او انقاص الدهون

و يا الغالي ماجاوبتني علي السؤال الثاني اهو ينقص الوزن اكيد لانه يطير الدهون
الليبو نعم مساعد لعملية حرق الدهون ..
اذا كنت ماسك دايت ومنتظم بالرياضه فاكيد راح يفيدك

انا لما قست وزني اخر مره قبل اسبوع تقريبا

طولي ١٦٤ ووزني ٨٠ ووزني بدون الدهون ٦٤.٥ ووزن الدهون فيني ١٦.٥
نسبه الدهون عاليه اشوي
16% تعتبر مقبوله
والله يعطيك العافيه

.........

بالتوفيق

[BANZEEN]

تسلملي حبيب قلبي فيك الخير

بس حبيت اسآل شنو تقصد بالدايت .. يعني الاكل الدايت اي شي يكون مشوي وبعييد عن الدهوون

وانت يا الغالي تنصحني استعمل هذا البروتين اليبو ٦ او اذا كان في غيره افضل .. وانا ترا انا ممارس لرياضه يوميا و الحمد الله

وبنتظارك يا وحش

[THE CAST]

تسلملي حبيب قلبي فيك الخير
الله يسلمك

بس حبيت اسآل شنو تقصد بالدايت .. يعني الاكل الدايت اي شي يكون مشوي وبعييد عن الدهوون
دايت = نظام غذائي
يكون محسوب السعرات او اقله بان تبتعد عن االمقالي والغازيات والسكريات سريعة الامتصاص
وتقسم وجباتك اليوميه 4-6 وجبات او وجيبات صغيره بحيث تزيد عملية الايض(حرق الدهون وتحويلها لطاقه)

وانت يا الغالي تنصحني استعمل هذا البروتين اليبو ٦ او اذا كان في غيره افضل .. وانا ترا انا ممارس لرياضه يوميا و الحمد الله

وبنتظارك يا وحش

اخوي الليبو موبروتين بل حارق دهون

انت لو تسمع كلامي حتستفيد وتنظَم للاخوه بقائمة النجاح عندي

اولا
امسك دايت لمدة حتى تخف الدهون من جسمك وهذا سهل جدا باذن الله

ثانيا
فور نزولك لنسبة دهون منخفظه يبدا جسمك يفقد الدهون ببطء وتلاحظ صعوبه بنزول الوزن هنا يجي دور الحارق
والحارق تقدر تشتريه من الان لكن لاتستعمله حاليا بل مثل ماقلت لك(وممكن ماتحتاجه فلكل حادث حديث)


عن الدايت
كم ساعه تتريض في اليوم وكم يوم في الاسبوع ؟ واذكر جميع الانشطه الي تمارسها ؟
وهل انت من النوع الي يخزن فات بسرعه ؟

[BANZEEN]

تسلملي والله
والله استفدت من ردك وعسي الله يوفقك

كم ساعه تتريض في اليوم وكم يوم في الاسبوع ؟
الصراحه مافهمت تتريض اذا تقصدك وانت بكرامه اروح الحمام حوالي باليوم ٢ مو كثير بذات اذا اكلت بعدها بساعه او ٢ لابد

واذكر جميع الانشطه الي تمارسها ؟
بنسبه لنشاطات اسبوعيا اقوم الساعه ٦ و اذهب للكليه الي انا فيها و ارجع الساعه ١ الظهر واريح ربع ساعه و اروح النادي ساعه ونص بنادي او ٢ ساعه و ارجع و اريح اشوي نومه خفيفه
وبعدها نادر ما اطلع واذا طلعت مشاوير سياره

وهل انت من النوع الي يخزن فات بسرعه ؟
لا الحمد الله ما احزن ابد

وربي يعطيك العافيه حبيبي

[THE CAST]

تسلملي والله
والله استفدت من ردك وعسي الله يوفقك
امين ويااك
كم ساعه تتريض في اليوم وكم يوم في الاسبوع ؟
الصراحه مافهمت تتريض اذا تقصدك وانت بكرامه اروح الحمام حوالي باليوم ٢ مو كثير بذات اذا اكلت بعدها بساعه او ٢ لابد
قصدي كم ساعه تمارس الرياضه في الايام الي تتمرن فيها

واذكر جميع الانشطه الي تمارسها ؟
بنسبه لنشاطات اسبوعيا اقوم الساعه ٦ و اذهب للكليه الي انا فيها و ارجع الساعه ١ الظهر واريح ربع ساعه و اروح النادي ساعه ونص بنادي او ٢ ساعه و ارجع و اريح اشوي نومه خفيفه
وبعدها نادر ما اطلع واذا طلعت مشاوير سياره

وهل انت من النوع الي يخزن فات بسرعه ؟
لا الحمد الله ما احزن ابد
تمام

وربي يعطيك العافيه حبيبي

يعافيك ربي



بانتضارك

[BANZEEN]

اتمرن ساعه ونص او ساعتين

اول شي جري ١٠ دقايق .. الدراجه ١٥ او ٢٠ دقيقه .. و الجهاز والله اني ناسي اسمه الي مال الركض الي تركب فوقه وتحرك الدواسات الي تحتك هـي ١٠ دقايق ولاكن بالخفيف علر شان اركبي
وبعدها احول للاجهزه المعده و الي تقويه عضلات الفخذ و الركبه

[THE CAST]

الدايت
مابين بروتين(بياض بيض - سمك مشوي - صدور دجاج..) وكاربوهيدات( شوفان- خبز اسمر- بطاط مسلوق او بالفرن) ودهون مفيده
مثل(زيت الزيتون ذو النوعيه الممتازه - زيت السمك..)
ولاننسى السلطات المنوعه يوميا تتناولها مهمه جدا

واليك تقسيمه مسويها مناسبه لك

وجبة1 / 5 ملاعق شوفان بحليب قليل الدسم محلى بسكر فركتوزاو ستيفيانا + 4 بياض بيض مسلوق
وجبة2 / فواكه منوعة عدد قطعتين من نوعين بالكثير
وجبة3(قبل التمرين بساعه ونصف عالاقل)/ بطاطا حلوه مسلوقه (جزر يماني) حجم صغير او بطاطا العاديه..طبعا مسلوق + 250 مل عصير برتقال طبيعي بدون سكر
وجبة 4/ صدر دجاج مشوي اومسلوق اوفيليه سمك كبير مشوي + سلطة خضراء بدون ملح او شوربة خضارمسلوقه
وجبة5/صدر دجاج + حزمة سبانخ صغيرة الحجم
وجبة6/ علبة زبادي قليل الدسم

بين كل وجبه واخرى مالايقل عن ثلاث ساعات
- تقدر تاخذ الوجبات 2-3 معاك فحافظه واخوك كان يخزنها في السياره ايام الجامعه
- النوم 7 ساعات مهم جدا لراحة جسمك او عملية الريكفري

بالنسبه للتمرين مارس تمارينك المعتاده بعدها انتقل للكارديو لمدة 40 دقيقه اربع ايام في الاسبوع
وبقية الايام مشي سريعبعد التمارين لمدة 20 دقيقه


اعيد اذكرك الحارق اجله فتره





اي استفسار حاضرين



موفق باذن الله

[BANZEEN]

تسلم حبيب قلبي
والله ماقصرت يا الغالي

ان شاء الله بمشي عليها والله يكتب الي فيه الخير

والله يعطيك العافيه و اسمحلي على التعب علي قولتهم ومنكم نستفيد

بس في شي مافهمته واسمحلي يا الغالي والله منحرج منك

(( الكارديو )) مادري ولله مو فاهمها

و بنسبا للجري السريع ما اقدر عليها بس المشي اوكـ ماعندي اي مشكله لاني فيني رباط صليبي راح يآثر علي

و تم نسخ الكلام عندي

واعيد شكري لك يا الغالي واعذرلي للاطاله و التعب

[THE CAST]

تسلم حبيب قلبي
والله ماقصرت يا الغالي
الله يسلمك اخوي

ان شاء الله بمشي عليها والله يكتب الي فيه الخير
والله يعطيك العافيه و اسمحلي على التعب علي قولتهم ومنكم نستفيد
مافي تعب واناخوك

بس في شي مافهمته واسمحلي يا الغالي والله منحرج منك
(( الكارديو )) مادري ولله مو فاهمها
اقصد به نظام الهروله بالفواصل مثل(دقيقه مشي عادي ثم دقيقتين مشي سريع ثم دقيقه هروله ثم دقيقه جري..وتعيد الكره)

و بنسبا للجري السريع ما اقدر عليها بس المشي اوكـ ماعندي اي مشكله لاني فيني رباط صليبي راح يآثر علي
لاتجري متواصل غيرمفيد كثير بقدر نظام الفواصل

و تم نسخ الكلام عندي

واعيد شكري لك يا الغالي واعذرلي للاطاله و التعب

العفو ولا تنسانا من صالح دعائك بظهر الغيب

[BANZEEN]

مايحتاج تقول وانا اخوك

تسلم يا الغالي

وان شاء الله بطبقها بخذافيرها

موفق حبيبي

[THE CAST]

الله يسلمك

ولو تحفظ الرابط عندك يكون افضل لاجل تضع نتائجك كل شهر اوشهرين مثل اخوانك


موفق ان شاء الله

[BANZEEN]

ان شاء الله تم

وراح اوافيك اخر المستجدات ان شاء الله

<<