وزني ناقص واتمنى تنصحوني وش استعمل من مكملات ؟

[v88.a]

معلومات المتقدم بالاستفسار :
العمر : 23 , الجنس : ذكر

الطول :168 متر
الوزن : 54 كيلوجرام

نسبة الدهون : ؟؟

و الاستفسار كالتالي :
السلام عليكم شباب .. يعطيكم الف عافيه على التعاون اللي بينكم .. انا مابطول عليكم بس ابا اشرح لكم الوضع واتمنى من كل قلبي انه حد يرد عليه من ذوي الخبره .. طبعا وزني 54 وطولي 168.. بديت العب حديد من ست شهور تقريبا وانا اعتبر يديد في هذي اللعبه .. واستعملت فالبدايه بروتين اسمه ترو ماس والحمدلله زاد وزني بعد ماكان 47وصل 52 مده شهرين .. وبعدين قطعته .. وكملت اللعب بدون اي شي .. فقط اكل عادي .. وانا من النووع اللي ياكل ولا يمتن .. ومن قبل شهر رمضان بفتره بسيطه استعملت سيريس ماس ووصل وزني حاليا 54 .. ومازلت استعمله مرتين فاليوم .. السؤال انه .. عندي اصدقائي كانوا يلعبون ويايه فنفس الفتره اللي سجلت فيها وظهرت الفرووق واضحه جدا عليهم .. وانا لم تظهر عليه اي فروق الا شي بسيط جدا ..
ارجو من اهل الخبره في مجال هذي الرياضه ينصحني شو استعمل .. وكيف جدول التمارين .. واهم سؤال كيف اقدر ازيد من الاوزان اللي العب فيها ومتى اقدر ازيد لأني طول الفتره اللي العب فيها ماقدرت ازيد اوزاني الا شي بسيط .. ارجوووكم ساعدووني
السموحه منكم طولت عليكم .. لكن جد انا عانيت واايد .. واتمنى منكم تساعدوني وماتقصرون وياليت حد يقدر يتواصل معايه على الاميل .. وشكرا جزيلا

[THE CAST]

وعليكم السلام


تم تعديل العنوان يرجى مراجعة قوانين القسم

[v88.a]

السلام عليكم .. شباب ماحد رد على مووضوعي ؟؟

[zack khan]

استخدم الميجاماس 3 اسكوبات في اليوم مع الفطور وقبل التدريب وبعد التدريب واذا بدك تزيد اوزانك استخدم الكرياتين

[v88.a]

يعطيك العافيه .. انا استعمل سيريس ماس .. حاليا .. بس الكرياتين ماستعملته واتمنى تفيدني شو فايدته وكيف استعمله ؟؟

[بائع الورود]

شوف يالطيب انا ابي انصحك

الكرياتين نوع من الاحماض الامينية لاكن انتبه تستخدمه في رمضان !! السبب لانه يتعب الكلى شوي لذلك الي يستخدمون كرياتين لابد يشربون 6 لتر ماء باليوم من شان يخفف الظغط على الكلى

لذلك خلك على السرياس ماس ووهو افضل مكمل لزيادة الوزن

وخذ هالرابط راح يفيدك كثير http://www.montada.com/showthread.php?t=713430

تحياتي

[v88.a]

يعطيكم الف عافيه والله ماقصرتوا .. تحياتي لكم

[salam912]

يالغالي الأهم من ذلك التغذية بما لايقل عن 5 وجبات غنية بالبروتين
موفق

[Dr.H.A.E]

اهتم بالتغذيه وانا اخوك ,,

وبعدين فكر بالمكملات ,, لو تغذيتك سيئه ,, مراح تفيدك المكملات بشئ ,,

على العموم الواي بروتين بيعطيك عضل صافي ,,


الله يوفقك في كل مايحبه الله ويرضاه

[v88.a]

يعطيك الف عافيه Dr.UAE تسلم عالمرور الطيب ..