معلومات المتقدم بالاستفسار :
العمر : 28 , الجنس : ذكر
الطول :173 متر
الوزن : 70 كيلوجرام
و الاستفسار كالتالي :
السلام عليكم وكل عام وانتو بخير ومبارك عليكم الشهر
حبيت اقولكم عن معاناتي اللي تمت اشهر مابي اطول عليكم بدش بالموضوع
انا بنيتي ضعيف قبل النادي حيث كان وزني 55 ودخلت نادي من ثلاث سنوات ونص وزاد وزني ودخلت اكثر من كورس هرمون وصار وزني 75 اثاء الكورس حاشني عوار ظهر مميت ماقدر امشي ولا اتحرك كأنه منشار يقص ظهري وكان العوار اخر الظهر عند المشي ولما اكون قاعد في عوار لكن خفيف لكن مع المشي ماقدر امشي كلش كنت امشي خطوتين واقعد على طول وبالقعده رجلي كانت اتنمل بشكل سريع ومرا بالمطار قعد بنص الارض كان عوار قاتلني ورحت المستشفى وعطوني حبوب ولصقات للظهر ولا فاد وعطاني ثلاث ابر كرتزون بظهري بنفس الوقت ولا فاد وسويت اشعة رنين وعطاني 12 جلسه علاج طبيعي ولا فاد حسيت اني خلاص مراح اتشافى لانه كل شي جربت واهلي فكرو يسافرون للعلاج كنت اروح النادي العب عقله واجهزه للظهره الخفيفه يجماعه العوار تلاشى من شي واحد هذا اللي فكرت فيه انا عندما نزل وزني الى 70 راح العوار هذا الشي اللي اعتقد فيه قلت يمكن ظهري ماتحمل وزن زايد وللحين مادري شنو سبب العوار وكذالك رحت حق الطبيب الشعبي جاسم بهمن وشاف اشعتي قالي عامودك الفقري مستقيم والعامود الفقري الانسان الطبيعي يجب ان يكون مايل عشان لايظغط على الفقرات وحاط ايدي على قلبي اني ادش كورس هرمون او من المكملات يزيد وزني ويرجع العوار !!
