هل هذا الجدول غير مضر

[رحال الجنوب07]

اريد ان ادخل كورس اسبوعي 6 ايام في الاسبوع لمدة ثلاثة اشهر على الاقل ابي رأيكم هل ينفع هالكورس ام لا . يكون كالتالي :


اليوم الاول : صــــــدر + باي ورست
اليوم الثاني : ظهـــــــــر+ تراي
اليوم الثالث : اكتـــــاف + ترابيس

اليوم الرابع : صــــــدر + باي ورست
اليوم الخامس : ظهـــــــــر+ تراي
اليوم السادس : اكتـــــاف + ترابيس + فخذ

الوزن الحالي 80
الطول
180
نسبة الدهون 21%
لي 3 اشهر في الجيم بس الحمدلله النتائج مقنعه
مكملاتي :
واي بروتين الصباح وبعد التمرين + كازين قبل النوم + امينو بور 3000 + سوبر شارج

* تلاحظوا اليوم الرابع والخامس والسادس هو تكرار اليوم الاول والثاني والثالث بس زيادة على اليوم السادس فخذ لأني اصلا ماركز كثير على الفخذ يمكن في الشهر العبه مره او مرتين

ايش رأيكم ابدأ فيه واتوكل على الله

[Rashid.S]

اولا : كثير ست ايام العب اربع ايام او خمسه
واذا بتلعب اربع تخلي يوم سويدي بحت مع سونا وكذا يطلع حلو او ممكن سباحه

ثانيا : الصدر ينلعب معاه تراي يكون افضل
والظهر ينلعب معاه باي يكون افضل

ثالثا : وين الرجول كيف تبي تبني جسمك بدون ما تبني اكبر عضله بجسمك
واساس كل جسمك

رابعا : ما عندك راحه تشبه النقطه الاولى

خامسا : البطن تلعبها يوم ويوم

سادسا : ما ينفع تلعب نفس التمرين صدر في نفس الاسبوع
مثلا قول اذا بنلعب عضله كل يوم بالاسبوع ممكن ماكس نلعب ست تمرين
فاذا بنلعب الصدر مرتين نقسمه على كل الاسبوع
يعني ثلاثه اليوم الاول وثلاثه اليوم الثاني
يفضل اليوم الاول يكون التمرين كالتالي وهذا من رايي الخاص
بار مائل
بار مستوي
غطس ثلاث مجموعات قدر ما تقدر

بعدين اليوم الثاني
خلنا نقول تبي تركز على العلوي العب باندل علوي
تفتيح
بعدين الاوفر بالكابل عشان تشغل السفلي ،،

سابعا : نسبة الدهون عندك عاليه نشف افضل ، ، اذا وصلت على الاقل ١٨٪ ما بقى شي ضخم هذا اذا كنت مره متحمس

اخيرا اش يعني ورست ؟؟؟؟؟

واسمحلي عزيزي اذا طولت عليك ،،

*

[رحال الجنوب07]

اولا : كثير ست ايام العب اربع ايام او خمسه
واذا بتلعب اربع تخلي يوم سويدي بحت مع سونا وكذا يطلع حلو او ممكن سباحه

ثانيا : الصدر ينلعب معاه تراي يكون افضل
والظهر ينلعب معاه باي يكون افضل

ثالثا : وين الرجول كيف تبي تبني جسمك بدون ما تبني اكبر عضله بجسمك
واساس كل جسمك

رابعا : ما عندك راحه تشبه النقطه الاولى

خامسا : البطن تلعبها يوم ويوم

سادسا : ما ينفع تلعب نفس التمرين صدر في نفس الاسبوع
مثلا قول اذا بنلعب عضله كل يوم بالاسبوع ممكن ماكس نلعب ست تمرين
فاذا بنلعب الصدر مرتين نقسمه على كل الاسبوع
يعني ثلاثه اليوم الاول وثلاثه اليوم الثاني
يفضل اليوم الاول يكون التمرين كالتالي وهذا من رايي الخاص
بار مائل
بار مستوي
غطس ثلاث مجموعات قدر ما تقدر

بعدين اليوم الثاني
خلنا نقول تبي تركز على العلوي العب باندل علوي
تفتيح
بعدين الاوفر بالكابل عشان تشغل السفلي ،،

سابعا : نسبة الدهون عندك عاليه نشف افضل ، ، اذا وصلت على الاقل ١٨٪ ما بقى شي ضخم هذا اذا كنت مره متحمس

اخيرا اش يعني ورست ؟؟؟؟؟

واسمحلي عزيزي اذا طولت عليك ،،

*

تحياتي لك ياغالي
بالنسبة للصدر مع التراي والظهر مع الباي راح اغيرها من الاسبوع القادم ان شاء الله لاني امس تمرنت صدر واخذت معها الباي نكمل هالاسبوع والقادم نغير ومشكور على المعلومه ماقصرت
بالنسبة للارجل من جد انا مهمله جدا جدا بس عموما راح اتمرنه حمستني اتمرنه ويعطيك العافيه
بالنسبة للبطن انا اتمرنه يوم ويوم راحة يعني 4 ايام في الاسبوع مو كثيره لانه الحمد لله استفدت كثير لان الكرش اللي كان عندي شبه اختفى والحمدلله والفضل لله ثم تمارين البطن
بالنسبة لنسبة الدهون هي تدريجيا في انخفاض لانها كانت 23% ولي اكثر من شهرين ماقد شيكت عليها وان شاء الله تكون اقل
الكل يقول ماينفع تنشف وتضخم في نفس الوقت وانا ابي اضخم وفي نفس الوقت ابي انقص الدهون اللي فيه فكرت اخذ لي بروتين ضخامة وخفت من اللي اسمعه من الاعضاء انه يسوي حزام من الدهون وانا ماصدقت بالله وانا شديت جسمي وخاصه الجوانب الحمدلله الا الود ودي اخذ كورس ضخامة بس خايف من الحزام الدهني هذا
مدري لو استمريت على تمارين البطن 4 ايام في الاسبوع مع تمارين الجوانب طبعا والجري على السير يوميا من 10 الى 15 دقيقة واستخدمت كورس ضخامة ماراح يجيني دهون في الجوانب والا راح يصير عندي جواني شكلها بايخ
نسيت اقول لك انا يوميا اجري على السير من 10 الى 15 دقيقة هل تعتبر كافيه لحرق الدهون لو استمريت عليها اضافة لتمارين البطن
ومعليش طولت عليكم بس سؤالي الاخير وش افضل واسرع طريقة لحرق الدهون انا عندي بس دهون في منطقة الكرش بس وباقي جسمي الحمد لله منسق وما يظهر الطرش معي الا اذا جلست بس و الود ودي اشيل هالكرش

[Heartbeat]

اخوي جدولك هذا من اشهر الجداول اللي تحصلها بكل نادي
ثلاث ايام ويوم راحه معروف هالجدول
طبعا على حسب طلب الزبون
مايبي تمارين ارجل ولذالك تجد المدرب دائما يضع مثل هذا الجدول له
مثل ما قال لك الكابتن 3 - 4 ايام بالاسبوع حديد ممتاز
اذا كنت تلعب ضخامه بقية الايام راحه تامه
واذا كنت تلعب تنشيف بقية الايام كارديو

اما بخصوص التمارين مافي مانع صدر باي او تراي هو مجرد تنويع
مره جدولك يكون صدر وباي
وبعدين تغير صدر وتراي
طبعا التغيير على الاقل بعد شهر او شهرين مو كل اسبوع ينصحك احد بجدول تروح تغير
لا انتظر على الاقل شهر او شهرين ثم غير

بخصوص الجداول كثيرة جداً
انت بدال ثلاث ايام والرابع راحه
اجعله يومين والثالث راحه

طبعا صدر وباي ورست
ظهر وتراي
راحه
اكتاف وترابيس
ارجل كامله

البطن العبه بيوم الظهر + الارجل

الكارديو مثل نظامك 15 دقيقه قبل وبعد التمرين
ايام الراحه يوم راحه تامه ويوم كارديو بالنادي خارج النادي انت حر

طبعاً انت تعرف ان اهم شي الغذاء الصحي

[رحال الجنوب07]

طبعا صدر وباي ورست
ظهر وتراي
راحه
اكتاف وترابيس
ارجل كامله

تصدق ان هذا هو جدولي اللي انا ماشي عليه بالضبط بس بعض الاوقات اتمرن 4 ايام مع بعض والخامس راحة وبعده اتمرن ارجل والجمعة راحه وهكذا على طول الاسبوع

بس حبيت اغير في الجدول اقل شي لمده شهر اضغط نفسي واخلي يوم بس راحة اللي هو يوم الجمعة

الله يعطيك العافية يالغالي على نصائحك بس حبيت اسأل هل يوميا الجري على السير لمدة 10 الى 15 دقيقة كافي لحرق الدهون ؟ ؟ ؟ ؟

[Rashid.S]

لا اخوي مو جري هروله او مشي سريع
لانك في حالة حرق الدهون تحتاج اكسجين عشان تحرق دهون عشان كذا يكون تنفسك منتظم
ودقات قلبك متوسطه
بعطيك معلومه بالنسبه لدقات القلب لان الكاردذو متعلقه بدقات القلب ،، ممكن تكون مكرره بس للافاده
لو عمرك ٢٢ اطرحه من ٢٢٠ يصير ١٩٨ نضربه ٠،٦٠ تطلع ١١٩ اعتبرها اقل مستوى ممكن توصله
ونضربها ب ٠،٨٠ تصير ١٥٨ اعتبرها اعلى مستوى ممكن توصله
صار الحين اقل شي ٦٠٪ واكثر شي ٨٠٪
كل اللي عليك تقسم المنطقه المحصوره بينها لثلاث اجزاء
فتقربيا
المستوى الاول راح يكون فيه حرق الدهون ٨٠٪ والكارب ٢٠
في المنطقه المتوسطه تكون ٥٠ و ٥٠
في المنطقه العليا تحصل حرق الكارب ٨٠٪ والدهون ٢٠٪

وهذه هي النضرية
ومن رايي لو تزيد الي ٢٠ دقيقه كل فترة كارديو او الي ٢٥ يكون احلى ،،

وبالنسبه للتضخيم مع حرق الدهون صعب
بس انت تقدر تضخم وتقلل من نسبة الدهون لان تضخم عضل صافي
فتصير نسبة الدهون اللي فالجسم قليله بس كميتها ثابته ،،