ممكن شرح لآلية أول أسبوع الشامل

[متعطش]

معلومات المتقدم بالاستفسار :
العمر : 20 , الجنس : ذكر

الطول :170 متر
الوزن : 55 كيلوجرام

نسبة الدهون : 12%

و الاستفسار كالتالي :
السلام عليكم ..

استفساري ياوحوش هو عن طريقة آلية أول أسبوع الشامل أو أسبوعين وبعدين أبدأ في الجدول ، الجدول سهل راح امشي على جدول أبو راشد لكن الشامل أنا شوي ملخبط فيه ياشباب ومو فاهم وهذا اقتباس لردي في موضوع ( لم أفهم أي مدرب موضوع نقاشي )

توني جاي من الجيم قبل ساعة .. المدرب قالي لازم أسبوعين مدري شهر تمشي على برنامج لياقة < مرة ماتشيل حديد الحديد بعد هالبرنامج يعني تأهيل .. والمشكلة لو تشوفوني ماشاء الله تبارك الله جسمي ممغوط ومشدود ولياقي مايحتاج هالبرنامج والفلسفة الزايدة بس يضيّع وقتي .. جيت استشرت الأخوان هنا زي ذا كيست وكابتن أحمد وتوتو جدة .. المهم
قلت للمدرب اليوم كلام كباتن المُنتدى .. قالي أي منتدى ؟ قلت له المُنتدى قالي كلام فاضي وأنت اي شي تصدقه بالنت تبيني ادخلك شامل على طول أنت كذا اهنتني وحطيتني جاهل فضلت الي بالنت علي ؟؟؟؟
خلاص حدخلك شامل وزي منتا عايز وحشرف عليك ياوحش .. المهم تخيلوا سحب سيفون ( زعل ) وجى مدرب ثاني قالي خش هذي التمرين حق رجول وقالي 4 جلسات مع 25 عدة شوي يجيني المدرب الزعلان الي توه ويقول لا 15 عدة !! هههههههههههههههههههههههههههههه شوفوا التناقض بينهم
المهم اليوم المدرب لعبني تمارين للأرجل جهاز اثبت شي على كتفي واطلع وانزل 4 جلسات 15 عدة .. بعدين تمرين سحب الحديدة لتحت - حقت الظهر - 4 جلسات 10 عدات .. بعدين تمرين الصدر الي دق مسكة على قدام 4 جلسات 10 عدات .. بعدين المسكة الي مثل التمرين الي توه بس مو ع قدام لا فوق و 4 جلسات و 10 عدات .. بعدين وداني لغرفة اللياقي وقلي تمارين بطن 20 عدة 3 جلسات .. بعدين قلي شكراً ياوحش مع السلامة هههههههههههههههههههههههههه والله احسهم خرررررطي وش رايكم بالله ؟؟؟؟ هل تمارينهم صحيحة ؟؟؟؟
وهل كلامهم صحيح ؟؟؟ يقولي انت ماشي غلط داخل شامل ع طول ومدري ايش .. حتى التمارين هذي تسكيته يوم قلي شكراً ومع السلامة قلت له بس ؟؟؟ هذا الشامل الحين ؟؟؟ قلي ايوة اليوم العضلات الكبيرة بكرة الصغيرة .. وش رايكم شباب امانة ؟؟ انا مدري احسني ملخبط وطفشت من ثاني يوم ..

بصراحة ياكباتن أنا طفشت من النادي ومنهم يعني أحس التمارين الي قلي عليها المدرب - تسكيتة - والله أعلم ف دلوني على الطريق الصحيح وأنا شوي رايح للنادي الساعة 1 الظهر ، ياليت تعلموني على الأجهزة وش هي التمارين وكم جلسة وكم عدة .. وهل العضلات الكبيرة لحال والصغيرة لحال ولا كلها مع بعض ؟ وهل كل عضلة يكتفي لها تمرين واحد ولا اثنين ؟ مثلاً صدر تمرين وبطن تمرين وأرجل تمرين و ... إلخ ولا أكثر من واحد ؟

[Heartbeat]

وعليكم السلام

شوف اخوي 3 ايام شامل كافي
بعدها تدخل على جدول ان شاء الله

اما عن الية الشامل
انك تلعب جميع العضلات مع بعض
لكن كل عضلة تمرين او اثنين

اما عن نوعية التمارين بسيطه
تلعب على الاجهزه
صدر عالي + صدر مستوي
اكتاف خلفي + اكتاف امامي
ظهر خلفي + ظهر امامي
باي دامبل تبادل
تراي جهاز القضيب

ثاني يوم تغير بالتمارين
الامر بسيط ان شاء الله

[متعطش]

الله يعطيك العافية ياوحش .. طيب أتمنى إنك فهمت كلامي بخصوص مدربي هل تكنيكه غلط ؟
وماقلت كم جلسة للتمرينات وكم عدة بالنسبة للضخامة .. ورآي البقيّة مهم من فضلكم

[متعطش]

للرفع .......

[متعطش]

ياشباب رايح بعد 55 دقيقة ؟؟ .. يعطيكم العافية

[متعطش]

يالله ماعليه كثر خيركم .. أنا رايح للنادي سلام

[Rashid.S]

خلك معهم ثلاث ايام دام لياقتكـ حلوه وكنت تلعب قبل ،، اما اذا توك حاول تكمل اسبوع ،،

وكلامه انك تلعب فل بودي لمدة شهر كلام سليم ،، تحتاج انك بعد الشامل تلعب شامل ثاني 3 مرات بالاسبوع بس على اوزان ثقيله وتمارين اساسية عشان تمرن جسمك 3 مرات بالاسبوع وتستفيد اكبر استفاده

بعدها يدخلك على عضله عضله او يدخلك على اربع ايام بالاسبوع ويعطيك الصدر مع الباي والظهر مع التراي لا تستغرب عادي ،،
انت بتخلص صدر ترايك متقطع ما راح تقدر تكمل تراي ،، بس خل الصدر والظهر بعاد عن بعضهم ،،

وتقدر تدخل على جدول بو راشد على طول ،، بس بعد الشامل ،،

الشامل اذا كان تمارين كثيره يعني كل عضله تمرينين تلعب مجموعتين على 10 -15 عده
اما اذا تمرين واحد لكل عضله كبيره تقدر تلعب 3-4 مجموعات من 10 - 20 عده معندك مشاكل ،،

يلا يا بطل ،، ودايم لا تطلع المدرب غلط وتتحداه لانه لازم يحس انك واثق فيه عشان يدربك ،، تعاله من سياسة اقتراح او انه انت تفضل كذا هو اش رايه ،،

موفق ان شاء الله ،،