السلام عليكم و رحمة الله
موضوعي اليوم بسيط .. ربما مكرر كوني طرحت تجربتي مع هذا المنتج بصفحة المنتجات بالمنتدى ..
عموماً .. شخصياً جربت عدد كبير جداً من منتجات الباور .. ما بين منتجات اخذت عينات مجانية منها و منتجات جربتها من الاصدقاء
و منتجات اشتريتها و استعملتها .. المنتجات الي استعملتها كانت : Jack3d .. AmiN.O Energy .. Super Pump 250
N.O Shotgun .. VPX Anarchy .. No.Xplod .. Red Blood .. و منتجات ثانية ما تحضرني ربما ..
كل هذي المنتجات شيء و الـAnimal Rage شيء ثاني حقيقة .. كلها منتجات باور و كافيين و تحسن البمب .. الانيمال ريج منتج
بتركيبة مختلفة عنهم و مفعول مختلف فعلاً .. منتج ما يأثر على البمب ابداً .. لكن منتج يوم تحط الوزن و تبدأ ترفعه .. بمجرد ما تحط
بعقلك انك ناوي تركز بالتمرين .. تحس نفسك عايش بالتمرين 100% و بعالم ثاني .. كل حواسك و تركيزك بالتمرين .. بصراحة لتمرين
ممتاز ما احتاج غير تغذية سليمة .. انيمال ريج .. و اغاني ممتازة بصوت عالي .. ما اكتملت هذي المعادلة معي في يوم و تمرنت تمرين
سيء ابداً .. منتج رهيب .. و الاهم , شعور الهبوط الي يصيبني من الكافيين بعد التمرين بساعات غير موجود بالريج ابداً ..
الان للتنويه انه طريقة استخدامه اهم ما فيها انه الشخص ياخذ اسبوعين راحة من اي نوع كافيين .. ريد بول او قهوة او شاي او غيره ..
اقطعها اسبوعين .. و سكوب انيمال ريج مع 4 اونس ماء .. اشرب على نفس واحد على معدة فارغة .. و لو كانت تغذيتك سليمة اتحدى
تعيش تمرين سيء .. مستحيييييل .. احسن تمرين اذكره من مدة, انيمال ريج و تمرين ظهر .. مع جرعة غضب قبل التمرين ! حصل موقف
اتنرفزت منه .. شلت اوزان رائعة و بتركيز رائع و كسرت وزني بالديد ليفت ..
الان .. كنقل تجربة تقليدي .. 44 سيرفينج .. كل سيرفينج سكوب .. و الاهم انه مش مثل منتجات ثانية ممكن تحتاج سكوبين او ثلاثة او غيرها
ابداً .. سكوب واحد مهما كنت و ممكن ما تحتاج سكوب كامل .. بالتالي الانيمال ريج يكفي لـ44 تمرين مقابل 30 دولار !! شخصياً استخدمه
يوم الظهر و يوم الصدر .. اسبوعياً مرتين و احياناً ما استخدمه .. يعني يكفيني على الاقل 22 اسبوع .. الطعم مقرف لكن من كثر ما عشقت
هذا المنتج صرت استمتع بقباحة طعمه .. طعمه تحسه لايق على الـAnimal .. الان بينزل منه نكهة بطيخ جديدة بيقولو مميزة لكن شخصياً
ما راح اغير نكهة البرتقال المقززة .. الشيء الجيد انه 4 اونس تشرب على نفس واحد من غير مشاكل .. المنتج ابداً ما فيه مشاكل اختلاط
ابداً و كونه لا يؤثر على النايترك اوكسايد من الممكن خضه بالشيكر من غير مشاكل ..
المنتج رائع جداً .. العيب الوحيد انه ما يحسن البمب .. بالتالي انصح مع منتج بمب خالي من الكافيين معه ..
غير هالشيء .. منتج انصح اي شخص ممكن يحصله يشتريه و على ضمانتي الشخصية ..
مع مراعاة اسبوعين راحة من الكافيين على الاقل قبله ..
بالتوفيق
