##""ضروووري"" تشوفوا كورس مكملاتي$$

[meedo medo]

معلومات المتقدم بالاستفسار :
العمر : 24 , الجنس : ذكر

الطول :175 متر
الوزن : 70 كيلوجرام

نسبة الدهون : 16

و الاستفسار كالتالي :
يا حبايبي اعضاء ومشرفي هالمنتدى الرائع،،

بعد تصفحي واستفساراتي المتعددة في جنبات هذا المنتدى الجميل،،

قررت كورس المكملات التالية؛

1/نيترو تك
2/سيل تك
3/امينو تك
4/ملتي فيتامين اوبتيموم
5/انيمال بمب>>استخدمة في ايام التمارين فقط وعددها 4 ايام

اخواني الهدف ضخامة عضلية قوووووية جداً،،

تكفووون ضروري ارائكم جمييييعاً>>لازم الكل يرد الله يسعدكم،، وقولولي ايش اضيف،، وياليت بعد انسب طريقة للاستخدام،،

ومررررررررررة شكرررررررررراً مقدماً،،

[Dr.H.A.E]

السلام عليكم ورحمة الله وبركاته ,,

وانا اخوك انا ما انصحك بهاذي الشركه ,, انا ما قد جربتها لكن الأعضاء هنا جربوها كثير ولا فيه احد يمدحها لانها بتهتم بدعاياتها اكثر من منتجاتها ,, والشباب هنا يسمونها ( نصب تك ) بدل مصل تك ,,

لكن

اذا تبي بروتين فخذ لك ايزو 100 ممتاز ,, ولا خذلك مايوفيشون جدا ممتاز لانه بروتين مركب من واي بروتين وبروتين البيض ,,

وخذ معها ملتي فايتمن و خلك كرياتين مونوهيدرات ,, ومعها اوميقا 3 ,

وما اشوف له لزمه انك تاخذ اماينو ,, ولو حاب خذ لك BACC او خذ لك الأكستند ,,


والله يستر عليك و ويوفقك في قيام ليلة القدر يارب ,

[B AS U WANT]

هلا اخوي -- والله انا ماانصحك بشركة مسل تك -- لاني جربت بنفسي النيترو تك -- وماسوا معي الا شيء طفيف جدا --

[meedo medo]

يعطيكم العافية ياللي رديتو وما قصرتوا** يعني ما تنصحوني بهالكورس والله كنت مأمل علية انو مره جبار لانو فيه اصدقاء لي لعيبة كبار ما شاء الله عليهم نصحوني فية وبقوة والله حيرتوني

[العاشق M]

طيب راجع كورسك
بتاخذ سل تك مع انيمال بمب الاثنين منتج باور
ومنتج نيترو تك هذآ يعتبر نفس الواي بسبب قلت الفات فيه
ولا تعال بعد اذا فتحته مافيه الانصف العلبه وغالي جدآ
وانت تقول تبي ضخامه عاليه فا ارشحلك المكملات هذآ

شوف حبيبي امينو تك + كرياتين + انيمال ام استاك + بروكمبلكس جينر او سرياس ماس

بتوفيق اخي

[بردان1]

طبعا ماقصروو الاخوان
واتفق مع كورس الاخ العاشق

للكن بالنسبة للكورس الي نصحوك تقول فيه كبار مو شرط تمشي عليه باسم المنتج تماما يعني تقدر تمشي عليه ايضا اذا تثق بكلامهم بس تغير بالمنتجات
النيترو تك = واي بروتين اساسا فخذ واي بروتين من اوبتمم افضلك من مسل تك واوفرلك
السيل تك = كرياتين وسكريات .. خذ كرياتين صافي من اوبتمم افضل مونهدرات
الامينو تك ممتاز
الانمال بومب ماضن تحتاجه دامك تستخدم الكرياتين

وومكن تضيف عليهم المالتي فيتامين ومحفز مثل الانمال ام ستاك

او نمشي ع الكورس الي عطاك العاشق

وبالتوفيق

[بائع الورود]

شوف ونا اخوووك انا بعطيك الكورس بطريقتي والشباب ماقصرو معك

النيتروتك خذ بدالة واي بروتين افضل بكثيررر وارخص لك لاتنسى انه حاصل افضل مكمل تقريبا لمدة 6 سنوات او اكثر !

السل تك افضل بداله كرياتين مينوهيدرات من اوبتمم ( السل تك غالي جدا جدا ) والعلبة تقريبا كيلو !! او اكثر بشي بسيط

الامينو تك ممتاز وعندك سوبر امينو من شركة ديمايتز ايضا ممتاز

الانيمال بومب رائع

ملتي فتامين من ابتمم جدا رائع

تحياتي