Lipo 6 - Lipo 6 x - Lipo Black ؟

[SDal]

السلام عليكم

حالياً مرحلة تنشيف .. خلصت اول علبة من الـAnimal Cuts و بما انه مقطوع رحت اشتري الـOxyElite Pro
خصوصاً اني سمعت كلام كثير انه يحد من الشهية .. لكن للاسف مقطوع ايضاً ..

الان عندي الخيارات التالية حسب العروض الموجودة :

1- Lipo 6 Black
2- Lipo 6x 120 + Hydroxycut 30
3- Lipo 6 + Hydroxycut 30

الهايدروكسي مجاناً مع اللايبو .. اول خيارين نفس السعر .. الثالث ارخص ..
متردد بشأن البلاك احسه مقارب للكتس و افضل اجرب شيء ثاني .. و عندي احساس انه اللايبو العادي افضل من
الاكس .. و الهايدروكسي مجاناً معهم و عندي فضول اجرب شيء من مسل تك ..

فانتظر نصائحكم .. بضيف استفتاء للموضوع يا ريت اي شخص جرب يجاوب عليه ..
و لو احد عنده معلومة ممكن تفيدني يا ريت ما يبخل فيها ..



شكراً

[اسـم العضو]

انا جربت ليبو 6 بلاك .. وليبو اكس ... نصيحه ... خذ ليبو 6 بلاك ........ لان السعر ما يفرق .. وحبه البلاك تعادل 2 من ليبو اكس
انا اليوم خذيت ليبو 6 بلاك اكسترا .... جديد .... يقولون افضل .. وبعدني ما جربته .. هو منتج مطور من ليبو بلاك

[اسـم العضو]

هذي صوره المنتج الجديد المطور الي اشتريته اليوم

[SDal]

شكراً ..

الظاهر باخذ البلاك ..
لكن لفت نظري .. جرعة البلاك 3 حبات بالصباح .. و 3 بالمساء .. يعني بتكفي لـ20 يوم ..
بينما الـX اطول جرعة 4 حبات باليوم .. يعني بتكفي شهر ..

[Leaner]

وعليكم السلام

انا جربت علبتين من ليبو بلاك و تقريبا ٣-٤ علب ليبو٦ اكس

ليبو٦ بلاك جيد وماعليه كلام بس الليبو٦ اكس فادني اكثر (يمكن لانه كان اول حارق دهون استخدمه)

وفعلا عيب الليبو٦ بلاك انه يخلص بسرعة وتاخذ علبتين يكفيك ٤٠ يوم عكس ال٦ اكس علبة واحدة تكفي شهر

كلهم ماسببولي ارق وكلهم ساعدوا في التخلص من الدهون لكن كان الليبو٦ اكس ساعدني اكثر

انصحك بالليبو٦ اكس ومن ثم الاوكسي ( بس فعلا عيبه يسد الشهية وانت بهالمرحلة محتاج تاكل اكل غير مرغوب فمابالك تاكله وشهيتك مسدودة ؟)

وجربت الانيمال كت بس مافادني لاني اساسا ماكنت ملتزم بالمرة

بالاخير كل واحد وجسمه

انتظر ردود باقي الاعضاء وقرر ان شالله

موفق

[SDal]

شكراً Leaner ..

بصراحة محتار .. لكن احتمال شخص يحصل لي البلاك بسعر اقل بكثير من الاكس .. ساعتها باخذه ..
بالنسبة للشهية .. فانا عموماً الحمد لله شهيتي مفتوحة و الاكل الي اكله وقت التنشيف حتى احبه .. و لو شيء بيقضي على الشهية ما عندي مانع ..
لكن للاسف الاوكسي مش موجود ..

و شكراً مرة ثانية ..

.
.

بالمناسبة ,



الهايدروكسي كت الباودر ..
اخذت عينة اليوم .. جربتها و ما في ببالي اي شيء , ما كنت منتظر اي شيء طبعاً ..
اخذتها و بعد ما شربته .. حسيت بتأثير الكافيين .. و عصبية و نرفزة غير طبيعية .. كل شخص تعاملت معه بعده تقريباً حصلت لي معه مشكلة !!
و المشكلة عصبية غير عادية مع عنف .. و بعد ما تخلص الحالة .. بيني و بين نفسي اقول اعوذ بالله من الشيطان الرجيم لأني عملت اشياء غبية ..
الفكرة اني ما كنت منتظر اي تأثير .. يعني مش متأثر بشيء نفسي ابددددددداً .. توووووبة اجربه مرة ثانية فعلاً ..

[وليد وبس]

الهيدروكسي كت مع الليبو اكس طبعا هذا خيار رائع جدا

[3boOodE3]

السلام عليكم
كيفكم يا اعضاء هالمنتدى الكرام ..
و جمعه مباركه على الجميع
طبعا انا من فتره ادخل اتصفح هالمنتدى و فادني ف اشياء كثيره صراحه
لكن اليوم يوم شفت هالموضوع شدني اني اسجل و ارد على الموضوع
طبعا اخوي كلها مفيده و كلها راح تعطي نتائج بس يبغى لك تنتظم و تصبر عليها
ما راح اكون دقيق معاك ف الحسابات لكن انا عن نفسي استخدمت الليبو 6 بلاك كثير فادني جدا جدا
خصوصا اني انتقلت من مرحله تخسيس لمرحلة تنشيف يعني راح ابدا بناء اجسام لكن الكبتن قال لي لازم توصل وزن معين
الحمدلله انا احمد ربي كل يوم قدرت مع الاستمرار و التواصل اني انتقل من وزن ضخم جدا جدا الى وزن مقبول و قبل الوزن المثالي ب 15 كيلو
و من بعدها راح ابدا ف البناء مع التنشيف ان شاء الله
انا حاليا استخدم ليبو 6 بلاك مع الهايدروكسي كت ادفانسد و كلهم يعطون طاقه جباره و كمان الزما يعطيك محفز تيستيرون رهيب
مع اكل خفيف جدا تنشف بالكيلوات ف الاسبوع الواحد و هذا الشيء انا مجربه و صراحه احس اني مصدوم منه ههههههههههه
بس جزاه الله خير الكبتن اللي اعطاني كل هالمعلومات